რეტრომედია
რეტრომედია

სკანდალური ტელედაჭერები

სკანდალური ტელედაჭერები

„ალია“, 8 ივლისი, 2014 წელი

2018-11-05 16:44:59

თბილისის სატყეო მეურნეობის დირექტორს, შოთა მეფარიძესაც სამოხელეო დანაშაულს ედავებოდა პროკურატურა. 83 წლის კაცი, რომელსაც დაახლოებით 10 სხვადასხვა დაავადება სჭირდა, წინასწარ პატიმრობაში გაუშვა სასამართლომ. ესეც საპროცესო გარიგებით გამოუშვეს - 100 000 ლარი გადაახდევინეს, თუმცა, მაშინვე გავრცელდა ხმები, რომ მეფარიძეს თავისუფლება კიდევ 1 მილიონი დოლარი დაუჯდა და ეს თანხა თბილისის იმჟამინდელმა მთავარმა პროკურორმა, ვალერი გრიგალაშვილმა საკუთარი ხელით მიუტანა სააკაშვილსო. "საქართველოს რკინიგზის" გენერალური დირექტორი აკაკი ჩხაიძე ბათუმის რესპუბლიკურ საავადმყოფოში იწვა და წვეთოვნები ედგა. 2004 წლის 15 იანვარს, საკუთარი თვალით ვნახე საავადმყოფოში აკაკი ჩხაიძე, ინტერვიუს ჩასაწერად მივედი, მაგრამ უარი მითხრა, შეუძლოდ ვარო. კაცი ძლივს ლაპარაკობდა, მართლა საკმაოდ მძიმედ იყო და ლოგინიდან ვერ დგებოდა. გაოგნებული დავრჩი, რომ მეორე დღეს, დილაუთენია, გია ბარამიძემ სპეცოპერაცია ჩაატარა და აკაკი ჩხაიძე საავადმყოფოდან მოიტაცა, თბილისში კი ვერტმფრენით ჩამოიყვანეს და თავს ჟურნალისტები დაახვიეს. ჩხაიძეს სამოხელეო დანაშაულში ედებოდა ბრალი, არც არსად გამქცევი იყო და ვერც გაიქცეოდა, იმდენად ავად იყო, მაგრამ საავადმყოფოდან მოტაცებულ კაცს, 3-თვიანი ციხე მიუსაჯეს.

ნანახია - 101

კომენტარები - 0

როგორ სეირნობდა თურქეთში ტყვედ გაყიდული ქართველი ლომებთან ერთად

როგორ სეირნობდა თურქეთში ტყვედ გაყიდული ქართველი ლომებთან ერთად

„თბილისელები“, 12 აგვისტო, 2012 წელი

2018-11-03 15:14:42

ღაზი ჰასანი, საქართველოდან აღმოსავლეთ თურქეთში ტყვედ გაყიდული ბიჭი, რიგითი იანიჩარი იყო, როცა მონაწილეობდა ჯერ ავსტრიის წინააღმდეგ ომში, შემდეგ ალჟირში და მერე ისევ სტამბულში. იქ კი უკვე საფლაგმანო გემის კაპიტანი ხდება და ებმება 1779 წლის ჩესმენის ბრძოლაში. ამ წაგებულ ბრძოლაში პირადად მის წარმატებულ ქმედებებს აღნიშნავენ. 1770 წლის ოქტომბერში დაიბრუნა რუსებისგან დაპყრობილი კუნძული ლემნოსი, რისთვისაც ღაზის, ანუ გამარჯვებულის ტიტული დაიმსახურა. ამის შემდეგ ის კაპუდან-ფაშად დააწინაურეს. ჩესმენის დამარცხების გაკვეთილმა კაპუდან-ფაშას სამხედრო-საზღვაო სასწავლებელი დააარსებინა. მოგვიანებით, ახალი სულთნის, სელიმ მესამის ბრძანებით, კაპუდან-ფაშას თანამდებობა ქუჩუკ-ჰუსეინ ფაშას გადააბარა, ხოლო თვითონ სერასკირის წოდებით, იზმაილს გაემგზავრა. 1789 წელს ის უკვე დიდვეზირი და მხედართმთავარია დუნაიზე.

ნანახია - 153

კომენტარები - 0

როგორ დაიწყო ჯაბა იოსელიანისა და ზვიად გამსახურდიას ურთიერთობა და როდის ჩატყდა მათ შორის ხიდი

როგორ დაიწყო ჯაბა იოსელიანისა და ზვიად გამსახურდიას ურთიერთობა და როდის ჩატყდა მათ შორის ხიდი

„თბილისელები“, 2 თებერვალი, 2014 წელი

2018-11-01 15:39:47

„რაც შეეხება ჩემს ბიოგრაფიას, ეს ხომ კულუარების მუდმივი სალაპარაკო მასალა გახდა: როგორ? არაპარტიული, კომკავშირში არანამყოფი, ნაციხარი, ჯარში არნამსახურევი, საზოგადოებრივ ცხოვრებაში არააქტიური და ასე შემდეგ და ასე შემდეგ... ბოლოს და ბოლოს, ვინ არის ეს იოსელიანი? ამას დაემატა ერთი პიკანტური გარემოებაც. ჩემი „შავი რეცეზენტის” ცოლის დაქალი, გასაგები მიზეზების გამო, ჩემი ამაოდ მოძულე ქალბატონი გამოდგა...”

ნანახია - 135

კომენტარები - 0

გესტაპოს მეთოდები - ქართულ საპატიმროში

გესტაპოს მეთოდები - ქართულ საპატიმროში

„საქართველო და მსოფლიო“, 17 მაისი, 2012 წელი

2018-11-01 15:30:27

„ყოველ დილით, შემოწმებისას, გაშიშვლებას გვაიძულებენ, შემდეგ კი შიშვლებს შეუბრალებლად გვცემენ, სანამ არ მობეზრდებათ. ხელებდაწყობილ მდგომარეობაში რამდენიმე საათს გვაჩერებენ და, თუ რომელიმე დავიღლებით, ყველას კოლექტიურად გვსჯიან და „ინბოქსში“ გვიშვებენ, რომელიც 3 კვმ-ია, საწოლიც კი არ არის და ძირსაც რომ არ წამოვწვეთ, ცივ წყალს გვისხამენ“, - ასე ახასიათებს ქუთაისის ნომერ მეორე საპატიმრო დაწესებულებას სახალხო დამცველის - გიორგი ტუღუშის ანგარიშში ერთ-ერთი პატიმარი.

ნანახია - 79

კომენტარები - 0


სარეკლამო ბანერი
1000 X 80