ვინ აშენებს ხუდონჰესს და რისთვის?
საზოგადოება

ვინ აშენებს ხუდონჰესს და რისთვის?

ვინ აშენებს ხუდონჰესს და რისთვის?
თამთა ქარჩავა

2013-10-21 20:41:35

ხუდონჰესის პროექტის განმხორციელებელი კომპანია „ტრანსელექტრიკას“ შესახებ ქართულ მედიაში არაერთგვაროვანი ინფორმაცია ვრცელდება. რამდენადაც for.ge-სთვის არის ცნობილი კომპანია „ტრანსელექტრიკა“ - სპეციალურად დაფუძნებული კომპანიაა ხუდონჰესის პროექტის განსახორციელებლად და მისი დამფუძნებლები არიან, ბუპენდრა კანსაგრა, უმდიდრესი ინდური ოჯახის კანსანდრების შთამომავალია, იგი რამდენიმე საერთაშორისო კომპანიის დირექტორთა საბჭოს წევრია. მათ შორის AGM- ქიმიური წარმოება, სამეფო ჰოლდინგი (სპაის ჯეტ), „ბიშოპვუუდ“ - უძრავი ქონება, ასევე ნავთობ საბადოების მეპატრონეა კენიაში.

მისი სახელი უკავშირდება საერთაშორისო სასოფლო სამეურნეო ჰოლდინგებს, მებაღეობას, მინერალური წიაღისეულის გადამუშავებას, სასტუმრო ბიზნესს და უძრავ ქონებას. მისი ბიზნესები განლაგებულია დიდ ბრიტანეთში, კენიაში, ტანზანიში, მოზამბიკში, სუდანში, ნიგერიაში და ინდოეთში. ნიგერიაში ზღვის შელფში არსებული ნავთობის ბლოკებზე სხვადასხვა დროს მისი პარტნიორები იყვნენ შევრონი და ტეკსაკო.

მოჰინდერ ვერმა, კონტინენტალ კონსტრაქციონ კორპორაციონის დამფუძნებელი და ხელმძღვანელია, პროფესიონალი ინჟინერ მშენებელი, რომელსაც განათლება ამერიკის შეერთებულ შტატებში აქვს მიღებული, კომპანია ძირითადად საქმიანობს ჰიდროენერგეტიკის ირიგაციის და საზღვაო მშენებლობის ბიზნესში, აშენებული აქვს დიდი ჰიდროელექტროსადგურები, წყლის ირიგაციული სისტემები მრავალ ქვეყანაში. სწორედ ამ კომპანიის სახელს უკავშირდება ახალი ტექნოლოგიების დამკვიდრება, მათ შორის - ბეტონის ჩასხმის უახლესი მეთოდოლოგია, საზღვაო მშენებლობების კონტროლი და მათი ხარისხობრივი შემოწმება.

მდინარე ენგურზე ხუდონჰესის მშენებლობა დაპირისპირების მიზეზად იქცა. ამ საკითხზე საჯარო განხილვები თბილისსა და სვანეთში უკვე გაიმართა. ხელისუფლება აცხადებს, რომ მზად არის ადგილობრივი მოსახლეობის მოთხოვნები მაქსიმალურად დააკმაყოფილოს. უახლოეს მომავალში ხუდონჰესის მშენებელი კომპანია „ტრანსელექტრიკა“ სვანეთში ოფისს გახსნის.

ენერგეტიკის მინისტრის კახი კალაძის განცხადებით, აღნიშნული ნაბიჯი ხელს შეუწყობს ადგილობრივი მოსახლეობის ინფორმირებას ხუდონჰესის პროექტის განხორციელების მნიშვნელობის შესახებ.

„პროექტის განვითარების ეტაპზე ყველაზე მნიშვნელოვანი და მტკივნეული ადგილობრივი მოსახლეობის დამოკიდებულება იყო, თუმცა აქტიურად დაიწყება მუშაობა მოსახლეობის

ინფორმირებისთვის, თუ რამდენად მნიშვნელოვანია ეს პროექტი ჩვენი ქვეყნისთვის. ასევე, მაქსიმალურად გავაკეთებთ ყველაფერს, რომ მოსახლეობის ინტერესები გათვალისწინებული იქნას. ადგილზე ინვესტორი კომპანია უნდა ჩავიდეს და ოფისი გახსნას“, - განაცხადა კახი კალაძემ.

ხუდონჰესის მნიშვნელობაზე განცხადება პრემიერ-მინისტრმაც გააკეთა. ივანიშვილის თქმით საქართველოში დიდი ჰესები აუცილებლად აშენდება. მისივე განმარტებით „ხუდონჰესის“ აშენება არავითარ ხიფათს არ უქმნის ბუნებას.

„შვეიცარიაში, რომელიც გამოჩეული ქვეყანაა ბუნების გაფრთხილების კუთხით, 10-ჯერ მეტი ტერიტორია არის დაფარული წყლით ჰესებისთვის, არაფერი საოცარი ზიანი არ ადგება ბუნებას. ბუნების გარდა, იქ კონკრეტული ოჯახები არიან, რომელთაც მე გულწრფელად ვუთანაგრძნობ, მძიმეა როდესაც წლების განმავლობაში ცხოვრობ, მოდიან და სხვაგან გადასვლას გთხოვენ. ჩვენ სვანების ვაჟკაცობას დიდ პატივს ვცემთ და თითოეული მათგანთან გავაკეთებთ ახსნა-განმარტებებს. სვანებს ბევრი რამ გაუკეთებიათ საკუთარი ქვეყნისთვის და დღესაც გააკეთებენ“, - განაცხადა ივანიშვილმა. 
მისივე თქმით, ხაიშის მაცხოვრებლებზე „გრანტებზე დამჯდარი“ ხალხი ახდენს უარყოფით ზეგავლენას. 
„ერთი რამ უნდა გავაცნობიეროთ, წუთიერ გამორჩენაზე ნუ დავჯდებით. ჩვენ რესურსები უნდა გამოვიყენოთ, ხუდონი გასაკეთებელია. იქ მცხოვრები მოსახლეობისთვის შესაბამისი ანაზღაურებაც გაკეთდება. მოსახლეობას უფრო ფაქიზად უნდა მოვექცეთ. „ხუდონჰესთან“ დაკავშირებით ჯერ საკითხი ისე არ დგას, რომ მე ამ მოსახლეობას შევხვდე, თუმცა ვაპირებ მათთან შეხვედრას“, - აღნიშნა პრემიერმა და დასძინა, რომ ჭორვილასაც გაწირავდა იმისთვის, რომ ქვეყანას კარგად ეცხოვრა.

ხუდონჰესის მშენებლობის აუცილებლობაზე საუბრობს, ენერგეტიკის ყოფილი მინისტრი, დავით მირცხულავა. მისი განმარტებით, ხუდონჰესის გამომუშავება 1 მილიარდ 500 მლნ. კვტ.სთ იქნება, ეს იქნება ენგურჰესის შემდგომ ყველაზე მძლავრი სადგური საქართველოს ენერგოსისტემაში და ეს ჩვენი ჰიდროგენერაციის, დაახლოებით, 16 %-მდეა. როგორც მირცხულავა ამბობს, მემორანდუმით ხუდონჰესს აღებული აქვს ვალდებულება საქართველოს ენერგოსისტემას მისცეს 133 მლნ. კვტ.სთ ზამთრის 4 თვის განმავლობაში 5,84 ცენტად.

„დღეს, 2013 წელს, ზამთრის ენერგია 9,6 თეთრი ღირს. თუ ამას იმპორტირებული ენერგიის ფასს შევადარებთ 2019-20 წლისათვის ხუდონჰესის მიერ გამომუშავებული ენერგია იქნება ერთ-ერთი ყველაზე იაფი ენერგიის წყარო ამ პერიოდისათვის. ამის გარდა, საქართველოს მთავრობის 2013 წლის 21 აგვისტოს N214 დადგენილებით, ყველა მშენებარე ელექტროსადგურის ვალდებულებად განისაზღვრა, რომ თავისი გამომუშავებული ელექტროენერგიის 20% მიყიდოს სახელმწიფოს, რაც ხუდონის შემთხვევაში უკვე 133 მლნ. კვტ/სთ კი არ არის -არამედ 300 მლნ. კვტ/სთ-ა, რაც ძალიან საგულისხმოა“, - აცხადებს მირცხულავა.

მისივე განმარტებით, კიდევ ერთი უმნიშვნელოვანესი მომენტია ის, რომ ხუდონჰესის აშენება ენგურჰესს საშუალებას მისცემს გამოიმუშაოს დამატებითი ენერგია ყველანაირი ინვესტიციის გარეშე.

„ინვესტორი კომპანია თავის ანგარიშებში მიუთითებს, რომ ეს იქნება 300 მლნ.კვტ/სთ. ჩემი გათვლებით, კი ეს იქნება მნიშვნელოვნად მეტი, მაგალითად, თუ 2011 წლის ჰიდროლოგიურ (არასაუკეთესო წელი წყლის თვალსაზრისით) მონაცემებს დავეყრდნობით, ენგურჰესი დამატებით გამოიმუშავებს 476 მლნ. კვტ/სთ ენერგიას. ბატონებო, ეს 476 მლნ კვტ/სთ უდრის ჟინვალჰესის წლიურ გამომუშავებას (საშუალო მრავალწლიურზე მეტიც არის), ანუ აუშენებლად, კიდევ ერთ ჟინვალჰესს მივიღებთ და რაც ყველაზე ფასეულია, ეს არის უიაფესი ენგურჰესის ენერგია, რომლის ფასი 1,18 თეთრია და რომლის სიიაფე, ძირითადად, განსაზღვრავს ელექტროენერგიის ტარიფის სიიაფეს მთელ საქართველოში. ოპონენტები აპელირებენ იმაზე, რომ, თითქოს, ხუდონი მოგების გადასახადს გადაიხდის მხოლოდ 2037 წლის შემდეგ, რაც რბილად რომ ვთქვათ, საზოგადოების შეცდომაში შეყვანაა და არ შეესაბამება სინამდვილეს.

ხუდონჰესი ქვეყნის ბიუჯეტში მისი ექსპლუატაციის დაწყებიდან მე-2 წელსვე გადაიხდის მოგების გადასახადს და მისი სიდიდე შეიცვლება, პირველი 20 წლის განმავლობაში 7 მლნ. აშშ დოლარიდან 40 მილიონ დოლარამდე, ყოველწლიურად და ჯამში, იქნება 410 მილიონი აშშ დოლარი. ასევე ნაგებობის მშენებლობისას, 5 წლის განმავლობაში, ყოველწლიურად, საშემოსავლო გადასახადის სახით, ბიუჯეტში შევა 38,4 მილიონი ლარი, ხოლო ექსპლუატაციაში გაშვების შემდეგ, ყოველწლიურად 4,8 მილიონი ლარი. მშენებლობის დასრულების შემდეგ ქონების გადასახადის სახით, ყოველწლიურად, ადგილობრივ (მესტიის) ბიუჯეტში შევა საშუალოდ 12,3 მილიონი ლარი“, - აღნიშნა მირცხულავამ.

ენერგეტიკის ყოფილი მინისტრის განცხადებით, ამასთანავე, საქართველოს ენერგეტიკული კომპანიები, დამატებით, ყოველწლიურად, 19 მილიონ დოლარამდე შემოსავალს მიიღებენ.

„საქართველოს ეკონომიკის გაჯანსაღებისათვის, საშინელი სიღარიბის დაძლევისათვის, მომავალში თითოეული ადამიანის კეთილდღეობისათვის საჭიროა უამრავი საწარმოს, მათ შორის ენერგოტევადის შექმნა, რაც ბუნებრივად ითხოვს დამატებითი ენერგიის წყაროების- გენერაციის ობიექტების აშენებას. ასეთი საწარმოების კონკურენტუნარიანობის ერთ-ერთი ძირითადი ფაქტორია შედარებით იაფიანი ელექტროენერგია, რაც პირდაპირ ჩვენი საკუთარი ჰიდრორესურსების ათვისებაზეა დამოკიდებული.

მრავალჯერ ვთქვი და კიდევ ერთხელ ვიმეორებ, საქართველოში არის სულ 60-მდე ჰიდროელექტროსადგური, აქედან წყალსაცავიანს, ხელის თითებზე ჩამოვთლით. ჩვენზე პატარა ტერიტორიის, შვეიცარიაში, ალპების ქვეყანაში 550-ზე მეტი ჰესია, აქედან 250 წყალსაცავიანი. ჰესები შენდება დღეს 21 საუკუნეში ავსტრიაში, ხორვატიაში და მსოფლიოს უამრავ ქვეყანაში. სეისმური, მცირემიწიანი იაპონია 2023 წლამდე კიდევ 100-ზე მეტ წყალსაცავიან ჰესს ააშენებს. ყველა ქვეყანას, ვისაც გააჩნია ჰიდრორესურსი, ითვისებს ამ რესურს. და კიდევ ერთი, მცირე და საშუალო ჰესები ვერასდროს ვერ შეასრულებს წყალსაცავიანი მარეგულირებელი ჰესების ენერგეტიკულ ფუნქციას“, - აცხადებს ყოფილი მინისტრი.

For.ge-სთან საუბრისას ის ასვე საუბრობს იმ ურთულეს პრობლემაზეც, რაც წყალსაცავების მშენებლობის დროს განსახლების პრობლემას ეხება. როგორც მირცხულავა ამბობს, არასდროს და არსად არ ყოფილა ეს მარტივი პრობლემა.

„ეს არ იყო მარტივი ენგურჰესის მშენებლობის დროს, ასევე ურთულესი იყო ჟინვალჰესის მშენებლობის დროს, არ იყო მარტივი ბაქო-თბილისი-ჯეიჰანის და ბაქო-თბილისი-ერზერუმის მშენებლობის დროს, არც ავტობანების მშენებლობის დროს ყოფილა ეს პროცესი მარტივი. ათასობით ადამიანმა, რომელთა განსახლება განხორციელდა ამ პროექტების დროს, უდიდესი, განსაკუთრებული ღვაწლი შეიტანა საქართველოსათვის უმნიშვნელოვანესი, სტრატეგიული ობიექტების მშენებლობის საქმეში. ეს ადამიანები მართლაც უდიდეს პატივისცემას, მადლიერებას და დაფასებას იმსახურებენ საქართველოს ყველა მოქალაქისგან, სვანეთიდან დაწყებული კახეთით დამთავრებული და სტეფანწმინდიდან დაწყებული სარფით დამთავრებული.

ხშირად, საზღვარგარეთულ მაგალითებზე მეკითხებიან და ასეთ შემთხვევაში მომყავს ძალიან მცირემიწიანი (მოსახლეობის რიცხვის გათალისწინებით) იაპონიის მაგალითი.

კერძოდ, 2000 წელს იაპონიაში ტოკიოდან 60 კმ-ში და იაკოჰამიდან 40 კმ-ში აშენდა „მიაგასე კაშხალი“  და აქედან გამომდინარე, მჭიდროდ დასახლებული მიწების დატბორვა შეეხო სოფლებს: კიოკავას, ქალაქ ტსუკუის ნაწილს, ქალაქ აიკავას ნაწილს - ჯამში, 490 ჰა, 281 ოჯახი, 1136 ადამიანი. ამ პროექტის დროს ურთულესი მოლაპარაკებები ამ ადამიანებთან დასრულდა ღირსეული კომპენსაციებით, მათ შეექმნათ ახალი მნიშვნელოვნად გაუმჯებესებული სოციალურ-ეკონომიკური გარემო და იაპონიისათვისაც მნიშვნელოვანი სტრატეგიული პროექტი განხორციელდა“, - აცხადებს დავით მირცხულავა.

ნანახია - 4535

odabade

2013-10-21 21:04:42

დავით მირცხულავა.

--------------------------------

იაპონიას და საქართველოს ერთმანეთან როგორ ადარებ?

პს. 30 ვერცხლი 2000 წლის უკან 1000 აშშ დოლარის ექვივალენტია რომაული ვალუტაში, და 4000 დოლარის იუდაველეის ვალუტაში.

ლოგოსი

2013-10-21 21:36:18

მაინც რა ამოჩემებული აქვთ ეს ხუდონჰესი? ხომ ფაქტია, რომ საქართველო ენერგოდეფიციტს არ განიცდის. ამიტომ კეთილი ინებეთ და ასეთ ვითარებაში ნუ ძირავთ კიდევ წყალში 500 ჰექტარზე მეტ ულამაზეს ქართულ მიწას და რაც მთავარია, რიცხვმრავალ სვანურ უძველეს სოფელს ხაიშს. გააგრძელეთ მცირე და საშუალო ჰესების, თბოელექტროსადგურებისა და დაიწყეთ თერმული, ქარისა და მზის ახალი ენერგოსიმძლავრეების მშენებლობა, რასაც მასობრივად აკეთებენ ცივილიზებულ მსოფლიოში.

80-იანი წლების დასაწყისში ტრანსკავკასიური რკინიგზის მშენებლობა იყო დაგეგმილი კავკასიის მთებში გვირაბის გაჭრის პროექტით. იმ დროს მთავრობაში აღმოჩნდა კაცი ვილი კაჭარავა, რომელმაც დაამტკიცა რომ ეს რკინიგზა ხელუხლებელი მთის ბუნებას უდიდეს ეკოლოგიურ ზარალს მიაყენებდა, რომლითაც ამაყობს დღეს ჩვენი ტურისტული ინდუსტრია. ჰოდა, იმ გაგანია კომუნისტების დროს საღმა აზრმა გაიმარჯვა და ახალი რკინიგზის საკავშირო პროექტის მშენებლობა უარყოფილი იქნა სწორედ ბუნებაზე ზიანის მიყენების საფუძვლით.ეს სწორი გადაწყვეტილება იყო, რადგან რუსეთთან დამაკავშირებელი ორი გზა მაშინ უკვე არსებობდა ერთი დასავლეთ საქართველოდან აფხაზეთის გავლით, ხოლო მეორე აღმოსავლეთ საქართველოდან აზერბაიჯანის გავლით, რომლებიც მგზავრების გადაყვანისა და ტვირთის გადატანის დაკისრებულ ფუნქციას შესანიშნავად ასრულებდნენ და ახალი გზა კავკასიის გვირაბის გაჭრით სრულიად ზედმეტი იყო.

დამოუკიდებელ საქართველოში კი ეროვნული ხელისუფლების პრეტენზიის მქონე მთავრობას სურს სრულიად არააუცილებელ ხუდონჰესს შესწიროს სვანეთის ეკოლოგია და კეთილდღეობა, პლიუს ნამახვანის კასკადების მშენებლობით რაჭის ეკოლოგიურ წონასწორობას სურს მოუღოს ბოლო, როცა კიდევ ვიმეორებ, რომ ენერგიის მიღების ალტერნატიული უამრავი აპრობირებული წყარო არსებობს.
რა ქვია ამას, თუ არა იუდასავით მართლაც 30 ვერცხლზე ქვეყნის გაყიდვა?

ხიროხიტო-2

2013-10-21 21:57:42

ლოგოს

ამათთან არანაირი არგუმენტი არ ჭრის, თავისას უბერავენ – ერთიდაიგივეს ღეჭავენ და აშკარად უნიჭო კომკავშირელი პროპაგანდისტები არიან და ეს არც არის გასაკვირი, მათი წარსული ხომ ასეთია – უნიჭო პარტმუშაკების, ასევე უნიჭო "კომსომოლა" შთამომავლები არიან...

არადა არ დამთავრდა ამათი დრო, ალბათ არც დამთავრდება, რადგან მაგათი შვილებიც ასევე ნეოკომსომოლები არიან...

რადიკალურად არის შესაცვლელი მდგომარეობა, რ ა დ ი კ ა ლ უ რ ა დ

აი საინტერესოა დასკვნა, წაიკითხე

http://www.for.ge/view.php?for_id=27611&cat=14

ლოგოსი

2013-10-21 22:26:41


ხიროხიტო-2

გეთანხმები, რადიკალურად არის შესაცვლელი მდგომარეობა და ვფიქრობ, შეიცვლება კიდეც. რაც მთავარია, სააკაშვილის ტერორისტული რეჟიმი იქნა მოშორებული და ივანიშვილის ფაქტორით შექმნილი არაეროვნული პოზიციების მქონე ხელისუფლებაც აუცილებლად შეიცვლება ბევრად ეროვნული ძალებით, რადგან პოლიტიკური გარემოებები, იგივე ივანიშვილის პრემიერობიდან გადადგომა და სოროსისტულ-ლიბერალისტური პარტიების ხელისუფლებაში დარჩენა უკვე ქართველი ხალხისთვის მიუღებელი იქნება უახლოეს ხანებში.
მითითებულ წერილს რაც შეეხება, არ უნდა ვცდებოდე, რომ ეგ ეროვნულ მოძრაობაში ცნობილი პიროვნების თორნიკე ფიფიას ძმის წერილი უნდა იყოს, რომელიც შემდგომ შევარდნაძესთან მუშაობდა და გულის შეტევით სრულიად ახალგაზრდა დაიღუპა.
ყოველ შემთხვევაში, ზუსტად მაგ შეხედულებების შემცველი წერილი მახსოვს მაგ კაცის.
ბევრ რამეში ვეთანხმები, დიდი პოლიტიკური ცვლილებების დროს რომ სოციალურ მოტივებს ერთ-ერთი მთავარი როლი აკისრია, ეგ კანონზომიერი მოვლენაა, მაგრამ, ვფიქრობ, ეროვნული მოძრაობის წლებში მაგ ასპექტს გადაჭარბებულ მნიშვნელობას ანიჭებს.

xalibi

2013-10-21 22:26:51

.............მემორანდუმით ხუდონჰესს აღებული აქვს ვალდებულება საქართველოს ენერგოსისტემას მისცეს 133 მლნ. კვტ.სთ ზამთრის 4 თვის განმავლობაში 5,84 ცენტად.

„დღეს, 2013 წელს, ზამთრის ენერგია 9,6 თეთრი ღირს. თუ ამას იმპორტირებული ენერგიის ფასს შევადარებთ 2019-20 წლისათვის ხუდონჰესის მიერ გამომუშავებული ენერგია იქნება ერთ-ერთი ყველაზე იაფი ენერგიის წყარო ამ პერიოდისათვის. ...............
5.84*1.6635=9.71484----და რის მიხედვით გამოიყვანა 9.6_ზე იაფი, მხოლოდ იმპორტირებულზე აქვთ აქცენტი?!:):)

ლოგოსი

2013-10-21 22:39:46


xalibi

ჭკუაზე გადამყვანი ის არის, რომ საქართველოს ენერგოსისტემა სადღეისოდ დაახლოებით 11 მილიარდ კილოვატ საათს გამოიმუშავებს წელიწადში და 133 მილიონი კილოვატსაათისათვის, რომელსაც ინვესტორი მათხოვარივით გადმოუგდებს საქართველოს, სურთ დაძირონ წყალში სოფელი ხაიში ასობით იქ მაცხოვრებელი კომლით, 528 ჰექტარი მიწა, გაანადგურონ ასი ჰექტარი ტყე და გამოუსწორებელი ეკოლოგიური ზარალი მიაყენონ სვანეთის ბუნებას.

arichopra 2

2013-10-21 22:48:38

ლოგოსი, ხიროხიტო... თუ ასე აუცილებელია ამ ჰესის აშენება როგორც მთავრობა ამბობს (მე შენ გეთანხმები ლოგოს), მაშინ რატომ უნდა მოხდეს მისი აშენება ინდოელი ინვესტორების ხარჯზე და იყოს მათი საკუთრება?! არ შეიძლება ჩვენ "სტრატეგიულ მოკავშირეს" - აშშ (ესეც ნატოში მიღება ან ომში დახმარების აღმოჩენა ხომ არ არის?) ან იაპონიას სთხოვოს ჩვენმა მთავრობამ უპროცენტო სესხი და სადაც 11 მილიარდია 12 გახდება ეს საგარეო ვალი, ამ შემთხვევაში ეს სტრატეგიული ობიექტი ეროვნული საკუთრება იქნება!

arichopra 2

2013-10-21 22:50:48

5 კვ. კმ - ს დატბორვა მე მგონი ეკოლოგიურ კატასტროფას ვერ გამოიწვევს.

xalibi

2013-10-21 22:51:08

ლოგოს-ს
მაგ საკითხებს გვერდს უვლიან და ;იაფი" ენერგიით გადაწყვიტეს ხალხის მოტყუება, მაგრამ ეგეც ვერ დაუთვლია მირცხულავას კარგად:):)

arichopra 2

2013-10-21 22:52:13

მოკლედ თუ საჭიროა ამ ჰესის აშენება, რატომ არ უნდა ააშენოს საქართველომ სახელმწიფო სესხის ხარჯზე?

xalibi

2013-10-21 22:58:55

arichopra-ს
5 კვ.კმ. კი არა, 500-ია პროექტის მიხედვით წყალსაცავის სარკე!!!

ლოგოსი

2013-10-21 23:00:57


arichopra 2

საქმეც მაგაშია, მეგობარო, რომ მსოფლიო ბანკი და ევროპის საინვესტიციო ბანკი, რომლის ხელმძღვანელი ჩაკრაბარტი, რომელიც გვარზე ეტყობა რომ ეგეც ინდოელია, აგერ ლინკი: http://for.ge/view.php?for_id=27635&cat=1
გვირჩევს, რომ დიდი საექსპორტო ჰიდრორესურსები გაგაჩნიათო და შიდა პოლიტიკურ წინააღმდეგობას თუ დაძლევთ, დაგაფინანსებთო, მაგრამ, როგორც ჩანს სატელიტი ქვეყნების სტრატეგიული ობიექტების უცხოელთა ხელში მოხვედრა გლობალისტების მიზანია,რომ ეკონომიკირი სუვერენიტეტი ნაკლებად გააჩნდეთ, ამიტომ ამ კრედიტებს შესაძლოა არც აძლევენ საქართველოს მთავრობას და აძლევენ უცხოელ ინვესტორს.

arichopra 2

2013-10-21 23:01:12

500 ჰა=5 კვ.კმ

zakariazakaria

2013-10-21 23:03:10

რად გინდათ თქვენ ჰესები და ელექტროენერგია. ნავთის ლამფა არ სჯობია, ან თუნდაც ჭრაქი. ბოლობოლო ჩინურ გენერატორს იყიდით ისნის ბაზრობაზე.

arichopra 2

2013-10-21 23:04:45

არა, არ უნდა მივცეთ უცხოელს სტრატეგიული ობიექტების არც აშენების და არც აშენებულის ხელში ჩაგდების საშუალება.

arichopra 2

2013-10-21 23:08:27

ვის და როდის თხოვა საქართველოს მთავრობამ ჰესისი ასაშენებელად სესხი და არ მისცეს, სადაა საბუთი?! :))

ლოგოსი

2013-10-21 23:09:07


arichopra 2
2013-10-21 22:50:48

5 კვ. კმ - ს დატბორვა მე მგონი ეკოლოგიურ კატასტროფას ვერ გამოიწვევს.


ეკოლოგები მყინვარწვერზე თოვლის საფარის ინტენსიური დნობის ერთ-ერთ მთავარ მიზეზად მიიჩნევენ ენგურჰესის წყალსაცავის სარკის გამო კლიმატის საგრძნობ დათბობას სვანეთში, ამას დაემატება ეგ 5 კვ,კმ და უარესი კატაკლიზმები იქნება მოსალოდნელი. ხოლო მყინვარების თოვლზე მდინარეების ნაკადის სტაბილურობაც არის დამოკიდებული.
ჰოდა, რატომ ვრისკავთ და ვიტკივებთ აუტკივარ თავს სრულიად არაუცილებელი გიგანტური ჰესების მშენებლობისთვის, ეს მართლაც ძალიან ძნელად გასაგებია.

ლოგოსი

2013-10-21 23:11:41


zakariazakaria
2013-10-21 23:03:10

რად გინდათ თქვენ ჰესები და ელექტროენერგია. ნავთის ლამფა არ სჯობია, ან თუნდაც ჭრაქი. ბოლობოლო ჩინურ გენერატორს იყიდით ისნის ბაზრობაზე.

საკმარისია ეგ ენერგია საქართველოში და კიდევ უფრო მეტის გამომუშავების სხვა წყაროები არსებობს, ამიტომ ამხელა დასახლების დატბორვა და მოსალოდნელი მეწყერების რისკის გაზრდა ამ პატარა ქვეყანაში სრულიად არ არის საღლიცინო საქმე.

xalibi

2013-10-21 23:13:33

zakariazakaria-ს
ჯერ ის გვითხარი პატივცემულო, მიახლოვებით მაინც თუ გაქვს წარმოდგენა, თუ რა ტექტონიკურ ძვრებს გამოიწვევს წYლის ამხელა მასის დაწოლა იმ ხეობაზე ან მისი კონდენსირება ან ტენიანობა რა შედეგს მოიტანს?? იცით, რომ 100 000 ტონა წYლის დაწოლა ნიადაგზე, უკვე დიდ და სახიფათო ცვლილებებს იწვევს და წარმოიდგინე, იქ რა რაოდენობა იქნება დაგროვილი......გარემოს დაცვის მინისტრი, იმის მაგივრად რომ გარემოზე ზემოქმედების სრულყოფილი დასკვნა დადოს, სოციალურ ასპექტებზე საუბრობს....... გასცენ ამას პასუხი და მერე ვიფიქროთ ჩინურ გენერატორებზე....
ზოგიერთები გულზე ხელის ბრახუნით საქართველოს საზღვრებს გარეთ დარჩენილ ტაძრების გადარჩენაზე გაჰყვირიან და აქ საკუთარი ხელით წYლის ქვეშ მარხავენ ტაძრებს, მოითხოვს ამის მერე სომხეთი, გადმოგვეცით ყველა სადავო ტაძარიო, აბა რას იზამს?!

xalibi

2013-10-21 23:14:33


arichopra 2
2013-10-21 23:01:12

500 ჰა=5 კვ.კმ
:):) ეგ ვიცი პატივცემულო, მაგრამ იქ ხომ სწორ, მინდორივით ადგილს არ ტბორავენ?!

arichopra 2

2013-10-21 23:18:57

ლოგოს, გრენლანდიის მყინვარების დნობის დაჩქარებაც ენგურის წყალსაცავის ბრალია?!

ლოგოსი

2013-10-21 23:19:05


xalibi
2013-10-21 23:14:33


ეგრე თქვეს სპეციალისტებმა, რომ 5 კვ.კმ. იძირებაო, თუმცა, მართალს ამბობ, რომ წყალსაცავი სიგრძით, სავარაუდოდ, ბევრად მეტ კილომეტრებზე გაიჭიმება , რადგან ნამახვანის კასკადების წყალასაცების სიგრძეს 28 კმ-ს ანგარიშობენ.

xalibi

2013-10-21 23:23:59

ლოგოს-ს
დარწმუნებული ვარ, ეგ სპეციალისტები შენების მომხრეები არიან:):)

ლოგოსი

2013-10-21 23:24:06


arichopra 2
2013-10-21 23:18:57

ლოგოს, გრენლანდიის მყინვარების დნობის დაჩქარებაც ენგურის წყალსაცავის ბრალია?!


გრენლანდია სულ არ მაღელვებს, თუმცა მანდ კლიმატის ცვლილებებს გოლფსტრიმის თბილი დინების ჩრდილოეთისკენ გადაწევას აბრალებენ.
ხოლო ჩვენი წყალსაცავებით გამოწვეული ტენიანობა, რომ კლიმატს ცვლის და მეწყერებს იწვევს, ამას სპეციალისტები ზუსტად ციფრებში ითვლიან და რატომ არ უნდა ვენდოთ და რატომ უნდა გავრისკოთ? მითუმეტეს, სეისმოლოგიურად საშიშადაც მიიჩნევენ.

ლოგოსი

2013-10-21 23:28:04


xalibi
2013-10-21 23:23:59

ლოგოს-ს
დარწმუნებული ვარ, ეგ სპეციალისტები შენების მომხრეები არიან:):)

ახლა, მათემატიკა მაგრად მესმის-თქო, თავს ვერ გამოვიდებ, მაგრამ 500 ჰექტარი რომ 5კვ.კმ-ია, ეს სადავო არ უნდა იყოს, ხოლო ამ ფართს რა გეომეტრიულ ფორმას მისცემ, ანუ რა სიგრძე-სიგანეს, ეგ სხვა საკითხია და მაგაზეც დავწერე ზემოთ პოსტში ;))

arichopra 2

2013-10-21 23:34:18

ახლა თუ ეს წყალსაცავი 25 კმ სიგრძეზე გაიჭიმება მაშინ საშუალო სიგანე 200 მეტრი გამოდის.

xalibi

2013-10-21 23:34:25

ლოგოს-ს
მაგ 500 ჰექტარზე ცოტა ხნის წინ ხიროხიტო გამწარდა---ენერგეტიკის მინისტრის მოადგილემ ბრძანა: წYალსაცავის ზედაპირი 500 ჰ. იქნება, ეგეც ხომ მიემატება სვანეთის ტერიტორიას და რა შემცირებაზე საუბრობთო??:):)

arichopra 2

2013-10-21 23:45:23

ეს წ/ყალსაცავი კი არა კარგი ლამაზი წყალუხვი მდინარე იქნება, რომელიც დაიკლაკნება იმ ხეობაში. ისედაც ნახატ სვანეთის ბუნებას მთლად დახატავს!

arichopra 2

2013-10-21 23:47:02

ამ წ/ყალსაცავის პირას ხალხი დასახლდება, კარგია თუ ქართველები იქნებიან და არა ვინმე ინ/დო/ელნი ან სო/მ/ე/ხნი.

ლოგოსი

2013-10-21 23:47:23


arichopra 2
2013-10-21 23:34:18

ახლა თუ ეს წყალსაცავი 25 კმ სიგრძეზე გაიჭიმება მაშინ საშუალო სიგანე 200 მეტრი გამოდის.

არ იქნება მაგ სიგრძის, ნამახვანში სამი კაშხლის წყალსაცავის სიგრძე იქნებაო 28 კმ, ხოლო აქ ერთ წყალსაცავზეა ლაპარაკი, თან 200 მეტრი სიმაღლის ხოლო მდინარის ხევების უმეტესობაში რაც მეტ სიმაღლზე ავდივართ, მით უფრო მეტი სიგანის ფართი არსებობს, ამიტომ, სავარაუდოდ, 10 კმ-ზე მეტი სიგრძის არ იქნება ეგ წყალსაცავი.

ლოგოსი

2013-10-21 23:49:33


arichopra 2
2013-10-21 23:47:02

ამ წ/ყალსაცავის პირას ხალხი დასახლდება, კარგია თუ ქართველები იქნებიან და არა ვინმე ინ/დო/ელნი ან სო/მ/ე/ხნი.


ეჰ, შენ ხუმრობ და არ კეთდება კაი საქმე

arichopra 2

2013-10-21 23:49:48

განვითარდება მეორადი ბიზნესები, კალმახის მოშენება, სასმელი წ/Kლის დაკონსერვება, ძვირფასი ბეწვის მქონე წ/კ/ლის ცხოველების მოშენება, საწ/Kალოსნო ტურიზმი და სხვა. :)

ტომი

2013-10-21 23:51:27


arichopra 2
2013-10-21 23:18:57

ლოგოს, გრენლანდიის მყინვარების დნობის დაჩქარებაც ენგურის წყალსაცავის ბრალია?!
---------------------------


:))))) მაგარი იყო,რაც მე ვიცინე ეხლა.გაიხარეთ!!!


მე მგონია რომ არც ისეთი საგანგაშოა ეკოლოგიის მხრივ როგორც ხატავთ.
მე რაც მაწუხებს ის არის რომ მაგას ააშენებს უცხოელი ინვესტორი და ბოლოს ქართველებს ვირის თავფეხს მისცემს.არ არის კარგი ამბავი როდესაც ესეთი სტრატეგიული მნიშვნელობის ობიექტები, უცხო ინვესტორების ხელში ხვდება.კარგია ინვესტორი მაგრამ გააჩნია სად.

რაც შეეხება ტრანსკავკასიურ რკინიგზას,დაგეგმილი კი არა დაწყებული იყო მშენებლობა და 89-90 წლებში შეჩერდა გასაგები მიზეზების გამო.მოსკოვი აფინანსებდა და შეწყვიტა დაფინანსება.რომ არ დაშლილიყო სსრკ ისე კარგად აშენდებოდა როგორც დაგიბარებია და რუსეთში გასასვლელად უმოკლესი გზა იქნებოდა.

arichopra 2

2013-10-21 23:52:21

ლოგოს ამ ჰესს მაინც ააშენბენ და მე მინდა ჩვენ ავაშენოთ და საქართველოს საკუთრება იყოს! მე მგონი ამ მიმართულებით უნდა წავიდეთ.

arichopra 2

2013-10-21 23:59:07

არ გცოდნიათ თქვენ მაგ რკინიგზის მშენებლობის შჩერების მიზეზი - ვაჟა ფშაველამ და მისმა ძმამ, ბაჩანამ რუსი რკინიგზელი მუშები და იტრ სცემეს, ერთი 200 კაცი და იმ ხეობიდან რკინიგზელებს ფეხი ამოუკვეთეს სამუდამოდ!

ლოგოსი

2013-10-22 00:04:31


ტომი
2013-10-21 23:51:27

რაც შეეხება ტრანსკავკასიურ რკინიგზას,დაგეგმილი კი არა დაწყებული იყო მშენებლობა და 89-90 წლებში შეჩერდა გასაგები მიზეზების გამო.მოსკოვი აფინანსებდა და შეწყვიტა დაფინანსება.რომ არ დაშლილიყო სსრკ ისე კარგად აშენდებოდა როგორც დაგიბარებია და რუსეთში გასასვლელად უმოკლესი გზა იქნებოდა.

ხუდონჰესში გეშლება, რომლის მშენებლობა შეჩერდა 88-89 წელს, ხოლო ტრანსკავკასიური რკინიგზის მშენებლობა არ დაწყებულა, ის შეჩერდა 80-იან წლებში პროექტის დაწუნების გამო

xalibi

2013-10-22 00:07:28

ლოგოს-ს
აქ უმეტესობა, სადღაც ყურმოკრულ ამბებით საუბრობს ან საკუთარ აზრებს წერენ, თან ისე, არც ინტერესდებიან რომ რაიმე მასალები მოიძიონ, ამიტომაც შენთვის რაც მომავალი ტრაგედიის მიმანიშნებელია, მათთვის დღეს სასაცილოა...............

ტომი

2013-10-22 00:09:28

ლოგოს,მე თვითონ ვმუშაობდი იქ ბუღალტერიაში და ვიცი ზუსტად.არაფერი არ მეშლება:)

ლოგოსი

2013-10-22 00:11:36


xalibi
2013-10-22 00:07:28

ლოგოს-ს
აქ უმეტესობა, სადღაც ყურმოკრულ ამბებით საუბრობს ან საკუთარ აზრებს წერენ, თან ისე, არც ინტერესდებიან რომ რაიმე მასალები მოიძიონ, ამიტომაც შენთვის რაც მომავალი ტრაგედიის მიმანიშნებელია, მათთვის დღეს სასაცილოა...............


ეგ არის სწორედ ჩვენი უბედურების საწინდარი. სწორი საზოგადოებრივი აზრის ჩამოყალიბებაც ჭირს და რომც ჩამოყალიბდეს, მიჩვეული ვართ სახელმწიფო მანქანასთან ჭიდილში დამარცხებას და ბრძოლას ქვეყნის ინტერესებისთვის თავიდანვე განწირულად თვლის საზოგადოების დიდი ნაწილი.

ლოგოსი

2013-10-22 00:13:49


ტომი
2013-10-22 00:09:28

ლოგოს,მე თვითონ ვმუშაობდი იქ ბუღალტერიაში და ვიცი ზუსტად.არაფერი არ მეშლება:)

და რას ამტკიცებ, რომ კავკასიის გვირაბის ბურღვა და მშენებლობის ინფრასტრუტურა გაიშალა?
ის ვილი კაჭარავა ტყუილად კი არ მიწერია, მეც ვიცი მაგ ამბების შესახებ და პროექტის გაანხორცილება არ დაწყებულა.

ტომი

2013-10-22 00:21:20

კი ბატონო, გვირაბის თხრა დაწყებული იყო უკვე.დღესაც არის იქ გვირაბი.თუმცა არ ვიცი 500 მეტრზეა თუ 1 კილომეტრზე არ მახსოვს.

ეროვნული მოძრაობიდან ხარ და უნდა გახსოვდეს 88-89 წლებში თითქმის ყოველდღე იყო ტელევიზორში მაგ ტრანსკავკასიური მაგისტრალის წინააღმდეგ დებატები.

xalibi

2013-10-22 00:21:44

ლოგოს-ს
ხომ გახსოვს, ედიკამ თურქეთს როდესაც მოუწერა ხელი ჭოროხზე კაშხლის აშენების თანხმობაზე, ვინც საფრთხეებზე ხმა ამოიღო, მაშინვე გააჩუმეს---თურქეთი მეგობარი ქვეყანაა, ჩვენთვის ეს აუცილებელია და ა.შ. ეხლა უნდა გამოათრიო ისინი და მთელი შთამომავლობით უნდა აგებინო პასუხი, თუ რატომ იტაცებს ზღვა აჭარის სანაპიროს.... ვერც ენერგეტიკის სამინისტრო და ვერც გარემოს დაცვის სამინისტრო ვერ იძლევა კვალიფიციურ, კონკრეტულ პასუხს, გადადიან ხალხის დასაქმების, ენერგეტიკული დამოუკიდებლობის, ელ. ენერგიის გაიაფების შესახებ მოგონილ აბსურდზე.... რატომ??? იმიტომ, რომ პასუხს ვერ გასცემენ და კარგად იციან, რა ბომბიც იდება ამით ქვეყნის წინააღმდეგ, გინდა უცხოელის ხელში იყო ის კაშხალი და გინდა ქართველი შადიმანისა............

ტომი

2013-10-22 00:25:07

ხუდონჰესსზე ჯობია ისევ ლაპარაკი:)
ბევრ საინტერესო რამეს ვგებულობ:)

ლოგოსი

2013-10-22 00:31:58


ტომი

როგორ არ მახსოვს, მაგრამ მახსოვს რომ იყო ეროვნული მოძრაობის ფართოდ გაშლამდე 88-89 წლებამდე, პერესტროიკის წლებში, როცა პრესის ფურცლებზე იყო სპეციალისტებოის ჭიდილი და ამ პროექტის შეჩერებაში დიდი წვლილი შეიტანეს მაშინდელი მთავრობის ზოგიერთმა წევრმაც, იგივე კაჭარავამ, რომელმაც უარყოფითი დასკვნა დაწერა.
მის ახლობელ ერთ კარგ ადამიანს ვიცნობ და იმან მომიყვა, შემდგომ გაზეთშიც გამოუქვეყნებია ეს ამბები.
მე იმის თქმა მინდა, რომ იგივე კომუნისტურ მთავრობაში ზოგჯერ იზიარებდნენ საღ აზრს, ხოლო ესენი პირდაპირ ამბობენ, რომ უნდა აშენდეს, როცა ჯერ კანონით გათვალისწინებული დასკვნები არ დადებულა.

ლოგოსი

2013-10-22 00:36:49


ტომი
2013-10-22 00:25:07

ხუდონჰესსზე ჯობია ისევ ლაპარაკი:)
ბევრ საინტერესო რამეს ვგებულობ:)


მაგ თემაზე მაქვს წერილი, მგონი, არა გაქვს წაკითხული და გთავაზობ, წაიკითხო:

http://www.for.ge/view.php?for_id=27508&cat=12

ტომი

2013-10-22 00:45:20

ყველაფერს ვკითხულობ მე,მითუმეტეს შინაარსიან წერილებს.უბრალოდ კარგად მსჯელობდით და მინდა რომ გააგრძელოთ.კომენტარების კითხვა მიყვარს:)
რაც შეეხება ტრანსკავკასიურ რკინიგზას,როგორც უკვე მოგახსენეთ იქ ვმუშაობდი და იმიტომ ვიცი როდის დაიხურა და რა მდგომარეობაში. კაჭარავა ალბათ მაგ პერიოდში იყო წინააღმდეგი.კომუნისტები უკვე გაღმა გადიოდნენ მარილზე.

ლოგოსი

2013-10-22 00:56:36


xalibi
2013-10-22 00:21:44

ლოგოს-ს
ხომ გახსოვს, ედიკამ თურქეთს როდესაც მოუწერა ხელი ჭოროხზე კაშხლის აშენების თანხმობაზე, ვინც საფრთხეებზე ხმა ამოიღო, მაშინვე გააჩუმეს---თურქეთი მეგობარი ქვეყანაა, ჩვენთვის ეს აუცილებელია და ა.შ. ეხლა უნდა გამოათრიო ისინი და მთელი შთამომავლობით უნდა აგებინო პასუხი, თუ რატომ იტაცებს ზღვა აჭარის სანაპიროს.... ვერც ენერგეტიკის სამინისტრო და ვერც გარემოს დაცვის სამინისტრო ვერ იძლევა კვალიფიციურ, კონკრეტულ პასუხს, გადადიან ხალხის დასაქმების, ენერგეტიკული დამოუკიდებლობის, ელ. ენერგიის გაიაფების შესახებ მოგონილ აბსურდზე.... რატომ??? იმიტომ, რომ პასუხს ვერ გასცემენ და კარგად იციან, რა ბომბიც იდება ამით ქვეყნის წინააღმდეგ, გინდა უცხოელის ხელში იყო ის კაშხალი და გინდა ქართველი შადიმანისა............

მართალას ამბობ, ხუდონჰესის სარგებლიანობის გაშიფრვის შემდეგ, თუ აშენდა, მერე გვიან იქნება თითზე კბენები. საქმე იმაშია, რომ ქვეყანას არა აქვს სტარატეგიული განვითარების გეგმა. თუ ვამბობთ, რომ ქვეყანაში უნდა განვითარდეს ტურისტული ინდუსტრია და სოფლის მეურნეობა, მაშინ ეს წინააღმდეგობაში მოდის გიგანტური ჰესების მშენებლობასთან, რადგან ეკოლოგიური საშიშროებებები, მეწყერები, მიწისძვრების რისკის გაზრდა, წყალში ჩაძირვა ნაყოფიერი სავარგულებისა და ულამაზესი ადგილებისა არ შეესაბამება გამოცხადებულ ეკონომიკური განვითარების გეგმებს.
მითუმეტეს, კიდევ უამრავჯერ გავიმეორებ, რომ ეს გიგანტური ჰესები არანაირი ენერგეტიკული დეფიციტის აღმომფხვრელ აუცილებლობას არ წარმოადგენს.

xalibi

2013-10-22 01:24:07

.......დიდი ალბათობით, არჩევნებში მეორე ადგილზე ბაქრაძე იქნება, - ამის შესახებ პრემიერ-მინისტრმა ბიძინა ივანიშვილმა ტელეკომპანია "იმედის" ეთერში, გადაცემა "პოლიტიკის დროში" საუბრისას განაცხადა.
მისივე განმარტებით, აღნიშნულს ადასტურებს ყველა სოციოლოგიური გამოკითხვა და ანალიზი. "ყველა ანალიზი აჩვენებს, რომ მეორე ადგილზე იქნება ბაქრაძე. ბევრად არა, მაგრამ ის უგებს ბურჯანაძეს", - აღნიშნა ივანიშვილმა.
ესეც დასკვნა იმისა, რომ ოცნების ხელში ნაც.ხროვა უკვდავია.......

serapina

2013-10-22 02:14:06

ლოგოსი,

ყველაფრის თავი და თავი,არის განათლება!

...და ძალიან გულსატკენია,რომ ამ მხრივ არაფერი იცვლება(საფუძვლიან ცვლილებას ვგულისხმობ):

ალბათ,კიდევ დიდ ხანს გვექნება გასაქცევად საქმე და ეს, მაინც რომ შეგვეძლოს ნორმალურად,განათლების სისტემაა მისახედი.
თუმცა,განთლებული ადამინების მართვა რომ იოლი არაა,ეს სხვამაც იცის...


mona

2013-10-22 02:21:08

თუ ასე აუცილებელია ამ ჰესის აშენება როგორც მთავრობა ამბობს, მაშინ რატომ უნდა მოხდეს მისი აშენება ინდოელი ინვესტორების ხარჯზე და იყოს მათი საკუთრება?! არ შეიძლება ჩვენ "სტრატეგიულ მოკავშირეს" - აშშ (ესეც ნატოში მიღება ან ომში დახმარების აღმოჩენა ხომ არ არის?) ან იაპონიას სთხოვოს
--------------------------------------------
------------------------------------------------
------------------------------------------------
რავა, უკვე გაკოტრდა ბიძინა თუ? მილიონერების და მილიარდელების მეტი ვინ გვყავს! ტიტლიკანა ინდოელები და ჩინელები გინდათ თავზე წამოგვაჯდნენ?!

კიდევ ერთხელ ვამბობ; ვინც კი ხელისუფლებაში მიდის ყველა გვღალატობს, თუ საზნატელნა ღალატისთვის მიდიან, ნუ როგორც არის, კაროჩე ალყაში ვართ.

mona

2013-10-22 02:22:44

ისე, სხვა მხრივ კარგია სვანეთში ჰესი, სვანები ცურვას ისწავლიან.

natali

2013-10-22 02:47:43

გამოკითხვებში რა მოხდა? ერთ საათში ასე რადიკალურად როგორ შეიცვალა მონაცემები?

ოძელი

2013-10-22 09:54:49


ბიძინა რაც მალე წავა უკეთესია. წინააღმდრეგ შემთხვევაში, მისმა ავტორიტეტმა შეიძლება გადამწყვეტი როლი ითამაშოს ხალხის მიერ ხუდონის წინააღმდეგ გამოხატული პროტესტის ჩაცხრობაში.

tite

2013-10-22 10:10:31

ქვეყანას ენერგოდამოუკიდებლობა სჭირდება, ამიტომ ხუდონჰესიც უნდა აშენდეს და სხვა ჰესებიც, ექსპორტიც შეგვეძლება ელ-ენერგიის ამის შემდეგ, მზამზარეულად არაფერი არ მოდის!

ოძელი

2013-10-22 10:17:38

ენერგოდამოუკიდებლობა სჭირდება და სვანეთი არა, ასეა? ნეტა რაიმე აზრიანს ამბობდეთ. დავიღალე ურაპატრიოტული ლოზუნგების მოსმენით.

natali

2013-10-22 10:57:01

იმხელა აფხაზეთი დავკარდეთ და ენერგოდამოუკიდებლობა მაინც არ გვაქვს,კოდორი ისე ჩავაბარეთ, არავის პროტესტი არ გამოუხატავს და ამ ჰესმა იქნებ იმხელა რამ გააკეთოს, რომ აფხაზეთი და სამაჩაბლოც დავიბრუნოთ. ომში ადამიანები იხოცებიან, რომ დანარჩენებმა კარგად იცხოვრონ და მიწის რაღაც ნაწილის დატბორვა იმისთვის, რომ ადამიანებმა უკეთესად იცხოვრონ და ქვეყანა ქვეყანას დაემსგავსოს, მგონი სალაპარაკოც არ უნდა იყოს.
ვინ ააშენებს, როგორ ააშენებს.....აი მაგაზე უნდა იყოს კამათი.
მე ასე ვფიქრობ!

natali

2013-10-22 10:58:12

ოძელი
ამ შემთხვევაში მე რომ თქვენი პატრიოტიზმი მეჩვენება ურად, რა ვქნა?:))

ოძელი

2013-10-22 11:17:06

natali,

შეგიძლია ჩამთვალო ურაპატრიოტად, შენი ნებაა.

ლოგოსი

2013-10-22 11:23:23

natali

არ არის ენერგოდეფიოციტი საქართველოში, პარალელურად შენდება აჭარაში ორო კაშხალი, ახალციხეში ფარავნის ელექტროსადგური, გარდაბანში კიდევ თბოელექსროსადგური, სხვა უამრავი ალტერნატიული ენერგოწყაროებიც არსეებობს, რომელზეც ზემოთ მივუთითე და რომელსაც მსოფლიოში უკვე ინტენსიურად იყენებენ.
აქედან გამომდინარე, ამ პატარა ქვეყანას მაინც და მაინც ასეთი საშიში გიგანტური ჰესების მშენებლობა და სოფლების წყალში ჩაძირვა რაში სჭირდება, როცა ეკოლოგ-სპეციალისტებს განგაში აქვთ ატეხილი?
განა ცნობილი არ არის, რომ მხოლოდ უცხოელი ინმვესტორი ნახულობს ხუდონჰესით დიდ მოგებას და დიდი ვარაუდით ელიტური კორუფციული წრეები, საქართველოს კი ვირის თავ-ფეხი.
ამიტომ, გონება იმიტომ აქვს ადამიანებს, რომ იაზროვნოს და რასაც რომელიმე ბელადად ქცეული ავტორიტეტი იტყვის, ველურებით აღტაცებულები არ უნდა ვუკრავდეთ ტაშს.

natali

2013-10-22 11:28:56

თუ რამეა საკამათო მაგასთან დაკავშირებით, თუ ვინ, როგორ ააშენებს და საქართველო რა მოგებას ნახავს, მაგაზე იკამათეთ, და არა იმაზე, რომ ვაიმე, მიწის რაღაც ნაწილი წყალქვეშ მოექცევა.

ოძელი

2013-10-22 11:43:18

მანამდე დაფიქრდი და კარგად გააანალიზე მართლა გვჭირდება თუ არა? მართლა გახდება ქვეყანა ენერგოდამოუკიდებელი, თუ არა? ალტერნატიული საშუალებები არსებობს, თუ არა? ღირს კი შენი კარგად ცხოვრების გულისთვის სვანების აყრა და გადასახლება, თუ არა? დავიბრუნებთ ამით აფხაზეთს და სამაჩაბლოს, თუ არა? სახელმწიფო რაიმე მოგებას ნახავს, თუ არა? ნიშნავს რამეს მრავალსაუკუნოვანი ძეგლები და ეკლესიები, თუ არა? შეიძლება საფლავების დატბორვა კაი ცხოვრების გულისთვის, თუ არა?

იქნებ სჯობია სვანეთის დატბორვას ელ.ენერგიაში 1-2 თეთრით მეტი გადავიხადოთ?
მაგრამ არა მგონია ასე ფიქრობდე, რადგან, არ გეწყინოს და შენთვის ეს უნიკალური კუთხე, რომელსაც თვალის ჩინივით უნდა გაფრთხილება, "მიწის რაღაც ნაწილია".

არადა, ყველაფერს რომ თავი გავანებოთ, მაღალმთიანი და მცირემიწიანი სვანეთისთვის 5 კვ.კმ. იგივეა, რაც საქართველოსთვის, ვთქვათ, კახეთი. თან იტბორება ადამიანის საარსებო გარემო, ანუ ის ადგილები, სადაც ცხოვრებაა შესაძლებელი და არიჩოპრას უადგილო ირონიის არ იყოს, წყალსაცავის ნაპირზე დასახლდნენო, სად უნდა დასახლდნენ? არ ვიცი, ციცაბო ფერდობებზე თუ დაეკიდებიან ან ხეებზე შემოსხდებიან, თორემ ხუდონის აშენების შემდეგ იქ სხვა ადგილი არ რჩება.

ოძელი

2013-10-22 11:52:01

natali,

კიდევ ერთხელ ბოდიშის მოხდით გეტყვი, რომ შენმა კომენტარებმა ჭაბუა ამირეჯიბის გენიალური "დათა თუთაშხიას" ერთი ეპიზოდი გამახსენა, მეწისქვილე რომ ეუბნება დათას, მე რომ კარგად ვიყო შენი სიკვდილია საჭიროო. რაზეც დათა პასუხობს, იმაზე თუ დაფიქრებულხარ, ღირს კი შენნაირი კაცის ბედნიერებისთვის ჩემნაირი კაცის სიკვდილიო?

არ გეწყინოს და არ მიღირს, არც ჩემი და არც შენი კარგად ყოფნის გულისთვის (მით უმეტეს, რომ ეს ჰესი არც შენ და არც მე კარგს არაფერს მოგვიტანს) სვანეთის, საქართველოს ამ უნიკალური კუთხის გაწირვა!!!

ლოგოსი

2013-10-22 11:53:03


სტატიიდან:
ხუდონჰესი ქვეყნის ბიუჯეტში მისი ექსპლუატაციის დაწყებიდან მე-2 წელსვე გადაიხდის მოგების გადასახადს და მისი სიდიდე შეიცვლება, პირველი 20 წლის განმავლობაში 7 მლნ. აშშ დოლარიდან 40 მილიონ დოლარამდე, ყოველწლიურად და ჯამში, იქნება 410 მილიონი აშშ დოლარი.
ასევე ნაგებობის მშენებლობისას, 5 წლის განმავლობაში, ყოველწლიურად, საშემოსავლო გადასახადის სახით, ბიუჯეტში შევა 38,4 მილიონი ლარი, ხოლო ექსპლუატაციაში გაშვების შემდეგ, ყოველწლიურად 4,8 მილიონი ლარი. მშენებლობის დასრულების შემდეგ ქონების გადასახადის სახით, ყოველწლიურად, ადგილობრივ (მესტიის) ბიუჯეტში შევა საშუალოდ 12,3 მილიონი ლარი“, - აღნიშნა მირცხულავამ.

მოდით, ახლა გავშიფროთ რა სარგებელზეა ლაპარაკი, რადგან საკმაოდ ჩახლართულად არის დაწერილი. ესე იგი, პირველი 20 წლის განმავლობაში ხუდონჰესიდან საქართველომ ბიუჯეტს ექნება ყოველწლიურად 7 მილიონი დოლარიდან პირველ წლებში და ავა 40 მილიონ დოლარამდე შემოსავალი. სულ დაახლოებით 400 მილიონი დოლარი. ანუ წლებზე რომ გადავანაწილოთ 20 მილიონი დოლარი ყოველწლიურად. ახლა განვსაზღვროთ წელიწადში 20 მილიონი დოლარისათვის ღირს 528 ჰექტარი მიწის დაძირვა, სადაც 300 კომლიანი სოფელია განლაგებული და შესაძლებელია 50 მილიონიანი აგროსესხით მეცხოველეობის თანამედროვე შესანიშნავი კოოპერატივის გაკეთება, რომელიც ხორცისა და რძის პროდუქტების სახით ბევრად მეტ შემოსავალს მოუტაანს ქვეყანას და ადგილობრივ მოსახლეობასაც დაასაქმებს, ასევე, იმ გასაჩეხი ასი ჰექტარი ტყის რესურსით შესაძლებელია შემოსავლების მქონე ხის დამამუშავებელი პატარა ფაბრიკის მშენებლობა, სადაც ადამიანებიც დასაქმდებიან.
არაფერს ვამბობ არსებულ სავარგულებზე სხვა პროდუქტების მოყვანაზე, რომლითაც არსებობენ იქ მცხოვრები სვანების ასობით ოჯახი.

რაც შეეხება მშენებლობის პერიოდში საშემოსავლო გადასახადს, მილიარდიანი ბევრად მომგებიანი და არასაშიში ბიზნესპროექტები დააფინასეთ და მშენებლობის ოერიოდში ორჯერ მეტ საშემოსავლო გადასახადს მიიღებს ბიუჯეტი, რადგან როგორც პროექტის ხარჯთაღრიცხვაში წერია მაგ მილიარდიდან 400 მილიონი სწორედ ხაიშიდან ასახლებული მოსახლეობის კომპენსაციისთვის უნდა დაიხარჯოს, ანუ არანაირი საშემოსავლო გადასახადი არ დაეკისრება მაგ თანხას.



ოძელი

2013-10-22 11:53:33


ეხლა გინდ ურაპატრიოტი მიწოდე და გინდ პუტინისა თუ ალიევის აგენტი.

ოძელი

2013-10-22 12:04:27

ლოგოსი,

სამწუხაროდ, არ უფიქრდებიან შინაარსს, ზედაპირულად უყურებენ და თუ ვინმე მოსწონთ, ბოლომდე ბრმად ენდობიან. მათი ყველანაირი დაპირების სჯერათ და არც კი ფიქრობენ სადამდე შეიძლება მიგვიყვანოს ასეთმა დამოკიდებულებამ.
:(((

natali

2013-10-22 12:32:08

ღირს კი შენი კარგად ცხოვრების გულისთვის სვანების აყრა და გადასახლება, თუ არა?


------------

ამას ნამდვილად არ ვიმსახურებ. ჩემი კარგად ცხოვრებისთვის და სვანების ცუდად ცხოვრებისთვის გვჭირდება ეგ ჰესი? მე და სვანები რამ გაგვყო? რა იცი რომ სულაც სვანი არ ვარ? და რა მნიშვნელობა აქვს რომელ კუთხელი თუ რომელ უბნელი ვარ? ჩვენზე რომ ვიფიქროთ არ შეიძლება? ჩვენ, ყველა ერთად კარგად რომ ვიყოთ, არ შეიძლება?
ამის იქეთ თქვენი კომენტარი აღარ წამიკითხავს. ამ თემაზე თქვენთან კამათის გაგრძელებას არ ვაპირებ. თქვენ ზუსტად ჩამოყალიბებული აზრი გაქვთ და ქართული ხასიათიდან გამომდინარე სხვა ფაქტებიც რომ დაგიდონ, აზრს მაინც არ შეიცვლით.
მე უბრალოდ ჩემს აზრს ვამფიქსირებ და ამის სრული უფლება მაქვს.
ხუდონჰესი უნდა აშენდეს!!!!!!


qwas

2013-10-22 12:33:55

ნუ ივიწყებთ რომ სვანებმა ხატზე დაიფიცა მშენებლობის წინააღმდეგ!
ეს ფიცი არ გავს ბორიას დაპირებებს და მის შესრულებას!
გადახედეთ ისტორიულ საბუთებს რას ნიშნავს ფიცი სვანებისა!

მშენებლობა არ დაიწყება არავითარ შემთხვევაში!

natali

2013-10-22 12:39:07

ბევრი მტერი გვყავს, არცერთ მეზობელს არ აწყობს ჩვენი სიძლიერე, ეს ბუნებრივია.

გუშინ გადმოვიღე ილიას "ქვათა ღაღადი". რამ გამახსენა არ ვიცი..... არადა ასე უბრალოდ არაფერი მახსენდება ხოლმე, რაღაც მინიშნებასავით ხდება.
გადაავლეთ თვალი, გაიხსენეთ---------

http://www.nplg.gov.ge/dlibrary/collect/0001/000014/qvata_RaRadi.pdf

natali

2013-10-22 12:41:47

ეს ხატზე დამფიცებლები ვინ წააქეზა, ეგაა სერიოზული გამოსაძიებელი და მაგასაც მოუვლიან. კარგად გამოჩნდება ვის არ უნდა ქართველმა (სვანმა, მეგრელმა, გურულმა, კახელმა....) ამოისუნთქოს და გაილღოს.

natali

2013-10-22 12:46:40

ჩვენ ვიომოთ, ჩვენ დავწყდეთ გაჭირვებით, თავი ვაჟკაცურად (სინამდვილეში უტვინოდ) შევაკლათ მთერს, სხვები გამრავლდნენ და გაიხარონ ჩვენს მიწაზე. მერე ისინი ჰესებსაც ააშენებენ, იმიტომ რომ ხატზე დამფიცებელი აღარავინ იქნება.
ნეტავ როდისმე მოვალთ გონს?

natali

2013-10-22 12:47:29

http://www.amsi.ge/istoria/somx/vaja-fSavela.html

ოძელი

2013-10-22 12:56:11

natali,

ტყუილია ის, რომ ჩემი კომენტარი ბოლომდე არ წაგიკითხავს. ისიც ტყულია, რომ აზრს არ შევიცვლი, მიუხედავად იმისა, რომ საკუთარი, ჩამოყალიბებული აზრი გამაჩნია. დამისაბუთონ და კი ბატონო. მაგრამ, ნაცვლად არგუმენტების, მხოლოდ ურაპატრიოტული ლოზუნგები მესმის ენერგოდამოუკიდებლობაზე, ენერგიის საჭიროებაზე და ასე შემდეგ.

რაც შეეხება რიტორიკულ კითხვას, რომლის შემდეგაც "შეწყვიტე" ჩემი კომენტარის კითხვა, იქ "შენ"-ში კონკრეტულად შენ არ მყევხარ მხედველობაში, არამედ ნებისმიერი ჩვენგანი, მათ შორის საკუთარი თავიც და ეს კითხვა გამოწვეული იყო შენი ნათქვამით, "ომში ადამიანები იხოცებიან, რომ დანარჩენებმა კარგად იცხოვრონ და მიწის რაღაც ნაწილის დატბორვა იმისთვის, რომ ადამიანებმა უკეთესად იცხოვრონ და ქვეყანა ქვეყანას დაემსგავსოს, მგონი სალაპარაკოც არ უნდა იყოს."
ჩვენის მხრიდან ეს არ ნიშნავს სვანების და სვანეთის გაწირვით საკუთარ თავზე ზრუნვას, რომლის "შეფუთვასაც" ქვეყანაზე ფიქრით ვცდილობთ?

საწყენად არაფერი დამიწერია. არც კამათის გაგრძელებას ვაპირებ. რას ვიზამთ, შენ შენი აზრი გაქვს, მე ჩემი, სხვას საკუთარი...


torgva

2013-10-22 14:24:51

მართლა უღარიბესი ქვეყანა უნდა ვიყოთ მუდმივად ამ მწვანეების ხელში,ვის არ აწყობს დიდი ჰესების აშენება მწვანე ალტერნატივას:მანანა ქოჩლაძეს ,ირაკლი მაჭარაშვილს, ასევე ლაშა ჩხრტიშვილს,რუსეთს, მის მთავრობას, პუტინს, ასევე აზერბაიჯანს.ისე ეს კამპანია ეწინააღმდეგებოდა ბაქო ჯეიხანს,ბაქო თბილის ერზერუმს,მაშინაც ესენი იყვნენ და რუსეთის მთავრობა ,გაზპრომი და ლჩხარტიშვილი,მაშინაც ამ ხალხმა ჰოლანდიური იგივე კომისია ჩამოიყვანა პროექტის დასაბლოკად, როგორც ხუდონზე.იტყუება მართლა უნიჭო ლაშა ჩხარტიშვილი როდესაც ამბობს ევროპაში არ აშენებულა დიდ კაშხლები1965 წლის შემდეგ ,ეტყობა კითხვაც უჭირს. რაც 1965 წლიდან აშენდა კაშხლები შვეიცარიაში იმის ნახევარიც არა გვაქვს საქართველოში კაშხალები.
მტრებს არ უნდათ საქართველოს ენერგო დამოუკიდებლობა იმიტომ ,რომ ეს ქვეყნის დამოუკიდებლობას ნიშნავს.რუსეთის ინტერესების გამტარებლები ენგურსაც დაშლიან და ჟინვალსაც.
დაიწყებენ ალტერნატივა მზე და ქარიო ეს ბავშვებს მოუყევით,მაგრამ ცოტა ხანში ისენიც არ დაგიჯერებენ.
თურმე დეფიციტური ქვეყანა არა ვართ ???? ამის დამწერმა მართლა არაფერი არ იცის წაიკითხეთ რამდენ ენერგიას ვყიდულობთ???

natali

2013-10-22 14:34:38

torgva
არც სომხებს არ აწყობთ ჩვენი ენერგოდამოუკიდებლობა და ძლიერება.

sandro60

2013-10-22 14:47:31

ესენი მართლა მოღალატეები არიან ,ვიზე აქვს მიყიდული ლაშა ჩხარტიშვილს სული აზერებისთვის მანეტებზე,თუ რუსულ რუბლებზე.მართლა სანატრელს გაგვიხდიან ნათურის შუქს ეს სხვის ფულიტ დაფინანსებული.განაცხადოს ქოჩლაძემ რომელი ქვეყანა აფინანსებს მათ ორგანიზაციას.

salomea45

2013-10-22 15:01:29

აზერბაიჯანიდან გაზის მიღების პროექტს ეგრეთ წოდებულ შახდენიზს ასევე ბაქო-თბილისი-ჯეიხანს არა მარტო
ლაშა ჩხარტიშვილი(გეთანხმებით აშკარად უნიჭოა და კომპრომიტირებული) არამედ ნინო ჩხობაძეც ეწინააღმდეგებოდა. არ უნდოდათ ასეთი პროექტები მუდმივად რუსულ გაზზე უნდა ვყოფილიყავით დამოკიდებული.
ხუდონი არ უნდათ ,ნამახვანი არ უნდათ არცერთი ჰესი არ უნდათ წყვდიადი უნდათ.

Jon Do

2013-10-22 17:46:50

ენერგორესურსები დიდი ფუფუნებაა, რომელიც აუცილებლად უნდა გამოვიყენოთ.

უახლოეს ათწლეულებში ნავთობის და გაზის რესურსები მინიმუმამდე დავა და ელ.ენერგიას უფრო მეტი ფასი დაედება, ექსპორტით ქვეყანა კარგ შემოსავლებს მიიღებს.

საკითხავი მართლა ისაა, რატომ უნდა ააშენოს უცხოელმა და არა სახელმწიფომ? აი აქ მარხია ძაღლის თავი ...



ლოგოსი

2013-10-22 17:49:19


torgva


სამი ნიკით რომ ერთოი და იგივე აზრებს ატრიალებ, გგონია ამით შენს გაკოტრებულ იდეას საქართველოში გიგანტური ჰესების მშენებლობის შესახებ უფრო დაამტკიცებ?
ფაქტები და არგუმენტები მაგ ქვეყნის გამპარტახებელ იდეებს სრულიად აშიშვლებს, ხოლო ის 133 მილიონი კლტ/სთ, რომელიც 20 წლიოს მანძილზე უნდა მათხოვარივით გადამოუგდოს ინდოელმა ინვესტორმა ქართულ მხარეს, არის ამჟამინდელი ენერგოსიმძლავრეების მიერ გამომუშავებილი ენერგიის 1%, რომელიც არანაირ სასიცოცხლო მნიშვნელობას არ წარმოადგენს, ხოლო ამისთვის გიღირს სვანეთის დასახლებული 528 ჰექტარი მიწის წყალში ჩაძირვა და მთელი რეგიონის ეკოლოგიური კატასტროფების რისკის ქვეშ დაყენება?
ადამიანს ღმერთმა გონება იმიტომ მისცა, რომ კარგად გათვალოს და მერე მიიღოს გადაწყვეტილება, ჰოდა, დათვალე შე კაი კაცო მაგ ერთი პროცენტის მიღებისთვის იქნებ ბევრად მეტი ღირებულების ზიანი ადგება ქვეყანას?

ოძელი

2013-10-22 17:50:18

საწყალი ჩემი ქვეყანა, კიდევ როგორ უდგას სული ამდენი მოღალატის ხელში. :)))

ხუდონის მომხრეთა არგუმენტი თუ ისაა, რომ მისი აშენება არ უნდათ "მანანა ქოჩლაძეს ,ირაკლი მაჭარაშვილს, ასევე ლაშა ჩხრტიშვილს,რუსეთს, მის მთავრობას, პუტინს, ასევე აზერბაიჯანს", მაშ ნაწრთობი ფოლადის არგუმენტები ჰქონიათ და მის წინააღმდეგ ჩვენ უძლურნი ვართ. :)))


ისე, ხუმრობა გვერდზე გადავდოთ და ხუდონის აშენების მომხრეებს ერთ კითხვას დავუსვამდი, ბატონებო, როგორი ქვეყნის აშენებას აპირებთ? შესადარებლად დავასახელებ ერთის მხრივ ისრაელს, რომელსაც გრამი ნავთობი არ გააჩნია და მეორეს მხრივ ნავთობით მდიდარ არაბულ ქვეყნებს. ვთქვათ, საუდის არაბეთს ან ქუვეითს.

Jon Do

2013-10-22 17:57:23

ოძელი,

ემოციები გვერძე უნდა გავწიოთ და ქვეყნის მოძლიერების ყველა საშუალება გამოვიყენოთ, ოღონდ ისე არა რომ ვიღაც ინდოელმა იხეიროს ქვეყნის რესურსებით და ხალხი დარჩეს ხახამშრალი.

იმედია ჩემი მოსაზრებების გამო "მოღალატედ" არ ჩამთვლიან :)

პატივისცემით.

ოძელი

2013-10-22 18:08:17

Jon Do,

მოგესალმები!
მაგაშია საქმე, სახელმწიფო ინტერესები არავის ანაღვლებს. სამწუხაროდ იქ, სადაც დიდი ფული ტრიალებს ქვეყნის სიყვარული უკანა პლანზე გადადის. არადა, სწორედ ქვეყნის საჭიროებით აპელირებენ, ზამთრის პერიოდში ამდენს და ამდენს ვყიდულობთო.
კაი ბატონო, ვთქვათ განვიცდით დეფიციტს და ზამთარში შემოგვაქვს ელ.ენერგია. ერთი კითხვა მიჩნდება, თუ ასეა ენერგიის ეკონომიის მიზნით რატომ არ გადავდივართ ზამთრის დროზე, მთელი მსოფლიო ხომ ასე იქცევა?

asa

2013-10-22 18:25:42

როგორც მირცხულავა ამბობს, მემორანდუმით ხუდონჰესს აღებული აქვს ვალდებულება საქართველოს ენერგოსისტემას მისცეს 133 მლნ. კვტ.სთ ზამთრის 4 თვის განმავლობაში 5,84 ცენტად.

„დღეს, 2013 წელს, ზამთრის ენერგია 9,6 თეთრი ღირს. თუ ამას იმპორტირებული ენერგიის ფასს შევადარებთ 2019-20 წლისათვის ხუდონჰესის მიერ გამომუშავებული ენერგია იქნება ერთ-ერთი ყველაზე იაფი ენერგიის წყარო ამ პერიოდისათვის. ამის გარდა, საქართველოს მთავრობის 2013 წლის 21 აგვისტოს N214 დადგენილებით, ყველა მშენებარე ელექტროსადგურის ვალდებულებად განისაზღვრა, რომ თავისი გამომუშავებული ელექტროენერგიის 20% მიყიდოს სახელმწიფოს, რაც ხუდონის შემთხვევაში უკვე 133 მლნ. კვტ/სთ კი არ არის -არამედ 300 მლნ. კვტ/სთ-ა, რაც ძალიან საგულისხმოა“, - აცხადებს მირცხულავა.
-----------
შათლახები. სხვა იფრო მსუბუქი სიტყვა ვერ გამოვძებნე.
5,84 ცენტი სადღეისო 9,6944 თეთრია, რაც მგონი მეტია, ვიდრე "ზამთრის 9,6 თეთრი". აქედან თქვენვე გამოიტანეთ დასკვნა.
ისიც საინტერესოა, იმ 300 მლნ-დან დარჩენილ 167 მლნ-ს რა ფასად მოგვყიდიან? ანუ ჩვენ სულ გვექნება 300 მლნ კვტ (რაშიც გადავიხდით 25 მლნ ლარს), და დატბორილი ხეობა. დანარჩენი 1,2 მლრდ (დაახლოებით 60 მლნ დოლარი) და დაუტბორავი გარემო -ინდუსებს. ალბათ ვიღაცას კიდევ მოუტეხავენ ჭადის ნამცეცს.
ეხლა სხვა კუთხით შევხედოთ-ამას წინათ ლოგოსმა კარგი მონაცემები დადო. არ დაიზარა და თავი მოუყარა სხვადასხვა წყაროებს. იქიდან კარგად ჩანს, რომ 300 მლნ-ს დამატებითი გამომუშავება არანაირ პრობლემას არ წარმოადგენს. ეგაა, რომ ვიღაცეებს აქედან არაფერი არ შეხვდებათ და ამიტომ არ აინტერესებთ.
ეგ ვირიშვილები საკუთAრ დედას გაყიდიან ფულის საშოვნელად. ეგაა სულ.

asa

2013-10-22 18:27:30

ერთადერთი რაც ნაცებს დადებითად ჩაეთვლებათ, მირცხულავას დამსახურებული დასვენება იყო. და ესეც ჟვანიას გაჩალიჩებულია, ერთი ცნობილი გამონათქვამის გამო.

asa

2013-10-22 19:39:20

ოძელ, ისიც შეახსენე ამ ხალხს, რომ ისრაელს არათუ ნავთობი, ჰიდრორესურსებიც არ გააჩნია და არც თუ ისე ურიგოდ გრძნობს თავს იმ სიცხეში.

asa

2013-10-22 19:42:17

...ბიძინა რაც მალე წავა უკეთესია. წინააღმდრეგ შემთხვევაში, მისმა ავტორიტეტმა შეიძლება გადამწყვეტი როლი ითამაშოს ხალხის მიერ ხუდონის წინააღმდეგ გამოხატული პროტესტის ჩაცხრობაში...
===
მისმა ავტორიტეტმა არ ვიცი, მაგრამ მისი ავტორიტეტი რომ მაგრად შელახება და მიიჯირყნება, ეს ცხადია და ეს პროცესი უკვე დაწყებულია.

asa

2013-10-22 19:46:05

ნატალი, კიდევ კარგი კუხნიდან არ გამოხვედი და პრეზიდენტად ვერ აგირჩიეთ.

asa

2013-10-22 19:49:15

თურმე ორი იუდა გვყოლია-იუდა ბენდუქიძე და იუდა მირცხულავა. (თუმცა, რატომ ორი, კიდევ რამდენია).

Jon Do

2013-10-22 19:59:48

ისრაელის მაგალითი რომ მოგყავთ ხალხო, მაპატიეთ და ბავშვები ხომ არა ხართ, ვის ედრებით?

ისრაელს მფარველობს და ასპონსორებს მთელი მსოფლიო ფინანსები. რამე ლოგიკური შედარება მაინც მოიყვანეთ.

ჩვენ ვინ გვაფინანსებს (ანუ გვატყავებს) მხოლოდ მსოფლიო ბანკი, იგივე ებრაელები.

ლოგოსი

2013-10-22 22:00:33

Jon Do
2013-10-22 17:57:23

ემოციები გვერძე უნდა გავწიოთ და ქვეყნის მოძლიერების ყველა საშუალება გამოვიყენოთ, ოღონდ ისე არა რომ ვიღაც ინდოელმა იხეიროს ქვეყნის რესურსებით და ხალხი დარჩეს ხახამშრალი.


ემოციებით კი არა, სწორედ გამოზნულად, ყოველგვარი სარგებლიანობისა და ზიანის შეფარდებითი გათვლების გარეშე ხორცილედება ეგ პროექტი, რადგან მილიარდიან ინვესტიციაში, რომ დიდი ფული გაკეთდება,იგივე მშენებლობის პროცესში, კონპენსაციების გაცემის დროს და კიდევ ათასი მაქინაციები იქნება, თორემ ჯერ ქვეყანაში ერთი ქარის, თერმო და მზის ელექტროსადგური არ გაკეთებულა და მიადგნენ პირდაპირ გიგანტურ ჰესს.
ამიტომ გავიმეორებ სტატისტიკურ მონაცემებს და ამაზე უპასუხონ ხუდონჰესის მომხრეებმა - რატომ არ იყენებენ აღნიშნულ ენერგოწყაროებს?
რაღაც სრულიად აგდებულად უყურებენ იგივე თერმულ ელექტროსადგურებს, რომლის 50 ჭაბურღილი გაგვაჩნია, ხოლო ისლანდია თავისი ელექტროენერგიის 26%-ს და მოსახლეობის ცხელი წყ/ლით მომარაგების 90%-ს სწორედ თერმული სადგურებით ახორციელებს. ასევე განვითარებულია სხვა ქვეყნებში.
ქარის ენერგოსადგურები ევროპაში 115 ათასი მეგავატს გამოიმუშავებენ, მარტო გერმანია 29 ათას მეგავატს, ესპანეთი-21 675 მგვტ, დანია-3 871 მგვტ. (2011 წლის მონაცემებით). ენერგეტიკის ეს დარგი სწრაფი ტემპით ვითარდება აშშ-ში, ჩინეთში, ინდოეთში და ბევრ წამყვან ქვეყანაში.
შეადარეთ, საქართველოში ენერგოსიმძლავრეები ერთიანად გამოიმუშავებენ 3300 მეგავატს.
შევეშვათ გერმანია-ესპანეთს, ვთქვათ, დიდი ქვეყენებია და ნუ ვედრებით, მაგრამ დანია არის სულ რაღაც 43 ათასი კვ.კმ, ანუ ჩვენი ოკუპირებული ტერიტორიები რომ გამოვაკლოთ, მაშინ კიდევ მინიმუმი 15 ათასი კვ.კმ-ით პატარა გამოდის და მარტო ქარის ელექტროსადგურებით გამოიმუშავებს ჩვენზე მეტ ენერგიას - 3 871 მეგავატს.
გაგვცენ პასუხი ენერგომამებმა და მთავრობამ, რატომ ხდება ასე,ბატონებო?
რატომ? თუ ქარი არა იცის ჩვენთან ორ ზღვას შორის მოქცეულ ქვეყანაში, მუდმივად ცვალებადი ამინდი რომ გვაქვს და ქარს რომ მიაქვს ქვეყანა?
არაფერს ვიტყვი მზის სისტემებზე, რომლის წყალობით ჩინეთს სურს თავის ელექტროსიმძლავრეები სულ რაღაც სამ წელიწადში 40%-ით გაზარდოს, ანუ წარმოუდგენელი მასშტაბის ჰელიოსისტემების დამონტაჟებას აპირებს, რომ ელენერგიის დიდი ექსპორტიორი გახდეს. თუ ეგ მომგებიანი არ არის, ჩინელები, რომლებიც ყველაზე დიდი ეკონომიურობით გამოირჩევიან წარმოებაში, ეგეთ გეგმებს დაისახავენ მიზნად?
გერმანიაც უახლოესი წლების მანძილზე თავისი ელენერგიის მესამედის გამომუშავებას მზის სადგურებით აპირებს და ამის სახელმწიფოებრივი პროგრამების განხორცილებაც დაიწყო.
და კიდევ გეკითხებით, რატომ ხდება ყველაფერი პირიქით საქართველოში?
გვიპასუხეთ, ბატონებო, გვიპასუხეთ!

asa

2013-10-22 23:20:38

რატომ?
პირველად ის ვიკითხოთ, რატომ ნაცებმა არ დაიწყეს ხუდონის აშენება-იმიტომ, რომ თავისი თავის ფასი (მადა) შესანიშნავად იცოდნენ და შეთავაზებული ეცოტავათ, თორემ მაგათ ვინ დაასწრებდა რაიმის გაყიდვას "1 ლარად".
ამათ კიდევ- ბიძინას 10 და 20 მილიონზე ვინ დაელაპარაკება, ეგ ხურდა ფულია. კალაძისათვის- მისი მასშტაბის შესაფერისი. იქ კიდევ მაგის მოადგილეებს მიუგდებენ ზოგს მილიონს, ზოგს ნაკლებს, წვრილ ჩინოვნიკებს თავის სარგოს და ასე, რამდენიმე ხმაში სიმღერით, სოფელიც აშენდება. უფრო სწორად, სოფელი დაინგრევა, ხუდონი და ინდუსი აშენდება.
და კიდევ კითხულობთ, რატომ?????

თუ ამ გენიოსებს ქვეყნის განითარებაზე ფიქრით არა სძინავთ, წარმოება-ენერგოდამზოგავი და ენერგოეფექტური დარგები განავითარონ. იგივე, ელექტრონული და ელექტრული მრეწველობა, სათანადო პროგრამული მხარე, მზის ელემნტების წარმოება-უმარტივესია სადღეისოდ ჩვენთვის, დასაქმებით კი ათასობით ადამიანს დაასაქმებს როგორც ნედლეულის მოპოვების, პირველადი გადამუშავების, ტრანსპორტირების, ასევე საბოლოო წარმოებაში. იქვე-ელექტრული გარდამსახები, აკუმულიატორები. და მზის სადგურიც (ჰელიოსისტემა)მეტი კი არაფერია. ნედლეული საკმარისზე მეტია.
მაგრამ ისაა საკითხავი, აინტერესებთ? ამას ხომ დრო უნდა, კაპიტალდაბანდება, და ლოდინი. ამათ კი ურჩევნიათ თავისი წილი დღესვე მიიღონ, ხვალ ვინ იცის, მინისტრებად და მოადგილეებად კი არა, კლერკებად აღარ ამუშავონ რომელიმე წვრილ კანტორაში. ესაა მიზეზი.

ლოგოსი

2013-10-23 00:10:53


asa

ზუსტ შეფასებას აკეთებ. რაში სჭირდებათ ზედმეტი გარჯა და თავის ატკივება, როცა სამოთხის ვაშლივით მხოლოდ მოწყვეტა სჭირდება ხუდონის პროექტის განხორცილებით მილიონებით სავსე ჩემოდნებს. ოღონდ, დარწმუნებული ვარ, რომ ეგ ჩაკბეჩილი ვაშლი, ბოლო-ბოლო, იმავე სამოთხიდან გამოყრით ამ გვამებს, სადაც ახლა თბილად არიან მომჯდარნი.

aleqsandre67

2013-10-23 00:12:26

ერთი გამაგებინეთ თუ ავსტრია,შვეიცარია აშენებდნენ ასეთ დიდ ჰესებს ასევე იტალიაც ჩვენ რატო არ შეიძლება ავაშენოთ? 12 წელი გერმანიაში ვცხოვრობდი და ვიცი რა ღოირს მზის ენერგიის და ქარის სადგურები 43 ევრო ცენტია კვტსთ ჩვენი ქვეყნისათვის ძალიან ძვირია. სისულელეეა ამ ეტაპზე საქართველოში ამაზე საუბარი.ისე ჩხარტიშვილი და ქოჩლაძე გვანან რომ სხვა ქვეყნის ინტერესებს ატარებენ. არა მგონია რუსეთის უფრო აზერბაიჯანის და სოკარის, ან შEიძლება კიდე ვინმეს????
ისე ხუდონის საკითხი ნაცების დროს დაიწყო მემორანდუმით.ახლა ვნახე იაპონიაც ბევრ კაშხალს აშენებს და ასევე არგენტინაც,ბრაზილიაც,თურქეთიც
..

gumberize

2013-10-23 00:28:00

გარემოს დამცველები- ეკოლოგები აღმოჩდა საქართველოში აშკარად განიცდიან ცოდნის დეფიციტს ,იგრძნობა მათი არაპროფესიონალიზმი ყოველ შემთხვევაში იმათი ვინც მუდმივად ტელეეკრანიდან გვმოძღვრავს ქოჩლაძე,ჩხარტიშვლი(ეს საერთოდ უნიჭო მარგინალია) ჩხობაძე და ასე შემდეგ.მოიწვიეთ უცხოეთიდან.არა აქვს ხუდონს ეკოლოგიური პრობლემა, აქვს მხოლოდ სოციალური განსახლება,
ამ შემთხვევაში სახელმწიფომ უნდა მიიღოს გადაწყვეტილება საკუთარი ინტერესებიდან გამომდინარე.მაგრამ მიცეს ადამიანებს მომავალი უკეთესი ცხოვრების გარანტიები და ასე შემდეგ.

ლოგოსი

2013-10-23 00:31:05

აი, ახალი სასიამოვნო ინფორმაციაა. ესე იგი საქარველოშიც შეიძლება ეკოლოგიურად სუფტა ენერგიის მიღება, ამიტომ დროა გიგანტურ ჰესების უბედურებას უარი ვუთხრათ.


საგარეჯოში მზის ელექტროსადგურის აშენება იგეგმება

საგარეჯოში მზის ელექსტროსადგურის მშენებლობის დაწყება წლის ბოლომდე იგეგმება. ამის შესახებ ელექტროტექნიკისა და ელექტრონიკის მეცნიერებათა დოქტორმა დავით დვალმა განაცხადა. მისი თქმით, 100 მგვტ მზის ელექტროსადგური საგარეჯოში, 220 კვ–იან გადამცემ ხაზთან „მანავი“ უნდა აშენდეს. პროექტის ღირებულება 200 მილიონი დოლარია.

„ამჟამად მიმდინარეობს მემორანდუმზე მუშაობა, ენერგეტიკის სამინისტროსთან 100 მგვტ მზის ელექსტროსადგურის მშენებლობის თაობაზე, რომლის აგებაც დაგეგმილია საგარეჯოს რაიონში 220 კვ გადამცემ ხაზთან „მანავი“. ამასთან, შემუშავებულია 10. 40, 100, 200 მგვტ სიმძლავრის მეს–ის პროექტები. კერძოდ, 100 მგვტ მეს–ები განთავსდება 220 კვ ელექტროგადამცემ ხაზებთან – „მანავი“ „ხრამჰესი 2“, „ალავერდი“. 200 მგვტ მესი განთავსდება 330კვ ელექტროგადამცემ ხაზთან– „გარდაბანი“. 40 მგვტ მეს–ები განთავსდება 110კვ ელგადამცემ ხაზებთან „თბილსრესი–ბოდბე“, „ვარძია“, „ხრამჰესი–2“, „იმირი 2“. 10 მგვტ–მესები განთავსდება 35 კვ ელგადამცემხაზებთან „ყვარელი–შილდა“, „აფენი“. სულ ჯამური სიმძლავრე შეადგენს 760 მგვტ–ს, დაკავებული ფართობი იქნება 1500 ჰა, გამომუშავებული ენერგიის სიდიდე– 1,4 მლრდ კვტ/სთ ინვესტიციის მოცულობა 1.5 მლრდ აშშ დოლარია“, – აღნიშნა დავით დვალმა გაზეთ „რეზონანსთან“ საუბარში.

არსებული ინფორმაციით, მზის ელექტროსადგურის მშენებლობას ქართული კომპანია აზერბაიჯანული ინვესტიციით გეგმავს. პროექტის მიხედვით, მზის ელექტროსადგური 8–9 თვეში უკვე ექსპლუატაციაში უნდა შევიდეს.

http://www.ick.ge/rubrics/society/15888-i.html



ლოგოსი

2013-10-23 00:36:34

თან ნუ დაგვავიწყდება, რომ მზის დიდი ელექტროსადგურები უპირატესად შენდება უდაბნოს სტილის ცხელი კლიმატის მქონე ადგილებში, სადაც მიწის ფართობს სხვა სასარგებლო გამოყენება არ გააჩნია. ამ მხრივაც მისაღებია, რადგან მოსახლეობის აყრა და მიწის წყალში ჩაძირვა არ ხდება.

ლოგოსი

2013-10-23 00:44:27

ეს ვიდეოც ნახეთ რა დონის მზის ელექტროსადგურს აკეთებენ ესპანეთში, რომელიც ასი ათასიან ქალაქს მთლიანად უზრუნველყოფს ელექროენერგიით. ასე რომ, მომავალი ახალ ტექნოლოგიებს ეკუთვნის, მითუმეტეს, მზიან საქართველოში. რა დროს დასახლებული მიწების წყ/ლით დაფარვაა?

http://www.myvideo.ge/?video_id=1488467

ლოგოსი

2013-10-23 01:08:39


მზის ენეგრიის მსოფლიო ბაზარი სწრაფად იზრდება. ელექტროსადგურები, რომლებიც მზის ენეგრიას გამოიმუშავებენ, სამ წელიწადში ჰიდრო და ატომურ ელექტროსადგურებს კონკურენციას გაუწევენ. ამ სფეროში წამყვანი კომპანიების წარმომადგენლებს მიაჩნიათ, რომ მზის ენეგრიაზე მომუშავე ელექტროსადგურები არა სახელმწიფო სუბსიდიების, არამედ თვითღირებულების მკვეთრი შემცირების ხარჯზე დაწინაურდებიან.

ბოლო 5 წლის განმავლობაში მზის ენერგიის წარმოების ხარჯები თანამედროვე ტექნოლოგიებისა და წარმოების ეფექტურობის ზრდის წყალობით, 60%-ით შემცირდა.

ასეთი ტენდენცია მზის ენერგიის მსოფლიო ბაზრის მოცულობის ზრდას უწყობს ხელს, თუმცა ანალიტიკოსებს მიაჩნიათ, რომ ენერგეტიკის ამ უკიდურესად არაერთგვაროვან სექტორში ყველა კომპანია კონკურენციას ვერ გაუძლებს.

"მზის ენერგიის გამოყენება უფრო იაფი ჯდება, ვიდრე ახალი ატომური ელექტროსადგურების მშენებლობა. ფასის მიხედვით, მას გაზის გენეტარორზე მომუშავე სადგურებისა და ქვანახშირის სადგურების მიერ წარმოებული ენერგიისთვის კონკურენციის გაწევა შეუძლია", - აცხადებს მზის ენერგიის სფეროში აშშ-ის ერთ-ერთი უმსხვილესი კომპანია SunPower-ის დამფუძნებელი ტომას დინვუდი.

ლოგოსი

2013-10-23 01:35:03


aleqsandre67
2013-10-23 00:12:26
12 წელი გერმანიაში ვცხოვრობდი და ვიცი რა ღოირს მზის ენერგიის და ქარის სადგურები 43 ევრო ცენტია კვტსთ ჩვენი ქვეყნისათვის ძალიან ძვირია.


ელექტროენერგიის მოსალოდნელი ღირებულება 2017 წლისათვის მსოფლიოში

აშშ-ს ენერგეტიკული ინფორმაციის ადმინისტრაციის მიერ გაკეტებული გათვლები, სხვადახვა წყაროების მიერ გამომუშავებული ელექტროენერგიის გათანაბრებული ღირებულების მოსალოდნელი მინიმალური, საშუალო და მაქსიმალური მნიშვნელობები 2017 წლისათვის მსოფლიოში. (ერთი კვტ/სთ-ის ღირებულება ცენტებში)

ტექნოლოგიები მინიმალური საშიალო მაქსიმალური
ჰიდროელექტროსადგური 5.8 8.9 14.8
ქარის ელექტროსადგური 7.7 9.6 11.2
მზის ფოტოვოლტაიკური პანელები 11.9 15.3 23.9
ბიომასის ელექტროსადგური 9.8 11.6 13.7
გეოთერმული ელექტროსადგური 8.4 9.8 11.2
ატომური ელექტროსადგური 10.7 11.1 11.9
ნახშირის თბოელექტროსადგური 9.1 9.8 11.4
ბუნებრივი გაზის აირტურბინა 9.2 12.8 15.2
ბუნებრივი გაზის კომბინირებული ციკლის
აირტურბინა 6.0 6.6 8.1

საქართველოს რეალობაში ეს ღირებულებები 1 კვტ.სთ-ზე სულ სხვა იქნება!!!

http://bachanaphiphia.wordpress.com/2013/09/11/%E1%83%94%E1%83%9A%E1%83%94%E1%83%A5%E1%83%A2%E1%83%A0%E1%83%9D%E1%83%94%E1%83%9C%E1%83%94%E1%83%A0%E1%83%92%E1%83%98%E1%83%98%E1%83%A1-%E1%83%9B%E1%83%9D%E1%83%A1%E1%83%90%E1%83%9A%E1%83%9D%E1%83%93/

ლოგოსი

2013-10-23 01:40:59


aleqsandre67
2013-10-23 00:12:26
12 წელი გერმანიაში ვცხოვრობდი და ვიცი რა ღირს მზის ენერგიის და ქარის სადგურები 43 ევრო ცენტია კვტსთ ჩვენი ქვეყნისათვის ძალიან ძვირია.


ელექტროენერგიის მოსალოდნელი ღირებულება 2017 წლისათვის მსოფლიოში

აშშ-ს ენერგეტიკული ინფორმაციის ადმინისტრაციის მიერ გაკეტებული გათვლები, სხვადახვა წყაროების მიერ გამომუშავებული ელექტროენერგიის გათანაბრებული ღირებულების მოსალოდნელი მინიმალური, საშუალო და მაქსიმალური მნიშვნელობები 2017 წლისათვის მსოფლიოში. (ერთი კვტ/სთ-ის ღირებულება ცენტებში)

ტექნოლოგიები მინიმალური საშუალო მაქსიმალური
ჰიდროელექტროსადგური - 5.8 - 8.9 - 14.8
ქარის ელექტროსადგური - 7.7 - 9.6 - 11.2
მზის ფოტოვოლტაიკური პანელები - 11.9 - 15.3 - 23.9
ბიომასის ელექტროსადგური - 9.8 - 11.6 - 13.7
გეოთერმული ელექტროსადგური - 8.4 - 9.8 - 11.2
ატომური ელექტროსადგური - 10.7 - 11.1 - 11.9
ნახშირის თბოელექტროსადგური - 9.1 - 9.8 - 11.4
ბუნებრივი გაზის აირტურბინა - 9.2 - 12.8 - 15.2
ბუნებრივი გაზის კომბინირებული ციკლის
აირტურბინა - 6.0 - 6.6 - 8.1

საქართველოს რეალობაში ეს ღირებულებები 1 კვტ.სთ-ზე ბევრად მცირე იქნება!!!

http://bachanaphiphia.wordpress.com/2013/09/11/%E1%83%94%E1%83%9A%E1%83%94%E1%83%A5%E1%83%A2%E1%83%A0%E1%83%9D%E1%83%94%E1%83%9C%E1%83%94%E1%83%A0%E1%83%92%E1%83%98%E1%83%98%E1%83%A1-%E1%83%9B%E1%83%9D%E1%83%A1%E1%83%90%E1%83%9A%E1%83%9D%E1%83%93/

sardioni62

2013-10-23 06:15:15

მოლოდინი ქარის და მზის ფოტოვოლტაიკების მართლა გადაჭარბებული აქვს ჩვენ ზოგიერთ ვაი "ექსპერტს" მათიი გამოყენებას დიდი სიძვირეც ,რომ არ მივიღოთ მხედველობაში საქართველოს ენერგოსისტემის სპეციფიკა სიმცირე ამ ენერგიის წყაროების გამოყენებასაც ზღუდავს მათი ჯამური სიმძლავრე იზღუდება სიტემის საერთო სიმძლავრის მაქსიმუმ <20% .გარდა ამისა ასეთI დენის წყაროები მუდმივად ითხოვენ(რეჟიმები) დამატებით ან ჰიდროაკუმულიაციურ ან მარეგულირებელ პიკურ ჰიდროსადგურების დამატებით სიმძლავრეებს, მოკლედ მათ გარეშე მათი მუშაობა არ შეიძლება.მოკლედ დამატებით წყალსაცავიანი ჰესის მშენებლობას მაინც ვერ აუვლით გვერდს. ფიზიკოსებს ემახსოვრებათ უნივერსიტეტში,ჩვენ კორპუსში მე 2 სართულზე იყო პროფესორ იონა მირცხულავას ლაბარატორია (ისე ამ პიროვნების დაარსებული იყო ნახევარგამტარების სამეცნიერო კვლევითი ინსტიტუტი,შემდეგში "მიონი") სადაც გალიარსენიდს იღებდნენ ეგრეთ წოდებული ჩოხრალსკის მეთოდით.ასე რომ ფოტოვოლტაიკების დამზადების გარკვეული ბაზა არსებობდა საქართველოში .თუმცა დღეს ასეთი წარმოების(მითუმეტეს კონკურენტულის) შექმნა ჩვენთან უტოპიაა.იაპონიაც ,რომელიც ლიდერია ახალი ენერგიისწყაროების ათვისების საქმეში უარს ვერ ამბობს წყალსაცავიანი ჰიდროსადგურების მშენებლობაზე და ძალიან ბევრს აშენებს.რაციონალურად პრაგმატულად ჩვენც უნდა ავაშენოთ ,წინააღმდეგ შემთხვევაში გაგვიჭირდება და შეუძლებელი იქნება ქვეყნის ეკონომიკური კრიზისიდან,უფრო გასაგებად სიღარიბიდან გამოყვანა. ის ადამიანები ვინც ეწინააღმდეგება ასეთ მშენებლობებს ,არ ვგულისხმობ იმათ ვინც "უცხო ვიღაცეების" დავალებით ამას აკეთებენ , არამედ იმათ ვინც ხმას აყვნენ უნდა იცოდნენ ,რო მთუ მომავალში მაინც კარგი ცხოვრების პრეტენზია აქვთ ასეთი ჰესები ქვეყანამ უნდა ააშენოს.

g.gobecia

2013-10-23 06:30:29

უნდა აშენდეს ჰესები, წალენჯიხელები მხარს უჭერერთ ხუდონის მშენებლობას.ჩვენ სამუშაო გვინდა დასაქმდება მთელი რაიონი.

dusheti

2013-10-23 13:54:07

მართლა ეწინააღმდეგებოდნენ ქოჩლაძე,ლაშა ჩხარტიშვილი და მაშინდელი მინისტრი ნინო ჩხობაძე აზერბაიჯანიდან ბაქო თბილის ერზერუმის და ბაქო თბილისი ჯეიხანის პროექტებს??? მე არ მახსოვს და თუ ესეა, ფაქტია ვიღაცის არა კეთილ მოსურნე ქვეყნის ნებას ასრულებდნენ? ამას რა ჰქვია???დღეს ვის დავალებას ასრულებენ ქვეყანა დენის გარეშე უნდათ დატოვონ

gvinjilia

2013-10-23 14:07:34

სვანეთში მთავრობის ნორმალური დალაპარაკება უნდათ სვანებს, ხალხს იქ ძალიან უჭირს, ხაიშელები ქვეყნის საჭიროებას გაიგებენ ,მაგრამ აუცილებელია ძალიან კარგი კომპესაცია მიიღონ ისეთი ,რომ მათი სოციალური მდგომარეობა საგრძნობლად გამოსწორდეს.

asa

2013-10-23 15:05:40

sardioni62, არავითარი უტოპია არაა ჰელიოსადგურების შექმნა. ზემოთაც ავღნიშნე-საქარVელოში სანამ კიდევ შემორჩნენ ელექტრონიკის სპეციალისტები თუნდაც იგივე "მიონის" კადრები, ასევე უნივერსიტეტის სპეციალისტები, ამ დარგის განითარება უმარტივესია. მთავარი ტექნოლოგიაა, რომელიც მთელს მსოფლიოში სწრაფად ვითარდება და იაფდება. ნედლეული კი გვავს. თანაც იმდენი, რომ არავითარი იმპოერტი არ დაგვჭირდება (სილიციუმიც და დარიშხანიც). ათიოდე წლის წინ 1 ვატი 5 დოლარი ჯდებოდა. სადღეისოდ 2 დოლარამდეა ჩამოსული. ხვალ უფრო ნაკლები იქნება.

asa

2013-10-23 15:08:30

ჰიდროსადგურებზე კი არავინ ამბობს უარს, მხოლოდ გააზრებულადაა საჭირო მათი აშენება. მით უფრო, უკვე აშენებულები, ბევრი უფუნქციოდაა დარჩენილი, უმეტესობას კი გადაიარაღება ესაჭიროება და გამომუშავება 30-50% მო0იმატებს. თავი დავანებოთ კომუნისტურ გიგანტომანიას.

mirian77

2013-10-23 16:00:09

ასა რეჟიმულ შეზღუდვას რა ვუყოთ. ქარზე და ჰესებზე? მზის ფოტოვოლტაიკების პროექტის ტარიფი 20 მგვტის სადგურის არსებულ პროექტზე კვტსთ 36 თეთრი ჯდება თვითღირებულება!!!უზვირესია

mirian77

2013-10-23 16:10:16

http://en.wikipedia.org/wiki/List_of_tallest_dams_in_Switzerland ეს ნახეთ და ამის შემდეგ ილაპარაკეთ

mirian77

2013-10-23 16:13:22

ასა რეჟიმულ შეზღუდვას რა ვუყოთ???. ქარზე და მზეზე? მზის ფოტოვოლტაიკების პროექტის ტარიფი 20 მგვტის სადგურის(რეალური ახალი პროექტი საქართველოში) არსებულ პროექტზე კვტსთ 36 თეთრი ჯდება თვითღირებულება!!!უძვირესია ,ხალხი კი ძალიან ღარიბია სამწუხაროდ.ჰიდროსადგურები ყველაზე იაფი ენერგიაა!!!!

mirian77

2013-10-23 16:18:16

გთხოვთ ესეც ნახეთ:http://www.swissdams.ch/index.php?option=com_content&view=article&id=113:dams-in-switzerland&catid=94:swiss-dams&Itemid=740&lang=en

ოძელი

2013-10-23 21:22:58

mirian77,

უქარო და ღრუბლიანი ამინდებისას არსებული ჰესების და თესების სიმძლავრეები სრულიად საკმარისია რეგულირების უზრუნველსაყოფად.

დღეს მზისგან მიღებული ენერგიის თვითღირებულება ნამდვილად მაღალია, მაგრამ ნუ დაგვავიწყდება, რომ საქმე გვაქვს ტექნოლოგიებთან და როგორც მოგეხსენებათ ტექნოლოგიები ვითარდება და იაფდება. არ არის გამორიცხული ათი ან ოცი წლის შემდეგ მზის ენერგია ჰიდროზე ძვირი არ იყოს.
10-12 წლის წინ ერიქსონ-628 მოდელის ტელეფონი 800 დოლარი ღირდა. დღეს ვინმეს რომ აჩუქო ხელს არ მოკიდებს.

რაც შეეხება თქვენს მიერ მოწოდებულ ლინკებს, ძალიან საინტერესო იყო, დიდი მადლობა, მაგრამ ეს ჩვენ მოგვაწოდე, თუ თავადაც გაეცანით? მე თქვენს ადგილზე ამას ხუდონის აშენების გასამართლებლად ვერ გამოვიყენებდი, რადგან იგი მის წინააღმდეგ უფრო მოქმედებს.

ხიროხიტო-2

2013-10-23 23:10:06

ოძელს გაუმარჯოს

იცი მთავარი პრობლემა რა არის? შიში, უსინათლოდ დარჩენის შიში და ეს შიში წარმოშობს "ხუდონჰესის" აშენების მომხრეთა აქტიურ მოძრაობას.

შიმშილის შიშით გამოწვეული ანალოგიური შიში ადამიანს აიძულებს მოიმარაგოს–გადაინახოს–დამალოს საჭმელი, ან ჭამოს უზომოდ, თან ცდილობს ამას სხვადასხვა გამართლება მოუძებნოს. ეს არგუმენტები, ხშირად სასაცილოა და უვნებელი, ხოლო ხანდახან ფსიქიურ აშლოლობას იწვევს, ამ დროს პაციენტის შიში ზღვარს გადასულია და ზოგჯერ საზიანო მისი ან მის გარშემო მყოფებისთვის. იმის გამო, რომ პაციენტის არგუმენტები არ ემყარება არანაირ ლოგიკურ ახსნას გარდა საკუთარი "ლოგიკისა", საჭირო ხდება დიაგნოზის დასმა და იძულებითი მკურნალობა...

სოციალური შიზოფრენია, როგორც მოვლენა, გადამდები რომ არის ეს არაერთხელ მითქვამს და ამის დანახვა ძალიან ადვილია ჰიტლერის, სააკაშვილის და სხვათა მაგალითებზე.

თუ გახსოვს, მანამდე ასეთი ანეგდოტი გავიხსენე:
შვილი ეკითხება მამას: – მამა, რატომ ზიან გიჟები ფსიქიატრიულშიო? იმიტომ შვილო, – უპასუხა მამამ, – რომ ჩვენ უფრო მეტნი ვართ, როცა გიჟები ჩვენზე მეტნი იქნებიან, მაშინ ჩვენ ვიქნებით გიჟები და ფსიქიატრიულშიც ჩვენ ჩაგვსვამენო.

სწორედ ეს დრო იყო მაშინ და ასეა ახლაც.

თუ გახსოვს მაშინ სულხან–საბას იგავსაც ვიხსენებდი – ჩოხის გამოცვლას ხასიათი გამოიცვალეო...

ეს ყველაფერი იმიტომ გავიხსენე, რომ განა ამ 2 წელში ჩვენ შევცვალეთ? რა თქმა უნდა არა. ისევ ისეთი ჩოხაჩამოხეულები და მუქთახორები ვართ რაც მაშინ ვიყავით...

ვკითხულობ შენი და ლოგოსის არგუმენტებით სავსე წერილებს და... ერთი მათგანი ძალიან პროფესიულად წერს ფიზიკაზე, ელ. ენერგიაზე, "მიონზე", ცდებზე და ა.შ მაგრამ წარმოდგენა არ აქვს (არ მინდა ასეთი ტონით წერა, მაგრამ სხვა გზა არ არის – ისინი ათასნი არიან, შიშით შეძრწუნებული ლეგიონერები) ელემენტარულ ეკონომიკაზე, არითმეტიკაზე და ა.შ. ორ ერთმანეთთან კავშირში მყოფ საკითხს ვერ აკავშირებენ და აი რატომ –

– საქართველოს უახლოეს 20 წელში სრულიადაც არ სჭირდება ამდენი ელ ენერგია, ანუ მათი შიშები თავიდანვე უსაფუძვლოა, უსაფუძვლოა და ეს თემა აგორებულია ენერგო მოვაჭრეების მიერ "გოიმი ქართველებისთვის"...

რა თქმა უნდა ჩემს სიტყვებში ეჭვი შეგეპარება, მაგრამ მისი გადამოწმება ძალიან ადვილია:

1. მსოფლიოში არ არსებობს ჩინეთის ეკონომიკაზე სწრაფად მზარდი ეკონომიკა – წელიწადში 8%, ეს მაქსიმუმია;
2. საქართველოს ეკონომიკური ზრდა მომავალ წელს დაგეგმილია 6%, ესეც ან შესრულდება და ან არა
3. იმ შემთხვევაშიც კი თუ ეს ტემპი შენარჩუნდა (რაც ძალზე საეჭვოა), ენერგომოხმარება მხოლოდ 15–20 წლის შემდეგ გაორმაგდება(აქ იგულისხმება, რომ ჩვენ ძალიანაც რომ არ გვინდოდეს, მსოფლიოში ინერგება ენერგოდამზოგველი ახალი ტექნოლოგიები, ის რასაც 20 წლის წინ 100 ვატი სჭირდებოდა დღეს 9 ვატი ენერგია სჭირდება), ანუ იმ დროს როცა "ხუდონჰესი" თავისი ექსპლუატაციის მესამედს
ამოწურავს.

და ეს ყველაფერი იმ შემთხვევაში თუ ყოველწლიურად გვექნება ეკ.ზრდა 6%.

ახლა ვნახოთ რა პროგნოზებია მსოფლიოში 20 წლის შემდეგ:
1. მსოფლიოს მოსახლეობა იზრდება 15 მილიარდამდე
2. გლობალური დათბობის გამო იზრდება წყ/ლის დონე, ხმელეთის ფართი მცირდება, ნელ–ნელა იტბორება ყველა ქალაქი რომელიც ზღვასთანაა. ამ ზღვისპირა ქალაქებში ცხოვრობს მსოფლიოს მოსახლეობის 30%, ანუ ეს მოსახლეობა მოძრაობას იწყებს...
3. ყველაზე დიდი ფასი ედება საკვებ პროდუქტებს...

ეს ჩემი პროგნოზები არ არის, გაეროს პროგნოზებია და თუნდაც ნახევრად მართალიც რომ იყოს მაინც უფრო მნიშვნელოვანია, ვიდრე ჰესების მშენებლობა...

და სწორედ ეს არის ის მონაცემები, რომელთა შეჯერებასაც ვერ ახერხებენ... გახსოვს ალბათ, როდესაც იან ჰუსს ცეცხლზე აჭიაკოკონებდნენ, მან დაინახა ერთი მოხუცი ქალი რა გულმოდგინებით უკეთებდე შეშას ცეცხლს, სწორედ მაშინ წამოუძახია იან ჰუსს მისი ცნობილი სიტყვები: ო, სანტა სიმპლიციტას (ოჰ, წმინდაო გულუბრყვილობავ)...

თუმცა საინტერესოა, ეს გულუბრყვილობაა თუ სირეგვენემდე მისული სიბრიყვე

mirian77

2013-10-24 04:58:59


ისე მზის მომხრეებს(ისე ვინ არ არის მისი მომხრე იაფი ,რომ იყოს??? )ელემენტალურ კითხვას გისვამთ რეჟიმულ უთანაბრობას დღის და ღამის რითი შველით- პასუხი ერთია ისევ მარეგულირებელი ჰესებით, ასეა უმეტეს მსოფლიოში,?
ან მეორეს ზოგად შეზღუდვას ქვეყნის სისტემის სიმძლავრესთან მიმართებაში, ზემოთ ვიღაცამ დაწერა <20 ზე მაგრამ მე მიმაჩნია ეს გაცილებით ოპტიმისტურია უფრო ნაკლებია..
ისე დღეს ტარიფი 36 თეთრი ზალიან ძვირია 2020 წელს გახდება 6 ცენტი მანამდე სანთლით?

mirian77

2013-10-24 05:03:47

შვეიცარიაში უამრავი კაშხალია (260) დაწყებული უდიდესი 284 მეტრიანით...

mirian77

2013-10-24 05:07:31

იაპონიაშიც 2500 ზე მეტი კაშხალია და თურმე კიდე აშენებენ ბევრს თუ ფოტოვოლტაიკებს არ იცნობენ ან ენერგოეფექტურობის მადლს ან ახალ ტექნოლოგიებს???

g.gobecia

2013-10-24 05:19:58

მირიან77 იქნებ იაპონიაზე კაშხლების რაოდენობაზე ლინკი დადოთ თუ არ შეწუხდებით, ავსტრია და იტალიაშიც ძალიან ბევრია
ვიცი წამიკითხავს.

g.gobecia

2013-10-24 05:30:00

asa ს მინდა კითხვა დაუსვა რომელი ჰიდროელექტრო სადგურია საქართველოში უფუნქციოდ დარჩენილი,??? მე ესეთს არ ვიცნობ და მათიჯამური გამომუშავება საპროექტოს აღწევს, თუ გალის ოკუპირებულ ტერიტორიაზე ჩაძირულ 3 ვარდნილ ჰესს გულისხმობთ ,მას ეხლა ვინ აღადგენს ??? რუსები??? გთხოვთ შეგნებულ შეცდომას ნუ დაუშვებთ შEფასებაში

ოძელი

2013-10-24 10:20:02

გამარჯვება იმპერატორს!

ლოგოსს მართლა ყოჩაღ, კარგადაც შეისწავლა საკითხი, კონკრეტული მონაცემების დონეზე და არც ფორუმზე ზარმაცობს. ჩემი რა გითხრა, დავიღალ/ე ამ უაზრო წკ/ლის ნაყვით, რა არგუმენტიც არ უნდა მოიყვანო აზრი არ აქვს, მაინც თავისას გაიძახიან. თვითონ ისეთი ფაქტები მოპჰყავთ არგუმენტებად, მათ წინააღმდეგ რომ მოქმედებს.

ამას წინათ ერთმა დაწერა, მსოფლიო ბანკმა 90-იან წლებში რომ აკრძალა დიდი ჰესების დაფინანსება, ეს აკრძალვა 2012-ში მოხსნაო. თან გვითხრა ჰიდრორესურსებით ღატაკი ქვეყნებია მდიდარიო(!!!)
არ მესმის, ეს არგუმენტად როგორ უნდა მოიყვანო, ან როგორ უნდა შეუწყო ხელი მის განხორციელებას? ხომ ცხადია, რომ არავის აინტერესებს შენი ქვეყანა, არც შენი კულტურა, არც წარსული თუ ისტორიული ძეგლ/ები და მხოლოდ ენერგორესურსების წყაროდ წარმოგიდგენენ? მათთვის მთავარია იაფად წაიღონ რესურსები და თუნდაც წყალს დაუტბორავს მთლიანად საქართველო.
აგერ, mirian77-ის მიერ მოწოდებული ლინკებიც ასეთი "მყარი არგუმენტებია". თუ არ დამეზარა მოგვიანებით დავწერ მასზეც.

ზემოთ დავსვი კითხვა, როგორი ქვეყნის აშენებას აპირებთ მეთქი და შესადარებლად ისრა/ელი და საუდის არაბეთი მოვიყვანე. არავინ გამომეხმაურა. (დარწმუნებული ვარ, რომ გამომხმაურებოდნენ იტყოდნენ ისრაე/ლის მსგავსსო) მხოლოდ Jon Do-მ დაწერა საქართველოს ისრა/ელს როგორ ადარებთ, იმათ ის ეხმარება, ვინც ჩვენ ტ/ყავს გვაძრობსო.

ჯერ ერთი, თუ ამდენი გვესმის, რატომ ვეხმარებით ჩვენი ტ/ყავის გაძრობაში გადამთიელს?
მეორე, ამერიკის დახმარება ისრა/ელის მიმართ კი უზარმაზარია, მაგრამ ისიც ვერაფერს გახდებოდა, რომ არა ებრაელ/ების მიზანსწრაფულობა და საკუთარი ქვეყნის სიყვარული;
და მესამე, მე სხვა აზრით ვითხოვე მათი შედარება.

უფრო კონკრეტულად კი, საუდის არაბეთი, ქუვეითი და სხვა არაბული ქვეყნები განცხრომით ცხოვრობენ ნავთობის და გაზის, ანუ ბუნებრივი რესურსების მოპოვების და გაყიდვის ხარჯზე. ეს ქვეყნები წარმოადგენენ მომხმარებელ ქვეყნებს და დიდი მომავალი არ უწერიათ, რადგან მთლიანად არიან დამოკიდებული ბუნებრივ რესურსებზე.

ისრა/ელი კი, რომელსაც არც ნავთობის და არც ჰიდრორესურსები გააჩნია, იძულებულია განავითაროს წარმოება. ის მწარმოებელი ქვეყანაა და არ არის დამოკიდებული ბუნებრივ სიმდიდრეებზე. მომავალი სწორედ მწარმოებელი ქვეყნებისაა.

ალბათ მადლობა უნდა ვთქვათ საქართველოში ნავთობის და გაზის დიდი მარაგები რომ არაა. ეს ჩვენი ქვეყნის განვითარებისთვის დიდი ბიძგია.
რაც შეეხება ჰიდრორესურსებს, ეს კი გაგვაჩნია, მაგრამ, რამდენად აბსურდულადაც არ უნდა მოეჩვენოს მავანს, არ უნდა ვაწარმოოთ იმაზე მეტი, რაც ჩვენ გვჭირდება, მით უმეტეს ბუნების უზომო ექსპლუატაციის ხარჯზე, რადგან ეს ქვეყნის განვითარებას შეანელებს და მას პარაზიტ და არასტაბილურ ქვეყნად აქცევს. განსაკუთრებით მიღებული მოგების არათანაბრად განაწილების შემთხვევაში და მოგება რომ არათანაბრად განაწილდება, მგონი თავიდანვე ცხადად ჩანს.


ხუდონის მომხრეთა შესახებ რა გითხრა, ძნელია იმის თქმა, თუ რატომ უჭერენ მის აშენებას მხარს. ალბათ, დიდი ნაწილი ლამაზი, პატრიოტული ფრაზების გავლენის ქვეშაა (განვითარება, ენერგოდამოუკიდებლობა) და გულწრფელად სჯერა, რომ მისი აუშენებლობით ქვეყანას სიბნელ/ე და უკუნი მოიცავს. სხვები რაღაც სარგებელს მოელიან.

მთავარი მაინც ისაა, რომ ბევრი ფიქრს და აზროვნებას გადაეჩვია და ბრმად სჯერათ თავიანთი რჩეულის. ამასთან, ჩვენს ცნობიერებაში "მე"-მ მყარად ჩაანაცვლა "ჩვენ". წინა პლანზე პირადი სარგებელი წამოვიდა და რამდენადაც აზროვნებას ვართ გადაჩვეული, ვერ ვხვდებით, რომ შეცდომაა "ჩემი" "ჩვენი"-ს გარეშე და ის წინასწარ განწირულია, რადგან მაღალი კედლ/ები ვერავის კეთილდღ/ეობის გარანტი ვერ გახდება და კედ/ლებს გარეთ არსებული სიღატაკე და უსამართლობა აუცილებლად შეაღწევს ამ კედ/ლებს შიგნითაც.

ოძელი

2013-10-24 11:09:14

mirian77,

გვყავდა ერთი შს მინისტრი, "რკინის კაცად" წოდებული. გამოვიდოდა და გვიყვებოდა, მოხდა 5328 დანაშაული, აქედან გახსნილია 5246, აღმოჩენილია 127 არალეგალური საწყობი, გამოვლენილია კონტრაბანდის 426 შემთხვევა და ასე შემდეგ. თავს გვაწონებდა "წარმატებული" მუშაობით.

სინამდვილეში კონტრაბანდის "გამოვლენილი" ფაქტები მეტი არაფერი იყო, თუ არა ორიოდე განუბაჟებელი ჯინსის შარვალი; "აღმოჩენილი" არალეგალური საწყობები იყო ვაგზალზე სიგარეტის გამყიდველი ქალბატონების სარდაფები, სადაც 3-4 ბლოკ სიგარეტს ინახავდნენ; "გახსნილი დანაშაულებიც" მეტი არაფერი იყო, თუ არა წვრილმანი ხულიგნობა, ან კოკა-კოლის და ფუნთუშის ქურდობა.
სერიოზული დანაშაულობები ხელშეუხებელი და გაუხსნელი რჩებოდა.

კახა თარგამაძე ხუდონის ასაშენებლად მოყვანილმა შენმა ლინკებმა გამახსენა, სადაც ძირითადი ყურადღება შვეიცარიაში წყალსაცავების რაოდენობაზეა გაკეთებული. ვეჭვობ შენც ყურადღება რაოდენობის გარდა სხვა რამეზე მიგექცია, წინააღმდეგ შემთხვევაში მას არგუმენტებად არ გამოიყენებდი.

ახლა კონკრეტულად.

შვეიცარიაში ჩამოთვლილი 160 წყალსაცავიდან სულ ხუთია მოზრდილი. მათგან ერთი უდიდესი მოცულობით 2,5-ჯერ მცირეა ჯვრის(ენგურის) წყალსაცავზე. ხოლო ოთხი კი ხუთჯერ. დანარჩენები 10-ჯერ, 100-ჯერ და 1000-ჯერაც(!!!)

უდიდესი წყალსაცავი აშენებულია გასული საუკუნის 60-იან წლებში. მომდევნო ოთხიდან ერთ-ერთი 70-ების დასაწყისში, ე.ი. დაახლოებით 40 წლის წინ. დანარჩენები 50-60-იან წლებში.
ოთხმოციანებში დაახლოებით 8-10 წყალსაცავი აშენდა. მათგან უდიდესი თითქმის 150-ჯერ ჩამორჩება ენგურს.

სამია აშენებული 2000 წელს. მათგან უმცირესი ოდნავ აღემატება ოლიმპიური აუზის მაქსიმალური სტანდარტების ზომას(50*25*6), უდიდესი კი 1660-ჯერ ჩამორჩება ენგურს(!!!)

ერთი შეხედვითაც კარგად ჩანს, რომ შვეიცარიაში აშენებული "დიდი" წყალსაცავების აბსოლუტური უმრავლესობა 50-60 წლის წინ არის აშენებული. დღეს იქ ასეთ წყალსაცავებს არ აშენებენ და დარწმუნებული ვარ არც მაშინ ააშენებდნენ ქარის და მზის ტექნოლოგიების მცირე პერსპექტივა რომ არსებულიყო.

კიდევ ერთ ფაქტს მივაქციე ყურადღება.
შეძლებისდაგვარად მოვიძიე სურათები, დავათვალიერე გუგლის რუკა და დავრწმუნდი, რომ შვეიცარიაში არსებული წყალსაცავების აბსოლუტური უმრავლესობა აშენებულია ისეთ ადგილებში, რომლებიც არათუ ადამიანის საცხოვრებლად, საძოვრებადაც არ გამოდგება(!!!) და მიუვალ ღრმა ხევებსა და კანიონებში მდებარეობს

ასე რომ, შვეიცარიის მაგალითი კიდევ ერთხელ გვარწმუნებს, რომ ხუდონის აშენება დაუშვებელია!!!

დიდი მადლობა ლინკებისთვის.

მაანი

2013-10-24 12:26:19

საქართველოს რა პროცენტი რჩება და ვინ მონაწილეობს როგორც ინვესტორი, დამატებით იცით?

mirian77

2013-10-25 14:19:49

ოძელს არა ხართ სწორი როდესაც ამბობთ გუგლით დაათვალიერე და შვეიცარია ხრიოკ ადგილებში აშენებს კაშხლებს , კანტონ ტიჩინოში ხრიოკ ადგილს ვერ იპოვი და მკითხველს შეცდომაში ნუ შეიყვანთ. ის რომ შვეიცარია მთელი მე-20 საუკუნე აშენებდა კაშხლებს და თავისი ჰიდროენერგეტიკული პოტენციალი თითქმის 95% ით აითვისა.
ეს იმაზე მეტყველებს ,რომ მათ ამის შესაძლებლობა( ეკონომიკური) ჰქონდათ.ასე მაგალითად იტალიამ მხოლოდ მეორე მსოფლიო ომის შემდგომ დაიწყო ინტენსიური მშენებლობა ნახეთ რამდენი მაღალი კაშხალია იტალიის ჩრდილოეთში, მათაც მათი ჰიდრო პოტენციალიც 90% ით აითვისეს.
პორტუგალია ეხლა აშენებს 256კმ2 წყალსაცავიანი(ზომას დაუკვირდით,შეადარეთ ენეგურს და მითუმეტეს ხუდონის წყალსაცავებს!!) დიდი კაშხალი Alqueva Dam,2002 წელს დაამთავრა და 2012 წელს დაამთავრა მისი შვსება. ახლაც მიდის პორტუგალიიაში
ორი Baixo Sabor dams მშენებლობა A huge pair of dams are currently under construction with a view to creating a new hydroelectric plant in Portugal.

The project, in the municipality of Torre de Moncorvo, consists of two huge dams – one upstream of the Sabor river and another 9.5km further downstream. Between them, an area of over 50km will be flooded to create the third largest lake in Portugal.
იაპონიაშიც 2023 წლამდე კიდე შენდება უამრავი დიდი კაშხალი და არა ხრიოკ რაიონებში. თუ გნებავთ ამაზეც დეტალურ ინფორმაციას მოგაწვდით.ისე იაპონელებმა ფოტოვოლტაიკების ყველაზე მაღალ ეფექტურობას მიაღწიეს ახლახანს,თუ გნებავთ ამაზეც მოგაწვდით ინფორმაციას!!!

mirian77

2013-10-25 14:32:35

ნახეთ რამდენი შენდება არგენტინაში, საერთოდ სამხრეთ ამერიკაში.ისე ცნობისათვის წყალსაცავების სარკის ჯამური ფართობიც შვეიცარიაში 130კმ2,საქართველოზე ფართობით პატარა შვეიცარიაში გაცილებით!!! აღემატება საქართველოში არსებულ წყალსაცავების ჯამურ ფართობს. ნორვეგიაში კაშხლების მიერ შექმნილი წყალსაცავები ფართობი შეადგენს 3000კმ2.

karumidze

2013-10-25 16:49:02

მე არ მჯერა არც გარემოს დამცველების და არც ენერგეტიკოსების.გარემოს დამცველები მე მგონი პროფესიონალიზმის ნაკლებობას(რაც აშკარად იგრძნობა) ისტერიულ ქცევით, აზროვნებით ,ნათელი მაგალითებია მართლა უნიჭო ლაშა ჩხარტიშვილი და მანანა ქოჩლაძე,ასევე აკლია პროფესიონალიზმი ნინო ჩხობაძეს.ენერგეტიკოსებს საკუთარი უფრო კორპორატიული, გნებავთ პირადი ინტერესები აქვთ და იმას იცავენ. მირცხულავა,არველაძე,ცინცაძე,ჭითანავა ისენი მხარეები არიან აშკარად ინტერესთა კონფლიქტია, ვიღაც ფირცხელანი და ბაშარული მართლა კომიკური პერსონაჟები არიან და მათი გამოსვლები უფრო ღიმილს იწვევს. .
მაღალ პროფესიონალი ეკონომისტებიდან ვისაც ვენდობი თავისი აზრი დააფიქსირა დავით იაკობიძემ,ემზარ ჯგერენაიამ და ირაკლი ლექვინაძემ. მე მინდა უფრო სწორედ ასე ვფიქრობ სწორედ ეკონომისტებმა იმსჯელონ და გადაწყვიტონ და მთავრობამაც მათი შეფასებით მიიღოს დადებითი ან უარყოფი გადაწყვეტილება.

ხიროხიტო-2

2013-10-25 22:50:53

ოძელს

გამარჯობა ძამია, მართალი ხარ, უკვე შეუძლებელია ამ ხალხთან საუბარი – ერთ თემაზე მოგყავს არგუმენტები, მეორეზე გადადიან, მეორედან მესამეზე და ასე დაუსრულებლად. თუ ვინმეს ნათურა უნახავს თავი ენერგეტიკოსი ჰგონია, ხოლო თუ ვატიც გაუგია ექსპერტია და სხვისი აზრი არ აინტერესებს.

მოჰყავთ მაგალითები მეგავატებზე, შვეიცარიაზე (გვყავდა აქ ერთი "თენგო", რომელიც იძახდა ნეიტრალური ადამიანი ვარო, მაგრამ იმდენად დეტალური ინფორმაციები ჰქონდა გამოვტეხე – თურმე ჰესების მშენებელ ერთ–ერთ შვეიცარიულ ფირმაში მუშაობდა, ლენკებსაც დავაგდებ თუ საჭიროა), არადა არ იყურებიან რა ხდება მათი ცხვირის იქით – შვეიცარიაში, ან იტალიაში რომც იყოს ამდენი ჰესი იმას აქვს მნიშვნელობა, როგორია იქ გაბატონებული ქარები, ანუ სად მიდის ის აორთქლებული წყალი, სად მოწვიმს და სად დაატენიანებს მიწას.

აჭარაში ერთი მთა გვაქვს – მტირალას მთა – ის რომ არ იყოს ბათუმში ამდენი წვიმები არ იქნებოდა, დასავლეთიდან წამოსულ ღრუბლებს სულ რაღაც ერთი დღით აჩერებს და იმ ერთ დღეში მიაქვს ბათუმი წყალს და ღვარცოფს...

ეს მთა იმდენად ცვლის ზაფხულის საკურორტო სეზონს, რომ მიშას მისი "მოხერხვაც" კი სურდა...

ხიროხიტო-2

2013-10-25 22:52:24



და კიდევ, ენერგოდამოუკიდებლობასა და საგებლიანობაზე, განა რამდენს ვიხდით ელ ენერგიაში? ოჯახი (მრეწველობას არ ვგულისხმობ) თვეში 20–30 ლარს (4–5 სულზე), ანუ სულზე 5–6 ლარს. წელიწადში ეს მასქ. 80 ლარია. ანუ თუ დავუშვებთ, რომ ჩვენ საერთოდ არ გვაქვს ელ ენერგია და ვყიდულობთ უცხოეთში, ამდენის ეკონომიას ვაკეთებთ სულ მთელი წლის განმავლობაში (ანუ არ ვაძლევთ უცხოელს).

ახლა ვთქვათ, რამდენს ვიხდით იმპორტირებულ ხორცში წლის განმავლობაში, კარაქში, კვერცხში...

წლის განმავლობაში ადამიანი საშუალოდ მოიხმარს 150 კგ ხორცს სხვადასხვა სახით, 200 კვერცხს და ა.შ.

ანუ საკვებ, ამასთან უხარისხო პროდუქციაში ჩვენ წლის განმავლობაში ვხარჯავთ (ანუ უცხოელებს ვაძლევთ) დაახლ. 400 ლარს, ესეც მხოლოდ იმაში, რაც ჩამოვწერე – ხორცში და კვერცხში. არაფერს ვამბობ უხარისხო კარტოფილზე, პომიდორზე, საზამთროზე, სტაფილოზე, ხახვზე, ნიორზე... ხილზე, სო/მ/ხურ ყურძენზე....

ჰო–ჰო–ჰო სად წავიდა? თამბაქოზე ხომ საერთოდ...

მერედა ეს ხალხი რატომ არაფერს ამბობს სასურსათო დამოუკიდებლობაზე? იქნებ ამდენი ტერიტორიის დაბორვას ხახვის და ნიორის მოყვანა სჯობდეს?

არა, ეს არა, რადგან ამაში მაგათ წილს არავინ მისცემს, ამიტომ ჰესი სჯობია, სწრაფი ფულია მინისტრისთვის, ინჟინრისთვის, პროექტის დამწერ–გადამწერისთვის, პრეს და პიარ მენეჯერისთვის, დანარჩენი... დანარჩენი კი წყალსაც წაუღია ამ სიტყვის პირდაპირი მნიშვნელობით...

გახსოვს ალბათ ეკა ზღულაძის გახარებული სახე – რუსების ტანკებმა ორჭოსანისკენ გადაუხვიესო... ესენი რა სხვანაირები არიან? თბილისში, მათ ბინაში ხომ არ ჩამოწვება ზვავი, მათ ხომ არ დაუავადდებათ შვილები რავმატიზმებით...

მოკლედ, თუ ასე გაგრძელდა ქართველების აზროვნება, ჩვენი საშველი არ იქნება.

ოძელი

2013-10-26 16:22:27

ხიროხიტო-2,

როცა ადამიანი დაინტერესებულია და რაღაცას მოელის ძნელია რამე გააგებინო. არა, განა ვერ გაიგებს, უბრალოდ "არ გაიგებს". თვალწინ მწვანე დოლარები უდგას და იმის იქით ვეღარაფერს ამჩნევს. არც არაფერი არსებობს იმის იქით მისთვის, არც სამშობლო, არც სიწმინდე, არც წარსული და არც მომავალი.

მართალს ამბობს კ ა ხ ე ლ ი, ჩვენ სახელმწიფოს კი არა კორპორაციას ვქმნით, სადაც ყველაფერი იყიდება და ყველაზე წარმატებულ და პატივსაცემ ადამიანად ის ითვლება, ვინც სხვაზე მეტად იყოჩაღებს ამ ყიდვა-გაყიდვაში, მეტ სარგებელს ნახავს და მეტ სიმდიდრეს მოიხვეჭს.

ადრე პატივს ვცემდი კალაძეს, მაგრამ დღეს გაკვირვებას იწვევს მისი განცხადებები, "ჩვენ ამას არ დავუშვებთ", "სახელმწიფოს წინ ვერავინ დაუდგება", "თქვენ ქვეყანას ეწინააღმდეგებით"... ის საუბრის ტონით თანდათან ემსგავსება ბოკერიას. თავის ხალხთან ამ ენით მოსაუბრე ხელისუფლება დიდხანს ვერ გაძლებს.
ისინი ჯანდბას, მაგრამ, ეს მავნებლური პროექტი თუ დაიწყო, მერე მისი გაჩერება ძალიან გაჭირდება და ძალიან ძვირი დაუჯდება სახელმწიფოს.

იმის ახსნა, რატომ ცდილობენ ამ პროექტის განხორციელებას ასე გულმოდგინედ, როცა ამის არანაირი აუცილებლობა არ არის, მხოლოდ ერთი რამით შეიძლება. იცი ეს მიზეზი შენ.

ახსნა შეიძლება, გამართლება შეუძლებელია!!!

ოძელი

2013-10-26 16:57:27

mirian77,

აღარ ვაპირებდი რაიმეს დაწერას ჩემთვის მკითხველის შეცდომაში შეყვანა რომ არ დაგებრალებინათ.

მეგობარო, რატომ ამახინჯებთ ჩემს სიტყვებს? სად ვთქვი კაშხ|ლებს "ხრიოკ" ადგილებში აშენებენ მეთქი?
მე დავწერე, "შვეიცარიაში არსებული წყალსაცავების აბსოლუტური უმრავლესობა აშენებულია ისეთ ადგილებში, რომლებიც არათუ ადამიანის საცხოვრებლად, საძოვრებადაც არ გამოდგება(!!!) და მიუვალ ღრმა ხევებსა და კანიონებში მდებარეობს".

მე მგონი "ხრიოკი" სხვაა და "ღრმა ხევები და კანიონები" კიდევ სხვა. თუ, რა თქმა უნდა, ხრიოკ ადგილებში "ყინულოვანი უდაბნო" არ გაქვთ მხედველობაში.
ბავშვმაც კი იცის, რომ ხრიოკ ადგილს ტიჩინოში კი არა მთელ შვეიცარიაში ვერ იპოვი.
ნეტა საქართველოს ხრიოკ ადგილებში შეიძლებოდეს წკლის მიყვანა და იქ გინდ ხუთი ხუდონი აგვეშენებინა.

ოძელი

2013-10-26 16:59:11



სამწუხაროდ მომიწევს განმარტების გაკეთება.
შვეიცარიაში ყველა დიდი წყალსაცავი, ხაზს ვუსვამ, ყველა დიდი წყალსაცავი და სხვა წყალსაცავების უმეტესობა აშენებულია ზღვის დონიდან 1800-2000-2200 მ. სიმაღ|ლეზე და უფრო მაღლა, "ვიწრო ხევებსა და კანიონებში". ანუ იქ, სადაც ადამიანი არ სახლობს.

შედარებისთვის, ენგური ზღვის დონიდან 300 მ-ზეა(!!!) აშენებული. ხუდონის აშენება ოდნავ მაღლა იგეგმება.

თვალსაჩინოებისთვის, უშგული, რომელიც ევროპის უმაღ|ლეს დასახ|ლებულ პუნქტად ითვლება, მდებარეობს 2000-2200 მ-ზე და სულ რამდენიმე ოჯახი ცხოვრობს.

შვეიცარიის თემას აღარ განვავრცობ. ვფიქრობ, სრულიად ნათელია, რომ შვეიცარიაში საცხოვრებელ ადგილებს არავინ ტბორავს და ამ ქვეყნის მაგალითი მხოლოდ ხუდონის საწინააღმდეგო არგუმენტად თუ გამოდგება.

რაც შეეხება სხვა ქვეყნებს, კი, პორტუგალიაში ააშენეს მართლაც უზარმაზარი წყალსაცავი, ალბათ სხვაგანაც აშენებენ, მაგრამ მათ ამისთვის საკუთარი მიზეზები ექნებათ. ვთქვათ ის, რომ ისინი მართლა განიცდიან დეფიციტს. თუნდაც იაპონია, ფუკუშიმას დახურვის შემდეგ მწვავედ დადგებოდა ელ.ენერგიის უკმარისობის წინაშე.
ნებისმიერ შემთხვევაში ისინი თავიანთი საჭიროებისთვის აშენებენ ჰესებს და არა 90%-ის ექსპორტზე გასატანად.

მე მაინც ვფიქრობ, რომ, მიუხედავად მწვავე ენერგოდეფიციტისა სხვა ქვეყნებს რომ ქონდეთ სვანეთისთანა უნიკალური ადგილი, არა მგონია დასატბორად გაემეტებინათ.

მათ რაც უნდა ის უქნიათ, "ჩვენ ჩვენი ქეთო ვიტიროთ". არ არის მიმბაძველობა და ყველაფრის ავტომატურად გადმოღება საჭირო.

ჩვენ ბაგრატი გავარემონტეთ, მოგვბაძა ვინმემ???

mirian77

2013-10-27 07:40:32

შვეიცარიში კაშხალ კონტრას წყალსავი ზღვის დონიდან 470 მზეა განლაგებული

mirian77

2013-10-27 07:49:48

კანტონ ტიჩინოში რომლის ფართობი მესტიის რაიონზე პატარაა არის აგებული რამდენიმე მაღალი კაშხალი

ოძელი

2013-10-27 09:35:36

კონტრას წყალსაცავი ათჯერ მცირეა ენგურზე!!!

katerina

2013-10-28 07:34:17

ოძელი ჯერ ბრძანებდით რომ ასე დაბალ ნიშნულებზე ზღვის დონიდან ,როგორც კონტრაა შვეიცარიაში კაშხლებს არ აშენებენო???არა მარტო კონტრა სხვაც ბევრი ყოფილა-შეამოწმეთ!!!ისე წყალსაცავების ჯამური ფართობი შვეიცარიაში გაცილებით მეტია საქართველოში არსებულზე, ესეც შეგიძლია შეამოწმოთ. ნორვეგიაში რამდენი კაშხლიანი ჰესი ყოფილა??? და სულ ექსპორტისთვის აუშენებიათ ??? სულელები არიან??? თუ ერთ ქვეყანას განვითთრებულ დასავლეთ ევროპაში დამისახელებთ ვისაც თავისი ჰიდრორესურსი 90% ზე ნაკლები % ჰქონდეს ათვისებული? პორტუგალია და ესპანეთი,ავსტრია ეხლაც აშენებენ და მერე რამხელა წყალსაცავებით!!! სულელები არიან თუ მოღალატეები საკუთარი ქვეყნების??? არ მჯერა ისეც ,რომ იაპონელებს საკუთარი სამშობლო ჩვენზე ნაკლებად უყვართ იმიტომ რომ უამრავი ჰესია აქვთ და კიდე უამრავს აშენებენ?
მე სახელმწიფო ენეგოსისტემაში ვმუშაობ 2009 წელს დავამთავრე მაგისტრატურა ვარ ენერგეტიკოსი, მართალს არ ამბობთ როცა ამბობთ რომ საქართველოს დეფიციტი არა აქვს ეს ტყვილია,ხუდონის აშენებას მარტო 133 მილიონი კვტსთ ის არ უჭერ მხარს ძირითადად იმისათვის,რომ საშუალებას მისცემს ენგურურჰეეს და ვარდნილჰესს დღევანდელ წლიურ გამომუშავებაზე დამატებით 400 მილიომ კვტსთ ზე მეტი გამოიმუშავონ უიაფესი 1,18 თეთრიანი ენერგია...
ხო კიდე მზის და ქარის ენერგიაზე მინდა გითხრათ ენერგეტიკულის წინ პროფ გია არბიძის მეცადინეობითგაკეთებულ ლაბარატორიას თუ იცნობთ სადაც მზის ფოტოვოლტაიკიც დგას დაქარის პატარას სადგური -ეს სასწავლო ლაბარატორიაა და ყველა სტუდენტმა ამ სპეციალობის ეს კარგად ვიცით დაუამრავი დრო გვაქვს ამ სასწავლო ლაბორატორიაში გატარებული მინდა დავადასტურო ზემოთ თქმული სწორია
რომ სიძვირის გარდა( რასაც 7-10 წელში დარწმუნებული ვარ ეშველება, დღეს ძალან ძვირია, 36 თეთრი მზის!!! ) აშკარად,პრაქტიკულადაც და თეორიულადაც აქვს სისტემური რეჟიმული ,რაოდენობრივი შეზღუდვა.



katerina

2013-10-28 07:43:58

ისე მე ზემოთ გამომსვლებსაც მინდა არ დავეთანხმო არ შეიძლება ან ენერგეტიკოსებს ან გარემოს დამცველებს ან ეკონომისტებს ვისაც თავისი აზრი აქვს მოღალატე უწოდო. მთავარი აქ პროფესიონალური მსჯელობა იყოს.მე მგონია როდესაც ადამიანს პროფესიონალიზმი აკლია მხოლოდ ის გადადის ასეთ შეურაწყოფაზე.

რეგისტრაცია

დახურვა
სახელი:

პაროლი:

გაიმეორეთ პაროლი:


სარეკლამო ბანერი
1000 X 80