„ჰიდროელექტროსადგურების მშენებლობასთან დაკავშირებით გაურკვეველი კონტრაქტები აღარ დაიდება“
ეკონომიკა

„ჰიდროელექტროსადგურების მშენებლობასთან დაკავშირებით გაურკვეველი კონტრაქტები აღარ დაიდება“

„ჰიდროელექტროსადგურების მშენებლობასთან დაკავშირებით გაურკვეველი კონტრაქტები აღარ დაიდება“
მანანა ნოზაძე

2017-03-16 13:30:22

ევროპის ენერგეტიკულ გაერთიანებაში საქართველოს შესვლას ახალი ინვესტიციები და ენერგეტიკულ ბაზარზე ახალი მოთამაშეების გამოჩენა მოჰყვება. საქართველო ევროპის ენერგეტიკული გაერთიანების წევრობის რეალური კანდიდატია, რომელიც ერთიანი ენერგოსივრცის შექმნაზე მუშაობს.

ენერგეტიკის მინისტრი კახი კალაძე ამბობს, რომ საპარლამენტო რატიფიკაციის შემდეგ, როცა საქართველო ევროპის ენერგეტიკული გაერთიანების სრულუფლებიანი წევრი გახდება, ენერგეტიკული ბაზრის ეტაპობრივი ლიბერალიზაცია და კონკურენციის ახალი წესების დამკვიდრებაა მოსალოდნელი.

ხომ არ გართულდება რუსეთთან ურთიერთობა და რა დადებითი და უარყოფითი პროცესები მოჰყვება ევროპის ენერგეტიკულ გაერთიანებაში საქართველოს გაწევრიანებას?

ენერგეტიკის აკადემიის პრეზიდენტი რევაზ არველაძე For.ge-სთან საუბარში აცხადებს, რომ ევროპის ენერგეტიკულ გაერთიანებას მინუსები თითქმის არ გააჩნია. მინუსები, რომლებიც ჩვენთვის შეიძლება ყოფილიყო იმ ხელშეკრულებაში, რომელსაც ხელი მოაწერა საქართველოს მთავრობამ, უკვე გათვალისწინებულია. მაგალითად, როდესაც შენ გაქვს თავისუფალი საშუალება, რომ მილსადენში გაატარო გაზი, მაშინ ევროპის ენერგეტიკული გაერთიანების ქვეყნებს არ უნდა გადაახდევინო არაფერი. ჩვენ ასეთი მილსადენი გვაქვს ორი-რუსეთიდან რომ მიდის სომხეთში და აზერბაიჯანიდან რომ მიდის თურქეთში და შემდეგ ევროპაში უნდა წავიდეს. მართალია, ევროპული ენერგეტიკული გაერთიანების წევრებად დღეს არ ითვლებიან არც რუსეთი და არც თურქეთი, მაგრამ ხომ შეიძლება ისინი ამ გაერთიანების წევრებად მომავალში გადაიქცნენ?! გამოდის, რომ ჩვენ უსასყიდლოდ უნდა გავუტაროთ გაზი?! ამ ხელშეკრულებაში კი ეს ხარვეზი გათვალისწინებულია და ჩვენზე არ იმოქმედებს დირექტივის ეს ნაწილი.

„ევროპის ენერგეტიკულ გაერთიანებაში შესვლისას ჩვენ მოგვიწევს დირექტივების, ანუ კანონის ძალის მქონე დოკუმენტების შესრულება. ჩვენ ამ დირექტივების სინქრონიზაცია უნდა მოვახდინოთ, მათ შორის, გარემოზე ზემოქმედების, ენერგოეფექტურობის კუთხით. არის, ასევე, ენერგიის განახლებადი წყაროების ხელშემწყობი დირექტივაც. მთლიანობაში, დირექტივები 20-ზე მეტია, რომელიც საქართველომ 2017 წლის 31 დეკემბრიდან 2020 წლის 31 დეკემბრამდე უნდა შეასრულოს. რა თქმა უნდა, ეს ყველაფერი ინვესტიციების შემოსვლასაც ხელს შეუწყობს, რადგან, როცა ევროპის ენერგეტიკული ოჯახის წევრი ხდები, ინვესტორებს აღარ უჩნდებათ შიში, რომ მათი ინვესტიციები შეიძლება საფრთხის ქვეშ აღმოჩნდეს. გარდა ამისა, სატრანზიტო ფუნქციითაც დაიტვირთება საქართველო, რადგან ევროპაში უნდა გავიდეს გაზი, შახდენიზის მეორე ფაზა, რომელიც 2019 წელს ამოქმედდება“, - აღნიშნა რევაზ არველაძემ და განმარტა, რომ რუსეთთან საშიშროებას არ ელის, რადგან ეს ყველაფერი რუსეთის გვერდის ავლით ხდება. უბრალოდ, რუსეთს შეიძლება ეწყინოს, რომ საქართველოში კარგი პროცესები მიმდინარეობს.

ევროპის ენერგეტიკულ გაერთიანებაში საქართველოს გაწევრიანება მოასწავებს თუ არა საქართველოს სრულ ენერგოდამოუკიდებლობას, ამ საკითხს ენერგეტიკის აკადემიის პრეზიდენტი სკეპტიკურად უყურებს. მისი თქმით, სავარაუდოდ, ჩვენი ქვეყანა სრულად ენერგოდამოუკიდებელი ვერასდროს გახდება. მართალია, საქართველოს აქვს თავისი ჰიდროენერგეტიკული რესურსები, რომლის სწორად და დროულად ამოქმედებას შეუძლია, საქართველო ელექტროენერგეტიკულად წინ წასწიოს, მაგრამ ბუნებრივი გაზი არ გაგვაჩნია და სრულად შემოდის იმპორტით. ღმერთმა ქნას, თუ აღმოვაჩენთ და მოვიპოვებთ ნავთობპროდუქტებს - ბენზინს, დიზელს, მაშინ სხვა ამბავია. ამ ეტაპზე კი ეს რესურსები სრულად შემოგვაქვს იმპორტით.

აქედან გამომდინარე, ევროპულ ენერგეტიკულ გაერთიანებაში შესვლა ენერგოდამოუკიდებლობის თვალსაზრისით სერიოზულ გავლენას ვერ მოახდენს, მაგრამ, თუ საფრთხე დაემუქრება ისეთი ენერგიაშემცველების მოწოდებას საქართველოსთვის, როგორიცაა ბუნებრივი გაზი, ბენზინი, დიზელი და სხვა, მაშინ ევროპული გაერთიანებაც და აშშ-ც ამ მიმართულებით დახმარებას აღმოგვიჩენს. მით უმეტეს, რომ ევროკავშირსა და აშშ-ს შორის მჭიდრო ურთიერთობაა ენერგეტიკის საკითხებში.

თუ რომელი ქვეყნიდან ელის ინვესტიციებს ევროპის ენერგეტიკულ გაერთიანებაში საქართველოს შესვლის შემდეგ, ენერგეტიკოსი აცხადებს, რომ ინვესტიციებს ნებისმიერი ქვეყნიდან უნდა ველოდოთ.

„უცხოური კომპანიები უთუოდ დაინტერესდებიან იმით, რომ საქართველოში ჰქონდეთ ბიზნესი ენერგეტიკის სფეროში. ჩემი აზრით, ძირითადად მაინც ჰიდროელექტროსადგურების მიმათ გამოხატავენ ინტერესს, რომლის დიდი პოტენციალი გაგვაჩნია. შეიძლება ითქვას, რომ დაახლოებით 30 მილიარდი კილოვატსაათის დარჩენილი პოტენციალი აუთვისებელია. 30 მილიარდი კილოვატსაათი კი დაახლოებით 6 ათასი მეგავატია, ანუ სადღაც 10-12 მილიარდი დოლარის ინვესტიცია. ცხადია, გამოჩნდებიან დიდი ფულის მქონე ქვეყნები და კომპანიები. ასეთი ქვეყნების რიცხვს, პირველ რიგში, მიეკუთვნება ჩინეთი, ასევეა, ინდოეთიც. თქვენ იცით, რომ ინდურ კომპანიას აქვს აღებული ხუდონჰესი. ასევე, ინტერესდებიან სამხრეთ კორეული კომპანიები. ჯერ კიდევ გასული საუკუნის ბოლო ათწელეულში საქართველოს ამ სექტორის მიმართ დიდი დაინტერესება ჰქონდათ გერმანულ კომპანიებს. შეერთებული შტატების კომპანიები კი შემოსულნი იყვნენ ნავთობის ძებნა-ძიების მიმართულებით. ეს ისეთი სფეროა, რომ ნებისმიერი ძლიერი კომპანია შეიძლება დაინტერესდეს აქ შემოსვლით“.

„საქართველოს მწვანეთა მოძრაობა-დედამიწის მეგობრების“ თავმჯდომარე ნინო ჩხობაძე For.ge-სთან საუბარში აცხადებს, რომ ევროპის ენერგეტიკულ გაერთიანებაში შესვლა

მხოლოდ დადებითს მოუტანს საქართველოს, რადგან ჩვენ ან უნდა ვიყოთ მიბმულნი მარტო რუსეთთან, ან მარტო ევროპასთან. ცხადია, ბევრად უკეთესია, ევროპასთან ვიყოთ მიბმულნი. ნინო ჩხობაძის განმარტებით, მსოფლიოში დახურული ენერგეტიკული სივრცეები უკვე არ არსებობს, რადგან ყველა სივრცე ღია, გამჭვირვალეა და ერთმანეთთან ხდება ელექტროენერგიის გადადინება თუ ახალი მეთოდოლოგიის დანერგვა. ჩვენ კი მძიმე შედეგი მოგვიტანა რუსულმა მიდგომამ ენერგეტიკასთან დაკავშირებით. რუსული მიდგომის არსი ის იყო, რომ შეიძლებოდა ყველანაირი იგნორირება გაგვეკეთებინა გარემოსთვის, ოღონდ ენერგია მიგვეღო.

„ცხადია, ასეთი არასწორი მიდგომა ენერგეტიკულ გაერთიანებას არ აქვს. გარემო უნდა შენარჩუნდეს და ნაკლები ზიანი მივაყენოთ მას. დღემდე არ ვიცით, როგორია ჩვენი ენერგეტიკული ბალანსი. არ ვიცით, რამდენია შეშის წილი, ელექტროენერგიის, თუ გაზის წილი თითოეულ რეგიონთან მიმართებით. არც ის ვიცით, რამდენია მზის ენერგიის პოტენციალი. თუკი კანადას შეუძლია მზის ენერგია გამოიყენოს, რატომ არ შეიძლება ეს ენერგია საქართველომაც გამოიყენოს?! ენერგეტიკულ გაერთიანებას სულ სხვა მიდგომა აქვს წიღისეულის, ნავთობის, გაზის, წყლის რესურსების მოპოვებასთან დაკავშირებით. უარყოფითი ამაში არის ერთი, ალბათ, ბევრ ენერგეტიკოსს ეწყინება, მაგრამ, როგორც კი ჩვენ ენერგეტიკულ გაერთიანებაში შევალთ, ჰიდროელექტროსადგურების მშენებლობასთან დაკავშირებით გაურკვეველი კონტრაქტები აღარ იქნება. ევროკავშირი კატეგორიულად მოითხოვს, არ დაიდოს თითოეულ ჰესთან დაკავშირებით კონტრაქტები, არამედ უნდა შეიქმნას ერთიანი სისტემა კანონმდებლობაში და ვიცოდეთ, რა შეიძლება და რა არა“, - აცხადებს ნინო ჩხობაძე და შეკითხვის საპასუხოდ, რა ცვლილებებია მოსალოდნელი ხუდონთან დაკავშირებით, განმარტავს, რომ ყველა დიდი ჰესი, რაც კი უნდა აშენებულიყო საქართველოს ტერიტორიაზე არსებული წყლის მარაგის გათვალისწინებით, მთელი თავისი სიმძლავრეებით, წინა საუკუნის 70-იანი წლებში უკვე აშენდა.

ამდენად, რაც არ უნდა ვიძახოთ, რომ ავაშენებთ კიდევ ახალ ჰესებს, ეს ბლეფია, რადგან წყალი არ გვეყოფა და არ გვეყოფა რესურსი, რომელიც უნდა მივიღოთ ამ ჰესებიდან. საბოლოო ჯამში, ჩვენ შეგვრჩება ბეტონის ფილები, რადგან არ ვითვალისწინებთ იმ რეალიებს, რაც ახასიათებს საქართველოს. ზუსტად ამისგან უნდა დაგვიცვას ევროპის ენერგეტიკულ გაერთიანებაში საქართველოს წევრობამ. ამიერიდან ჩვენ ვეღარ დავდებთ ხელშეკრულებას გაურკვეველ საინვესტიციო ჯგუფთან, ობშორულ კომპანიებთან. ჩვენს ბაზარზე მხოლოდ ოფიციალურად, ღიად დარეგისტრირებული კომპანიები შემოვლენ, რაც გამჭვირვალეს გახდის ჩვენს მთელ ენერგეტიკულ ბაზარს.

„გამჭვირვალეობა შეიძლება ბევრმა უარყოფითად აღიქვას, რადგან ჩვენ მანამდე ძალიან ბევრ კერძო კონტრაქტში აღმოვაჩენდით ხოლმე ისეთ რაღაცებს, რაც არ უნდა ყოფილიყო“.

 

ნანახია - 671

natali

2017-03-16 15:08:46

თემას არ ეხება, მაგრამ უნდა დავწერო და მაპატიეთ! ამ თემაზე არაფერს წერთ და აბა რა ვქნა?:)))

მოქალაქეები, რომელთა შემოსავალი წელიწადში 40 000 ლარზე მეტია, საყოველთაო ჯანდაცვის პროგრამით გათვალისწინებულ სამედიცინო სერვისებს ვეღარ მიიღებენ. ამის შესახებ ჯანდაცვის მინისტრმა დავით სერგეენკომ განაცხადა.

----------------
ე.ი. ვიღაც ბაზრობაზე რომ დგას, არალეგალურად 40 000 კი არა, 80 000 რომ აქვს შემოსავალი, არაფერს არ იხდის, იმან უნდა ისარგებლოს და მე ვერა? იმისთვის ვიხადე გადასახადები? თუ რამე ზარალი ნახეს, მე უნდა ავუნაზღაურიო ბიუჯეტიდან და მე არაფრით არ უნდა ვისარგებლო?

ბატონო სერგეენკო! თქვენ მენეჯმენტი ვერ გასწიეთ, უსინდისო ექიმები ასარგებლეთ, (სხვათა შორის მე ამაზე თავიდანვე ვლაპარაკობდი), უპრაკუნოდ და უკონტროლოდ ხარჯეთ და მე დამსაჯეთ არა? დიიიდი მადლობა! აღარ მომწონხართ!!!!

ჩემნაირები ცოტანი ვართ არ გენაღვლებათ ჩვენი პროტესტი ხომ? მთელს მსოფლიოში იმას ცდილობენ, რომ ჩემნაირები გამრავლდნენ და ბევრნი იყვნენ ქვეყანაში, თქვენ კი.....

ხოდა იცით რა? თქვენს ჯინაზე აქამდე არ დამჭირვებია არც ექიმი და არც გადაუდებელი თუ გადადებული დახმარება. კაჟივით ჯანმრთელები ვართ მთელი ოჯახი. არც დამჭირდება. იცით რატომ? იმიტომ რომ უფალი დიდია!!!!!

natali

2017-03-16 15:09:59

თქვენთვის დამითმია ჩვენი უვიცი ექიმების დახმარება!

ვოტ ტაკ!!!!!!

Munji

2017-03-16 17:02:55

ნატალი... ასე გააგრძელე! მაგათ ჯინაზე არ გახდე ავად! გიყაროს მერე სერგეენკომ კაკალი!!!

arichopra 2

2017-03-16 19:15:03

მაგას ჯობდა წერილის შეთხზვას შედგომოდი...!

natali

2017-03-17 11:13:27

რა წერილის? აბუჩად რომ გვიგდებს სტრასბურგი,ის? რომ ქონება დაუბრუნდეს ხალვაშს? რატომ მივწერო? იმან მისწეროს, ვისაც რამე გააჩნია და ეშინია მერე მის ქონებასაც არ დაემუქროს საშიშროება. მე არაფერი გამაჩნია ამ ქვეყანაზე. მე ვერ ვგრძნობ, რომ ეს ქვეყანა ჩემიცაა. აქ ბევრჯერ გვქონია კამათი, ჯარი სავალდებულო უნდა იყოს თუ არა.

ერთ ნაწყვეტს გადმოვაკოპირებ ჟორდანიას წიგნიდან "დემოკრატია"--

დემოკრატიის ძირითადი პოლიტიკური პრინციპია თავისუფლება, მოქალაქეობრივი და პოლიტიკური. მაგრამ თავისუფლების ტენდენციაა შექმნას მოქალაქეთა ნივთიერი უთანასწორობა, გააბატონოს ეკონომიურათ ერთი მეორეზე, ღარიბი გააღარიბოს, მდიდარი გაამდიდროს. ასეთ პირობაში ხალხი აღარ არის დაინტერესებული დემოკრატიის შენახვასა და დაცვაში და მისი სუვერენობა ეცემა. თავისუფლება სპობს დემოკრატიას. ცხადია, დემოკრატიის მიუცილებელი საფუძველია არა ყოველნაირი თავისუფლება, არამედ თავისუფლება განსაზღვრული, რომლის ასპარეზი იფარგლება მოქალაქის და საზოგადოების ინტერესებით. ეს საზღვარია მოქალაქეთა ეკონომიური თანასწორობა, პიროვნების ნივთიერი დამოუკიდებლობა, რომლის ჩარჩოში ადამიანი თავისუფლათ მოქმედებს. დემოკრატიის პრინციპია თავისუფლება და თანასწორობა. აქედან მძიმე პრობლემა: ამ ორი პრინციპის შეთავსება პოლიტიკაში ისე, რომ მათ ერთიმეორე არ მოსპონ და მით დემოკრატია არ დაანგრიონ. თუ თავისუფლების ტენდენციაა თანასწორობის დანგრევა, თავის მხრით თანასწორობის ტენდენციაა თავისუფლების მოსპობა ან მისი მინიმუმამდე დაყვანა და მთელის, საზოგადოების და მისი მართველობის, მოქალაქეზე გაბატონება. დემოკრატიის ძირითადი პრინციპი ილახება, დემოკრატია ეცემა. კერძო და საზოგადო ინტერესების შეთანხმება, მაშასადამე, არის საგანი ყველა დემოკრატიული უფლებრივი ნორმის. ეს ასე ესმოდათ ძველათ დემოკრატიის ყველა კანონმდებელთ და მის საფუძველზე აშენებდნენ ხალხურ წყობილებას.

natali

2017-03-17 11:25:41

პრიმიტიული დემოკრატია, როგორც უკლასო, შინაგან სოციალურ ბრძოლას მოკლებული, ამ პრობლემას სჭრიდა თავისთავათ, ბუნებრივათ. ჩვენამდე მოაღწია მხოლოდ ერთმა წერილობითმა საბუთმა ასეთი დემოკრატიისა, საიდანაც ნათლად სჩანს მისი სოციალური აგებულება. ეს საბუთია დაბადება, მოსეს ხუთი წიგნი, რომელშიაც თავმოყრილია ე/ბ/რ/აელთა დემოკრატიის ძირითადი კანონები. ამ საზოგადოებაში ბატონობდა მაღლა ღმერთი, დაბლა ხალხი, თემებათ დაყოფილი. თემი ირჩევს თავის მეთაურთ, საკითხები წყდება თემის ყრილობაზე. სიმდიდრის მთავარი წყარო მიწა დაყოფილია თემთა შორის, თემში ოჯახთა შორის. ეს თანასწორ ადამიანთა პირველი სახელმწიფო წყობილება აგებულია შესაფერ სოციალურ კანონმდებლობაზე. ათი მცნება უკრძალავს ე/ბ/რ/ა/ელს „ისურვოს ცოლი მოყვასისა მისისა, სახლი მოყვასისა მისისა, ნუცა მიწისა მისისა, ნუცა ხარისა მისისა, ნუცა ვირისა მისისა, ნუცა ქონებისა მისისა“. ღმერთი ეუნრბა მოსეს: „მიწის სამუდამოთ გაყიდვა არ შეიძლება, რამეთუ მიწა ჩემია, თქვენ კი მოსულნი და დაბინავებულნი ხართ ჩემსას. თუ ძმა შენი გაღარიბდა და გაყიდა თავისი მიწა, მივიდეს მისი უახლოესი ნათესავი და გამოიყიდოს იგი. და თუ ასეთი ნათესავი არ აღმოჩნდა, იუბილეის წელს მიწა მუქთათ დაუბრუნდეს გამყიდველს“. ხოლო ასეთი ყველას გამათანასწორებელი იუბილეი იმართებოდა 50 წელში ერთხელ. ამ კანონს ექვემდებარებოდა სოფლის შენობებიც. აკრძალული იყო ე/ბ/რ//აელის დამონება ან დაყმობა და თუ ვალის გასასტუმრებლათ ასეთ ზომას მიმართავდა, პატრონი ვალდებული იყო მეშვიდე წელს მას ან ყმათ შესული უსასყიდლოდ გაენთავისუფლებია და თან მისი ნამუშევრის ერთი ნაწილი გაეტანებია.



natali

2017-03-17 11:28:46

ამავე სოციალურ გეზს მისდევდა კლასიკური დემოკრატია. მონტესკიო სწერს:

„ძველ რესპუბლიკათა დაამარსებელნი თანასწორათ ყოფდნენ მიწას. ამით ხალხი ძლიერდებოდა და მით კარგათ მოწესრიგებული საზოგადოება დგებოდა. ეს ქმნიდა ძლიერ მ ხ ე დ რ ო ბ ა ს ა ც,!!!!!!!!!!!!!!!! ვინაიდან თვითეულ მოქალაქეს ქონდა თანასწორი ინტერესი და დიდი ინტერესიც დაეცვა სამშობლო“. ------------- (გაიგეთ?)


როგორც კი ასეთ საზოგადოებაში მიწის მობილიზაცია გაძლიერდებოდა და უმამულო ხალხი მრავლდებოდა, დემოკრატიის გადასარჩენათ ხდებოდა მიწის რეფორმები, დარღვეული მიწათმფლობელობის წონასწორობის აღდგენა (სოლონი, ლიკურგი და სხვ).

ამნაირათ, დემოკრატიის პოლიტიკური პრინციპია თავისუფლება, სოციალური პრინციპია - თანასწორობა; ამათ შორის გამართულია მუდმივი შუღლი და ბრძოლა. დემოკრატიაში რაც უფრო მეტი გავლენა აქვს შეძლებულთ, მითუ ფრო მეტია თავისუფლება და ნაკლები თანასწორობა; და პირიქით, რაც მეტი გავლენა აქვთ ღარიბ ხალხს, მითუ უფრო მეტია თანასწორობა და ნაკლები თავისუფლება. პირველი მდგომარეობა ქმნის გარდამავალ საფეხურს ოლიგარქიისაკენ, მონარქიისაკენ და სხვ., მეორე კი ტირანიისაკენ: ყველა ტირანი ხალხისაგან გამოვიდა, დემაგოგიით გაბატონდა. ორივე ამ მდგომარეობას გზას უჭრის თავისუფლების და თანასწორობის შეხამებულათ შეტვისება და მკვიდრი პოლიტიკური წესებით დამაგრება. ამ წესების შემუშავება და შენახვა შეუძლია მხოლოდ დემოკრატიას. ე.ი. დემოკრატიის არსებობა მათი არსებობის წინასწარი პირობაა. ჯერ დემოკრატია, შემდეგ თავისუფლება და ტანასწორობა. მაშასადამე, დემოკრატიის დამახასიათებელი ატრიბუტი ეს ორი დებულება არ არის.

natali

2017-03-17 11:30:30

და მართლაც, თავისუფლება შეიძლება იყოს დემოკრატიის გარეშეც. ლიბერალების რეჟიმი თავისუფლების რეჟიმია. ასევეა თანასწორობა. დესპოტიაში ყველა თანასწორია უუფლებობით; საბჭოთა ქვეყანაში მთელი ხალხი ყოველ მხრივ გათანაბრებულია სიღატაკეში და მორჩილებაში. ცხადია მხოლოდ თვით დემოკრატიის მიერ დამყარებული თავისუფლება და თანასწორობა შეიძლება იყოს ხალხური, დიდი უმრავლესობის ინტერესების და აზრების გამომხატველი. ხოლო დემოკრატია არსებობს იქ, სადაც თვითეული მოქალაქე არის ერთ და იმავე დროს სუვერენი და ქვეშევრდომი, ბრძანებელი და ბრძანების ამსრულებელი.ის, როგორც სუვერენი, კანონმდებელია, აღმასრულებელია, მოსამართლეა; როგორც ქვეშევრდომი - კანონის მორჩილია, განჩინების და სასჯელის მიმღებია. სადაც ასეთი წყობილება არსებობს, იქ თავისუფლების და თანასწორობის საკითხი ღებულობს ხალხურ ხასიათს. აქ თავისუფლება არ ნიშნავს მოქალაქის უფლებას  - აკეთოს რაც მოეპრიანება. არც თანასწორობა ნიშნავს მოქალაქის ქონებრივი უფლების აყრას და ძალით, მექანიკურათ მათ გათანაბრებას. ეს იქნებოდა არა დემოკრატიზმი, არამედ ბოლშევიზმი. ანტიდემოკრატიულ ქვეყანაში თავისუფლების შეკვეცა წარმოებს მუდამ ხალხის საწინააღმდეგოთ, დემოკრატიაში კი - ხალხის სასარგებლოთ. დემოკრატიული ათინის კანონმდებლობით აკრძალული იყო თავსდასხმა ორ უზენაესობაზე: მაღლა ღმერთზე და დაბლა დემოკრატიულ წყობილებაზე.

მოქალაქის თავისუფლების შეზღუდვა ეკონომიურ და პოლიტიკურ სფეროში ხალხის სუვერენობის გადასარჩენათ და უზრუნველსაყოფათ დემოკრატიის არსებითი პოლიტიკაა. დემოკრატიის მიუცილებელი ატრიბუტი თავისუფლებაა, მარა არა იმდენი რომ მან შესჭამოს მშობელი დედა.

რეგისტრაცია

დახურვა
სახელი:

პაროლი:

გაიმეორეთ პაროლი:


სარეკლამო ბანერი
1000 X 80