პირველი სამთავრობო შეტევა ბანკებზე

გაუფრთხილდი თავს

ნარკოტიკი კლავს!

გაუფრთხილდი სხვას

ეკონომიკა

პირველი სამთავრობო შეტევა ბანკებზე

პირველი სამთავრობო შეტევა ბანკებზე
ბექა დანელია

2018-04-13 18:00:04

ფინანსთა მინისტრმა მამუკა ბახტაძემ პირდაპირ დაადანაშაულა საბანკო სისტემა ეკონომიკის დამუხრუჭებაში. მანვე ახალი ინიციატივა დააანონსა. მთავრობა ბიზნესს ძვირადღირებული საბანკო პროდუქტის ალტერნატივას სთავაზობს.

„მაღალპროცენტიანი სესხები საბანკო სისტემაში აფერხებს მეწარმეობისა და ბიზნესის განვითარებას. საქართველოს საბანკო სისტემა უნდა იყოს არა ეკონომიკის განვითარების მუხრუჭი, არამედ მისი მამოძრავებელი ძალა, თუმცა, სამწუხაროდ, ქვეყანაში მივიღეთ რეალობა, სადაც ბანკები არ ასრულებენ ამ მამოძრავებელი ძალის ფუნქციას“, - განაცხადა მამუკა ბახტაძემ.

მინისტრს მიაჩნია, რომ საპროცენტო განაკვეთები ბიზნესის დაწყების შანსს არ იძლევა.

„დღეს ჩვენი ბიუჯეტი ფორმირდება, დაახლოებით, 300 კომპანიის მიერ, რაც ძალიან ცუდი ტენდენციაა. ეს ნიშნავს, რომ ეკონომიკაში გვაქვს სექტორები, სადაც მონოპოლიზაციის ძალიან მაღალი რისკია. ამავე დროს, ვხედავთ, რომ ის საპროცენტო განაკვეთები, რაც საფინანსო სექტორშია, ფაქტობრივად, ბიზნესის დაწყების შანსს არ იძლევა. საბანკო სისტემა არ უნდა იყოს ეკონომიკის განვითარების მუხრუჭი, არამედ - მისი მამოძრავებელი ძალა. ამ გარემოებებიდან გამომდინარე, მივიღეთ გადაწყვეტილება, რომ დავიწყოთ ყველაზე მასშტაბური რეფორმა ეკონომიკაში, რაც კი ოდესმე განხორციელებულა. მას ეწოდება „სასტარტო კაპიტალით უზრუნველყოფის რეფორმა“, რაც გულისხმობს ახალგაზრდა სტარტაპერებისთვის ნულოვანი განაკვეთის სასტარტო კაპიტალის მიწოდებას“, - განაცხადა ბახტაძემ.

ბიზნესომბუდსმენი ირაკლი ლექვინაძე ფინანსთა მინისტრის პოზიციას დადებითად აფასებს. იგი ერთ-ერთი პირველი გამოეხმაურა სასტარტო კაპიტალით უზრუნველყოფის სამთავრობო რეფორმას და აღნიშნა, რომ ერთ-ერთი სერიოზული პრობლემა, რომელიც დღესდღებით ბიზნესს აქვს, იაფ ფინანსურ რესურსზე წვდომაა.

„ერთ-ერთი პრობლემური საკითხი, რომელიც ფიქსირდება და ბიზნესთან შეხვედრებიც აჩვენებს, არის იაფ ფინანსურ რესურსზე წვდომა, ანუ უფრო მეტი შესაძლებლობა იმისთვის, რომ კომპანიებს პროექტების დაწყებისას გააჩნდეს ხელმისაწვდომი რესურსი. ეს განსაკუთრებით მნიშვნელოვანია მცირე და საშუალო ბიზნესისთვის.

ვფიქრობ, ახალი ინიციატივა ბიზნესს და ზოგადად, საბანკო სექტორსაც პოზიტიურად შეეხება. ეს მხოლოდ და მხოლოდ გაზრდის მთლიანი შიდა პროდუქტის ზრდის შესაძლებლობებს. ის მექანიზმი, რომელიც ჩადებულია ამ პროექტის განხორციელებაში ძალიან მნიშვნელოვანია“, - განაცხადა ლექვინაძემ.

ბიზნესომბუდსმენი ვარაუდობს, რომ ამ საკითხთან დაკავშირებულ დეტალებზე ფინანსთა მინისტრის მხრიდან ბიზნესთან კომუნიკაცია იქნება. სავარაუდოდ, ახალი პროექტი საპარტნიორო ფონდის მეშვეობით განხორციელდება.

საბანკო სექტორის მიმართულებით რომ ცვლილებებია გასატარებელი, ამას პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულიაც ადასტურებს, მაგრამ ეს ბანკების ჩართვით უნდა მოხდეს.

„საბანკო სექტორი საკმაოდ კარგად არის განვითარებული, მაგრამ არსებობს ერთი მარტივი ფორმულა - ბანკი ბიზნესის კონკურენტი არ უნდა იყოს. ამიტომ, ნებისმიერი მოცემულობა, რომელიც ამ ეჭვსაც კი აჩენს, უკვე ხელის შემშლელია განვითარებისთვის.

არ ვიცი, რას გულისხმობდა ბატონი ბახტაძე, მაგრამ ჩემი ხედვა ასეთია. იმასთან დაკავშირებით, რომ ბანკების მოგების ხვედრითი წილი, როდესაც ძალიან იზრდება (ჯარიმების და მხოლოდ იმ ნაწილიბში, რომელშიც ინვესტიციები არ არის დომინანტი), უკვე ცუდი ინდიკატორია. თუკი ბანკები არ დაუბრუნდებიან თავის რეალურ ფუნქციას, მაშინ ყველანი ერთად დიდი პრობლემის წინაშე დავდგებით“, - განაცხადა კაკულიამ.

ფინანსთა მინისტრის მკვეთრ განცხადებას აფასებენ ეკონომისტებიც. მიხეილ დუნდუა მიიჩნევს, რომ ბახტაძის მხრიდან სწორი აქცენტები გაკეთდა.

„საბანკო სექტორი უნდა იყოს ეკონომიკური განვითარების სამსახურში და არ უნდა ამუხრუჭებდეს მას. რა თქმა უნდა, ეს ასეა და ასეც უნდა იყოს. სამწუხაროდ, საქართველოს კომერციული ბანკები და საქართველოს საბანკო სისტემა მომგებიანობით არის პირველ ადგილზე ევრაზიის კონტინენტზე და ამავე დროს, მიზერულად არის განვითარებული კერძო ბიზნესი, რომელმაც უნდა განავითაროს ეკონომიკა.

ჭარბვალიანობის ზრდაზე ორიენტირებული სისტემა უნდა შეიცვალოს და ეკონომიკურ ზრდაზე ორიენტირებულ სისტემად ჩამოყალიბდეს, უნდა შეიქმნას პროცესი, როცა დანაზოგები გარდაიქმნება არა ჭარბვალიანობად, არამედ კრედიტად ბიზნესის განვითარების სამსახურში.

სწორედ ამიტომ მამუკა ბახტაძის ინიციატივა სასტარტო კაპიტალთან დაკავშირებით არის ძალიან დროული, სწორი და ხელს შეუწყობს იმას, რომ გაიზრდება მცირე და საშუალო მეწარმეობის დაკრედიტება საბანკო სექტორის მხრიდან. ეს არის დარგის გაჯანსაღების მცდელობა და რა თქმა უნდა, სახელმწიფოს მხარდაჭერა“, - განაცხადა დუნდუამ.

ბახტაძეს მოწინააღმდგეებიც გამოუჩნდნენ. არასამთავრობო ორგანიზაცია „საზოგადოება და ბანკების“ ხელძღვანელი გიორგი კეპულაძე მიიჩნევს, რომ ფინანსთა მინისტრის საბანკო სექტორის შესახებ გაკეთებული განცხადება გარკვეულწილად პოპულისტურია. პოლიტიკოსების მხრიდან წინასაარჩევნო პერიოდში ბანკებისა და ბიზნესის კრიტიკა ერთგვარი მოდაა, ხოლო შემდეგ უკვე მთავრობა და ბიზნესი შეხმატკბილებულები არიან. მისი თქმით, ბანკებზე იერიში უკვე მიიტანა ექსპრეზიდენტმა მიხეილ სააკაშვილმა, ახლა კი ამას „ქართული ოცნების“ ერთ-ერთი მაღალჩინოსანი აკეთებს.

„როგორც ჩანს, ეს არის ამომრჩევლის გულის მოსაგებადაც გაკეთებული განცხადებები. თუმცა, კვამლი უცეცხლოდ არ ჩნდება. ალბათ, გარკვეული საფუძველი ამ განცხადებებსაც აქვთ, თუმცა ბიზნესის კრიტიკა პოლიტიკოსების მხრიდან ხშირად მოდაშია წინასაარჩევნოდ. არჩევნების შემდეგ ვხედავთ, შეხმატკბილებულად მომუშავე ბიზნესს და მთავრობას. მაგრამ, არჩევნების წინ პოპულიზმს გარკვეული ასპარეზი აქვს“, - განაცხადა კეპულაძემ.

საბანკო ასოციაციის ვიცე-პრეზიდენტი გიორგი ცუცქირიძე მინისტრის განცხადებას ნაწილობრივ ეთანხმება. საბანკო სექტორი ბიზნესს მარტივად უნდა აკრედიტერბდეს.

„რაც შეეხება ფინანსთა მინისტრის განხადებას, რა თქმა უნდა, სურვილი იმისა, რომ ბანკებმა უფრო მარტივად დაიწყონ ბიზნესის დაკრედიტება ეს ძალიან კარგია, თუმცა როდესაც საბანკო სექტორის მიერ ბიზნესის დაკრედიტება ხდება არსებობს ფაქტორები, რომელიც ამას ხელს უშლის.

რეფორმა, რომელსაც მთავრობა იწყებს და რომელიც მცირე და საშუალო ბიზნესის მხარდასაჭერად საგადასახადო რეჟიმის შემდგომ ლიბერალიზაციასთანაა დაკავშირებული, ძალიან კარგია. რაც შეეხება იმას, რომ ბანკებში საპროცენო განაკვეთი მაღალია ამისათვის გარკვეული ობიექტური ფაქტორები არსებობს.

2013 წელთან შედარებით დღეს ბიზნეს სესხებზე საპროცენტო განაკვეთი დაახლოებით 5%-ითაა შემცირებული. საგარეო შოკების ზეგავლენა, რომელიც 2015-16 წლებში ჩვენ ეკონომიკაზე იყო, ბუნებრივია, საპროცენტო განაკვეთების ზრდაზეც აისახა“, - განაცხადა ცუცქირიძემ.

ნანახია - 766

natali

2018-04-13 18:19:42

გადმოვაკოპირებ პოსტს, რომელიც იქით დავდე, მაგრამ აქ უფრო უხდება:))))))))


უფ, ეს რა მაგარი მინისტრია, რა მაგარი რამე თქვაო.:))აღმოაჩინა ამანაც ამერიკა! სულ მაგას ვლაპარაკობ, მაგრამ მინისტრად არავის დაუნიშნივარ, კი ვზივარ აგერ ჩემთვის კუხნაში:)))) ამას თურმე ახლა გაუგია :)))

რა გააკათა სადაც მუშაობდა, ის მითხარით. ბათუმის მატარებელზე ადგილის არჩევის საშუალება არ გაქვს, შანსი არაა 2 ბილეთი იყიდო და ერთმანეთის გვერდით მოხვდეს. სულ გაცვლა-გამოცვლაშია ხალხი. ეს ელემენტარული ვერ გააკეთა წლების განმავლობაში. ასეთ კაცს დავაწინაურებდი კი არა....



მეგრელი

2018-04-13 19:39:44

მერამდენედ ვპოსტავ .

განვითარების ბანკია აუცილებელი. კომერციული ბანკები ეწევიან კომერციას. მათ არ აინტერესებთ სტრატეგიული პროექტები.

arichopra 2

2018-04-13 21:00:10

ნატალი, დარწმუნებული ვარ ეს ამბავი ამ კაცის ყურამდე არ მისულა! რატომ არ მისულა იცი? იმიტომ რომ FOრ.GE-ს არ კითხულობს. თითონ მას და მის ნათესავებს მასეთი პრობლემა არ დაუდგებოდათ, გასაგები მიზეზების გამო!

arichopra 2

2018-04-13 21:33:21

ძალიან მაღიზიანებენ ე.წ. პირველი არხის ჭურნალისტები ჟიჟილაშAვილი, ჩხაიძე, სანაია, გრიგოლია! მაქვს პროგნოზი, ისინი ძალიან ცუდად დაამთავრებენ!

arichopra 2

2018-04-13 21:34:25

ხომ არ გაგიგიათ რამე, როგორ არიან ტერეზა მეი და ირინა სარიშვილი?!

arichopra 2

2018-04-13 22:32:15

ეტყობა ეს ახალგაზრდა კაცი სწორად აზროვნებს!

antoni

2018-04-14 07:18:38

ბანკებს რომ შეუტია ეს კარგია, მაგრამ მეორე დღეს იმავე ბანკებს კუდის ქიცინი და ლაქუცი რომ დაუწყო, ეს ცუდია.
დამწყები ბიზნესის დაფინანსება სარისკო რომაა გასაგებია,/მითუმეტეს გირაოს გარეშე/ მაგრამ რაღაც მექანიზმები ხომაა სხვა ქვეყნებში? დამცავი მექანიზმის გარეშე დამწყებ ბიზნესს ბიუჯეტიდან -ხალხის ფულით, წილობრივ თანადგომას რომ ჰპირდება ეს მთავრობა, სწორია? როგორც ამბობენ იქ რისკი 50/50-ზეა. ბიზნესის ზარალი მე და ჩემისთანებმა რატომ უნდა ვზღოთ?
იაპონიაში იქაურ მოქალაქეებს ბანკები სესხს წლიურ 1,7%-ად აძლევენ, ჩვენთან 15-20-%-ია, რატომ?

macro

2018-04-14 09:09:24

თუ თქვენი საქონელი იყიდება 100 ლარად, რატომ უნდა გაყიდოთ ის 50 ლარად?
თუ ბანკებს ჰყავთ კლიენტები, რომლებიც მზად არიან აიღონ კრედიტი 20%-ად, რატომ გასცემს ბანკი 25-ად? ან ვის რა უფლება აქვს ეს მოთხოვოს?
მთავარი კითხვაა რატომ არის ასეთი ძვირი ფული საქართველოში. იმიტომ, რომ ფულადი მასა შეკუმშულია. ასე რომ არ იყოს, ასეთი სტრუქტურის და ასეთი სუსტი ეკონომიკის მქონე ქვეყანა ვერ შეინარჩუნებდა სტაბილურ სავალუტო კურსს.
ეკონომიკის არსებული სტრუქტურა კი არის იმ პოლიტიკის დამსახურება, რომელსაც უკანასკნელი ათწლეულები ატარებდა საქართველოს ყველა მთავრობა და რომელსაც უდიდესი ენთუზიაზმით აგრძელებს კვირიკაშვილის მთავრობა.
ასე რომ ბანკები აქ არაფერ შუაშია.
საერთოდ ფინანსთა მინისტრი არ უნდა აკეთებდეს ასეთ რადიკალურ განცხადებებს და არ არის მაგის საქმე ეკონომიკური განვითარების ინიციატივებით გამოსვლა. ამისთვის არის სხვა სამინისტრო.

natali

2018-04-14 09:35:56

მთავრობამ უნდა შექმნას კონკურენტუნარიანი გარემო. ესაა მისი ვალდებულება. ხოდა აი, ვთქვათ მე მაქვს მწვანილების ბიზნესი, აღებული მაქვს კრედიტი და წლებია ჯერ მხოლოდ ვალის გადახდას ვახერხებ, ბიუჯეტში ძლივს შემაქვს ფული. აგერ უცებ მინისტრი აძლევს ვიღაცას ბიუჯეტიდან ფულს, (ჩემს ძლივს გადახდილ ფულს) ბიზნესის დასაწყებად და დაიწყო იმანაც მწვანილების ბიზნესი. ამით ხომ ჩემივე ფულით კონკურენტი გამიჩინა ისეთი, რომელიც ძალიან იოლად ჩამძირავს? ჩემს მიმართ რამდენად სამართლიანი გამოდის სახელმწიფო? მერე ამას რა მოჰყვება და როგორი უკონკურენციო ბაზარს მივიღებთ, ამას ცალკე მოგიყვებით:)
ან ეს მინისტრის ნათესავი მინისტრისავე დახმარებით გახდება მონოპოლისტი, ან გამოდგება უქნარა, რომელიც ვერაფერს გააკეთებს და ჩვენი ვაებით შევსებული ბიუჯეტიდან ისე გაიფლანგება ფული.

ასე ვფიქრობ მე!

antoni

2018-04-14 10:17:52

თუ ბანკისდან სესხი გააქვთ 20%-ად, ნაკლებად რატომ უნდა გასცესო. გასაგებია, რომ ბანკს თავისი ვიწრო ინტერესი აქვს, მაგრამ ხელისუფლება? არ უნდა იყოს რიგითი ადამიანის დამცავი გარემო და კანონები? მაგალითად: ჩვენთან სააფთიაქო ბიზნესი 600-700%-იან მოგებაზე მუშაობს /ასე ამბობენ "ექსპერტები"/ გერმანიაში ეს კანონითაა დარეგულირებული და არცერთ მედიკამენტზე არ შეიძლება 20%-იანზე მეტი მოგების მიღება. ასე შეიძლება საწვავის ფასის დარეგულირებაც; ბანკებს არ უნდა ჰქონდეთ სხვა ბიზნესის წარმოების უფლება /მშენებლობა, წიაღისეულის მოპოვება .../ რომ მის კლიენთან არ შევიდეს კონკურენციაში და კიდევ ერთი დაბრკოლება არ შექმნას მისთვის. ძალიან ჭკვიანური მაგალითია მწვანილის ბიზნესის მაგალითი - მთავრობა ხომ ჩემი ხელით მათხრევინებს ჩემს სამარეს! ხელისუფლებაში რითი აზროვნებენ საინტერესოა

natali

2018-04-14 10:36:39

რატომ მომცემს დაბალ პროცენტში ფულს, როდესაც იმ ფულს თვითონაც კარგად დაატრიალებს ბიზნესში. ან რატომ გაგახარებს კონკურენტს? ხომ ყველანაირად ეცდება გაგანადგუროს?

arichopra 2

2018-04-14 10:52:58

ძალიან გამაღიზიანებელი მსჯელობებია! მწვანილის ბიზნესი რომ გაქვს თუ გჭირდება შენც აიღე ისეთი ფული ვისაც მწვანილის ბიზნესი არ ააქვს, აი იმას რომ აძლევენ! ))

natali

2018-04-14 11:26:59

მეტი საქმე არა აქვთ მე მომცენ ის ფული. ჩემი ნათესავი კი არაა.:)))

natali

2018-04-14 11:38:25

ამ ორი დღის წინ წერდა ერთი- კომპანიაში ვაკანსია გამოვაცხადეთ, ძალიან მაღალი მოთხოვნებით და მაღალი ანაზღაურებითო. გაფილტვრის მერე 2 კანდიდატი დაგვრჩა, ერთი გოგო და ერთი ბიჭიო. ნუუუ..ისეთი მონაცემებით რომ აღარ ვიცოდით რომელი აგვეყვანაო. ბოლოს დაგვირეკა კომპანიის პატრონმა და თავისი ბიძაშვილი აგვაყვანინაო.:))))
ხოდა ახლა იმ კომპანიას რომ კონკურენციის ეშინოდეს, ხომ აიყვანდა მაღალი კვალიფიკაციის თანამშრომელს? საკუთარ კომპანიაში რომ ასე იქცევა, სახელწიფო თანამდებობაზე რას იზამს? ხოდა ამიტომაც არ მიკვირს ამ ნეპოტიზმში ჩაძირულ ქვეყანაში ასეთი დონის არაპროფესიონალიზმი რომ სუფევს. ექიმმა ექიმობა არ იცის, იჟინერმა ინჟინრობა, პედაგოგი პედაგოგი არაა......კაფელშჩიკს კაფელის არაფერი გაეგება, მკერავმა კერვა არ იცის და პარიკმახერმა მაკრატლის ხმარება.

natali

2018-04-14 11:41:09

დაა......პოლიტიკოსმა პოლიტიკა.

ერთი ჩამოუარეთ დეპუტატებს და ჰკითხეთ რა ევალებათ, რა შედის მათ ვალდებულებაში, რა უნდა გააკეთონ. ნეტავ ეს მაინც თუ იციან,ძალიან მაინტერესებს:)))))

macro

2018-04-14 14:28:11

ანტონს,
მეც მაგას ვამბობ, რომ საჭიროა ეკონომიკური ხედვების და პოლიტიკის შეცვლა.
საჭიროა ახალი ეკონომიკური პოლიტიკა. ძველი ანადგურებს ქვეყანას. ის მორგებულია ქვეყნის ვიწრო ელიტაზე და მის მიმდინარე ინტერესებზე.
რა თქმა უნდა ბანკებიც არ არიან ანგელოზები და ცდილობენ მიიღონ სხვადასხვა უსამართლო პრეფერენციები საკუთარი გავლენის მეშვეობით. მაგრამ ამაში დამნაშავეა მთავრობა, რომელიც გადაქცეულია გარკვეული ჯგუფების სერვის-ცენტრად.
საერთოდ დღევანდელ საქართველოში ძნელია გაარკვიო სად მთავრდება ბიზნესი და სად იწყება მთავრობა.
მთავარი დამნაშავე მაინც არის ქართული საზოგადოება, სადაც გამეფებულია ფულისა და სიმდიდრის კულტი.
ჩვენ გვეუბნებიან რომ თურმე მივდივართ ევროპისკენ, მაგრამ სად, რომელ ევროპულ ქვეყანაშია მსგავსი ეკონომიკური მოდელი? უფრო სამართლიანი იქნებოდა გვეთქვა, რომ ჩვენ მივდივართ ლათინური ამერიკისკენ ან აფრიკისკენ. არსებობს დიდი მსგავსება ჩვენს და რუსულ ეკონომიკურ მოდელსაც შორის.
მე მაინტერესებს რას უპასუხებს კვირიკაშვილი ერთ მარტივ შეკითხვას: რა არის მისი მთავრობის ეკპონომიკური პოლიტიკის მიზანი?
თუ მას ესმის ეკონომიკა და არის მართალი კაცი, მან უნდა თქვას, რომ მისი მთავრობის ეკონომიკური პოლიტიკის მთავარი მიზანია მოგების მაქსიმალიზაცია.
გვინდა ჩვენ გავხდეთ საყოველთაო ყიდვა-გაყიდვის საზოგადოება, რომელიც ცდილობს მოგების მაქსიმალიზაციას და ამ პროცესში ჭამს საკუთარ თავს, თუ ჩვენ გვინდა ვიყოთ საყოველთაო კეთილდღეობის საზოგადოება?

serapina

2018-04-14 16:15:59

"საერთოდ დღევანდელ საქართველოში ძნელია გაარკვიო სად მთავრდება ბიზნესი და სად იწყება მთავრობა..."

macro,
ზუსტად! დანარჩენშიც ყველაფერში გეთანხმები.
აფრიკისაკენ რომ მივდივართ, ეს არც ევროპელებს გამოეპარათ და ამიტომაც არ/ვერ გვანსხვავებენ აფრიკელებისაგან. ეს, საზოგადოების უუნარობაზე უფრო, ხელისუფლების უუნარობაზე მეტ/ყველებს... რაც ჩვენს ხელისუფლებ(ებ)ას არ ადარდებს. სანამ თავად არიან თბილად "ევროპისაკენ მივდივართო" გვიმტკიცებენ.

რა ქნას საზოგადოებამ, რა შანსი აქვს მას განვითარების,ან წინააღმდეგობის?!
-არავითარი!
საზოგადოების ასეთი გამოფიტვა,ხელისუფლებას ფრიად ხელს უწყობს.
ხელისუფლება "წისქვილებით" მდიდრდება და კანონს(რომელიც თავად დააზარალებს) არ მიხედავს.
ასეა 25 წელზე მეტია.

ასეთი მმართველობები,ბევრ ქვეყანაშია(და მარტო ჩვენი პარლამენტარების უვიცობას ვერ დავაბრალებთ). უბრალოდ,ეს გარე და შიგა ძალების შეხმატკბილებული მიმართულებაა და სანამ შინაურები არ "გამოიღვიძებენ", არაფერი შეიცვლება.

natali

2018-04-14 17:19:21

მიხეილ სააკაშვილი - საქართველოში არ არიან ბანკები, ესენი არიან მევახშეები, კოლექტიური სოლომონ მეჯღანუაშვილები
------------------------------

:)))))))))))))))))))))))))))))))))))))))


imereli

2018-04-14 17:45:52

მგონი პირველად ვეთანხმები სააკაშვილს! ჩვენს ბანკებს ძნელია ბანკი უწოდო.

arichopra 2

2018-04-14 21:29:31

დაბრუნდი ბატონო მიხეილ, დაბრუნდი! ასე შე კაცო, ასე ჭკვიანურად ილაპარაკე! ქართველი ხალხი ბრძენია და ხელათ მუუბრუნდება გული შენსკენ!

serapina

2018-04-14 21:54:16

მთავარია "მაჰარაჯა" რას გადაწყვეტს!

Moulin Rouge(ფილმი)-ში თეატ/რის "ინვესტორივით" არის ჩვენი საქმე.


რეგისტრაცია

დახურვა
სახელი:

პაროლი:

გაიმეორეთ პაროლი:



სარეკლამო ბანერი
1000 X 80