რა შანსი ექნება თბილისის მერის არჩევნებში ზაალ უდუმაშვილს?
დაიჯესტი

რა შანსი ექნება თბილისის მერის არჩევნებში ზაალ უდუმაშვილს?

რა შანსი ექნება თბილისის მერის არჩევნებში ზაალ უდუმაშვილს?
"რეზონანსი"

2017-06-08 12:14:06

"კიევიდან დაბრუნების შემდეგ, თბილისის საერთაშორისო აეროპორტში "რუსთავი 2"-ის გენერალური დირექტორის მოადგილე ზაალ უდუმაშვილმა დაადასტურა, რომ "ნაციონალური მოძრაობისგან" შეთავაზება მიიღო, რათა თბილისის მერის არჩევნებში კენჭი იყაროს. "მე, სამწუხაროდ, ბევრს ვერაფერს გეტყვით, ვადასტურებ, რომ მაქვს შეთავაზება, კანდიდატურა დავაყენო თბილისის მერის პოსტზე და არჩევნებში მონაწილეობა მივიღო. თუმცა, ოფიციალურ განცხადებას უახლოეს დღეებში გამოვაცხადებ. უკრაინაში პარტიის ლიდერებთან შეხვედრა მქონდა, მათ შორის - მიხეილ სააკაშვილთან. ეს შეთავაზება არის "ნაციონალური მოძრაობისგან". გადაწყვეტილება ჯერ არ მიმიღია, ვიყრი თუ არა კენჭს თბილისის მერად, ვიქნები "ნაციონალური მოძრაობის" თუ დამოუკიდებელი კანდიდატი", - განაცხადა ზაალ უდუმაშვილმა. როგორ ფიქრობთ, ექნება თუ არა გამარჯვების შანსი თბილისის მერის არჩევნებში "ნაციონალური მოძრაობის" შესაძლო კანდიდატ ზაალ უდუმაშვილს? - ამ კითხვით "რეზონანსმა" საზოგადოების წარმომადგენლებს მიმართა", - წერს გაზეთი "რეზონანსი" ტრადიციულ რუბრიკაში მოსაზრებები.

"გადაცემები მშვენივრად მიჰყავს. თუ ეს შესთავაზეს და დათანხმდა, მისი არჩევანია. მისთვის რამდენად მნიშვნელოვანი და სარგებლის მომტანია, თავად გადაწყვეტს. თუ გადაწყვეტს, რომ ამ საქმეში წარმატების მიღწევის უნარი შესწევს, როგორც თავის საქმეში შეძლო, ალბათ დათანხმდება. მე მაგალითად, მთელი ცხოვრებაა ჩემი პროფესიით ვმუშაობ. თუ რამე ისეთი შემომთავაზეს, რითაც სარგებელს ვერ მოვიტან, რა თქმა უნდა, არ დავთანხმდები. მისი გადასაწყვეტია. უნდა იმუშაოს, რომ მივხვდეთ, რამდენად შეძლებს. ვიღაცაზე ხშირად ვამბობთ, რომ ძალიან მაგარი იქნება, მაგრამ პირიქით ხდება. ამიტომ, პასუხის წინასწარ გაცემა ძალიან რთულია", - აცხადებს გამოცემის კორესპონდენტთან საუბრისას რეჟისორი გოგი თორაძე.

"ქალაქის, ჟურნალისტიკისა და საერთოდ დედაქალაქის პრობლემატიკის ტოტალური პროფანაცია მიმდინარეობს. ჟურნალისტმა მიხედოს ჟურნალისტიკას, ურბანისტმა - ქალაქს. პოლიტიკოსი რომ იყოს, კიდევ გასაგებია, გვერდში ამოიყენებს ურბანისტებს, არქიტექტორებს, ეკონომისტებს, მშენებლებს და ა.შ. გადაცემის დაწყების პირველივე წამებიდან ისტერიკული ტონი შემოაქვს. ეს კი, დავალებაა, მაგრამ ხომ შემოაქვს. ეს ისტერიკა ქალაქის სივრცეში რომ შემოიტანოს, ხომ დავიღუპებით, ეს ისე, ნახევრად ხუმრობით. არავითარ შემთხვევაში! ამის დაშვება როგორ შეიძლება", - თვლის არქიტექტორ-ურბანისტი ლადო ვარდოსანიძე.

"უკეთესი იქნებოდა, "ნაციონალურ მოძრაობას" სხვა კანდიდატურა შეერჩია, რადგან, არა მგონია, უდუმაშვილს გამარჯვების პერსპექტივა ჰქონდეს. წესით, ამ პოზიციას არ უნდა დათანხმდეს", - ამბობს პოეტი მიხეილ ღანიშაშვილი.

"ჩემი აზრით, ზოგადად, "ნაციონალური მოძრაობიდან" და "ოცნებიდან" რომელი კანდიდატურაც არ უნდა იყოს წარდგენილი ქალაქ თბილისის მერობაზე, მორალური უფლება არ ექნება, მათ მიერ ჩადენილი დანაშაულების გამო. აქედან გამომდინარე, ნაკლებად აქვს მნიშვნელობა იმას, თუ ვინ იქნება წარდგენილი. იმედია, საზოგადოება პოლიტიკური სკლეროზით დაავადებული არ იქნება და კარგად გაიხსენებს, თუ რას წარმოადგენს "ნაციონალური მოძრაობა" და "ქართული ოცნება" და რას სჩადიოდნენ მმართველობის დროს", - მიიჩნევს "დემოკრატიის ინსტიტუტის" ხელმძღვანელი ლაშა ჩხარტიშვილი.

"მას ამასთან დაკავშირებით ჯერ კიდევ არ აქვს პოზიცია ჩამოყალიბებული. მესმის მისი, რადგან ცნობილი და წარმატებული ჟურნალისტია. ამ ეტაპზე ვაცადოთ ზაალს, აირჩევს თუ არა პოლიტიკურ კარიერას", - დასძენს მუსიკოსი გია ბაღაშვილი.

ნანახია - 1378

vsevolod

2017-06-08 22:35:55

რეზონანსი ხომ მთლად ნაციონალური გაზეთი გახდა.უდუმაშვილი ვინ ფეხებია,რომ ამხელა გამოკითხვა ჩაატარა და თანაც,როგორ სერიოულად მსჯელობენ, ეტყობა მაგრად ........ გაქვთ

armagedevani

2017-06-09 14:59:55

უდუმაშვილს - ალბათ 0.1 %.

anti

2017-06-10 08:56:17

ზოოინჟინერი ყოფილა კაცო! ქალაქში მომრავლებულ ცხოველებს დაშლის, ააწყობს, დაშლის, ააწყობს. ვაი მაგის პატრონს! (ანუ მიხუილას)

qarTveli

2017-06-15 15:08:44

ელისაშვილია ღირსეული კანდიდატი და თბილისზე შეყვარებული კაცი

რეგისტრაცია

დახურვა
სახელი:

პაროლი:

გაიმეორეთ პაროლი:


სარეკლამო ბანერი
1000 X 80