„ქართველები, ძირითადად, იმ მოტივით ღალატობდნენ სამშობლოს, რომ მტერი ძლიერია“
საზოგადოება

„ქართველები, ძირითადად, იმ მოტივით ღალატობდნენ სამშობლოს, რომ მტერი ძლიერია“

„ქართველები, ძირითადად, იმ მოტივით ღალატობდნენ სამშობლოს, რომ მტერი ძლიერია“
თამთა ქარჩავა

2018-09-07 09:30:31

პოლიტოლოგი რამაზ საყვარელიძე თვლის, რომ საქართველოს ტერიტორაზე უნდა აიკრძალოს იმ ადამიანთა და იმ ბიზნეს წრეების მოქმედება, რომლებიც წარსულში დაკავშირებული იყვნენ საქართველოს ტერიტორიული მთლიანობის ხელყოფასთან. საყვარელიძეს განცხადებით, საქართველოს ტერიტორაზე დაუშვებელი უნდა იყოს ვლადიმერ პუტინის ფონდის მიერ დაფინანსებული ღონისძიების გამართვა.

for.ge რამაზ საყვარელიძეს ესაუბრა.

რუსული პროპაგანდის წინააღმდეგ გამოდის თანამედროვე მსოფლიო, ამ ფონზე საქართველში რუსეთის პრეზიდენტის მიერ დაფინანსებული მედიაფორუმი იმართება და მისი ერთერთი ორგანიზატორი არის ქართული მედია. რამდენად პრობლემური და ამავე დროს სახიფათოა რუსეთის პრეზიდენტის მიერ დაფინანსებული ფორუმის გამართვა თბილისში?

რამაზ საყვარელიძე: ამ ტიპის საყვედურს ანალოგიური მედიასაშუალებები და პოლიტიკოსებიც პასუხობენ იმით, რომ რუსეთი ოკუპანტია, მაგრამ მასთან თუ დიალოგი არ გვექნა, ეს ცუდია და ა.შ. რა თქმა უნდა, ეს არის დემაგოგია, მაგრამ მეორე მხრივ თვითონ სახელისუფლებო გუნდის უთავბოლობაც არის. ეს ის სახელისუფლებო გუნდია, რომელიც დათანხმდა ოთხოზორია–ტატუნაშვილის სიის შექმნას, რაც იმას ნიშნავს, რომ ვინც ამ ტრაგედიაში მონაწილეობდა, მათ მიმართ რაღაცა ზომები უნდა განხორციელდეს. ყველაზე მეტად ამ ტრაგედიაში პუტინის ხელი ურევია და მის მიმართ არ უნდა იყოს სანქციები? სანქციებს შენ არ აწესებ და დასავლეთს აწვდი ინფორმაციას, რომ ეს შენ გააკეთეოო, კომიკური სიტუაცია გამოდის.

მარტო იმაზე არ უნდა იყოს აქცენტი, ვინ გადალახა და ვინ არა ტერიტორია, საერთოდ, მთლიანად კონტროლის ქვეშ უნდა იყოს ის ხალხი და უპირველესად რუსეთის პრეზიდენტი, რომელსაც საკმაოდ სერიოზული პასუხისმგებლობა ეკისრება საქართველოში მომხდარ ტრაგედიასთან დაკავშირებით. აი, ამას რატომ ვერ ახერხებს ქვეყანა, ეს არის გაუგებარი.

თქვენ როგორ ფიქრობთ, რა უშლის ქვეყანას ხელს იმაში, რომ გადადგას ეს ნაბიჯები, რა პოლიტიკური ჩანაფიქრი შეიძლება ჰქონდეს ხელისუფლებას? მით უფრო, რომ ქვეყნის ხელისუფლებას აქვს პროდასავლური კურსი არჩეული, მაგრამ არის პრორუსული პოლიტიკური ძალის არსებობის პრობლემა და მათ შორის წარმოდგენილი არიან საქართველოს პარლამენტშიპატრიოტთა ალიანსისსახით...

– მე, მაგალითად, პოლიტიკურ ჩანაფიქრს ვერ ამოვიკითხავდი, იმიტომ, რომ ბევრ რამეში არის ხელ–ფეხ შეკრული და თავისთვისაც ხშირად დგამს არახელსაყრელ ნაბიჯებს. ძირითადად, იმიტომ, რომ არ იცი რა ხდება პოლიტიკაში, არ აქვს პოლიტიკური ალღო და ტემპერამენტი - მოდუნებული ხელისუფლებაა.

ამ ვითარებაში გამოსავალი არის პრორუსული მედიასაშუალების დახურვა?

– ითქვა კიდევაც, რომ დახურვა გამოსავალი ვერ იქნება, რადგან რუსეთი სხვა საშუალებებს იპოვის, მაგრამ ის, რომ შენი ქცევა, როგორც ქვეყნისა, ლოგიკურად გასაგები იყოს, ამისთვის სულაც არ არის საკმარისი იმ ადამიანების არშემოშვება, რომლებამც ოკუპაციის შესახებ კანონი დაარღვიეს, რადგან პრინციპში, ვინც ეს ტერიტორია დაგაკარგინა, იმის ღონისძიებას არ კრძალავ და ეს ცოტა გაუგებარია. ის, რომ რუსეთის იმ წრეებს, რომლებიც შენი ინტერესების საწინააღმდეგოდ მოქმედებენ, არ ჩაატარებინო რაიმე სახის ღონისძიება, ამას რად უნდა მედიის აკრძალვა?!

როგორ ფიქრობთ, ამ შემთხვევაში რა მიზანი შეიძლება ჰქონდეს რუსულ მხარეს, რომელიც საქართველოში აწყობს ასეთი შინაარსის ფორუმს და რომლის მონაწილეები ამბობენ, რომ რუსეთი ოკუპანტი არ არის, ხოლო ამას ხელს უწყობს ქართული მედია? მეორე საკითხია რამდენად გავლენიანია და რამდენად შეუძლია საზოგადოებრივი აზრის მობილიზება, მაგრამ ეს გაზეთი გამოდის და მას ჰყავს თავისი მკითხველი...

– თავისი მკითხველიც და თავისი რესპოდენტებიც. მეჩვენება, რომ რუსეთს ძალიან შორს მიმავალი მიზნები არ აქვს. რუსულ პოლიტიკას დასჩემდა, რომ თვითონ აგრესია არის მათთვის სასიამოვნო რამ. რაც ახლა ხდება, ეს არის აგრესიის გამოხატულება. ოკუპაცია მოვახდინე? – კი, მოვახდინე; ოკუპაცია განვახორციელე? –კი განვახორციელე; შემრებჩა? – კი შემრჩება. ეს ხომ დამცირებაა და ვფიქრობ, რომ ეს დამცირება არის ძირითადი მიზანი.

პრობლემური და ამავე დროს საშიში რამდენად არის ამ სახის ფორუმი?

– საშიში არის იმ მარტივი მიზეზის გამო, რომ პოლიტიკაში ძალიან ხშირად გადამწყვეტი არის ხოლმე ძალა. ქართველები ძირითადად იმ მოტივით ღალატობდნენ სამშობლოს, რომ მტერი ძლიერია და რატომ უნდა შევაკლათ თავიო. მტრის ძალის დანახვა ფსიქოლოგიური ომის ერთ–ერთი საშუალებაა. ის, რომ ოკუპანტმა ქვეყანამ შენს ტერიტორიაზე მედიაშოუ გამართა და ვერაფერი ვერ გააწყე, ეს ძალის დემონსტრაციაა და აი, ამ დემონსტრაციით საქართველოში შეიძლება გამრავლდეს რუსეთის მხარდამჭერები. ამ მხრივ არის სახიფათო ის, რაც ახლა თბილისში ხდება.

ერთია საზოგადოების პროტესტი, მაგრამ მეორეა ღიად გამოხატული პროდასავლური კურსის ფონზე რა უნდა გაკეთდეს სახელმწიფოს დონეზე ამ საფრთხის აღსაკვეთად. როგორ ფიქრობთ, რუსეთი ამ სახის ღონისძიებებით ცდილობს ხელისუფლების პროვოცირებას?

– ერთი მხრივ ხელისუფლების პროვოცირებას და მეორე მხრივ ხელისუფლებაში უნიათო, სუსტი, უსუსური მხარის წარმოჩენას მოსახლეობის თვალში, რასაც ნაციონალები ეძახიან ხოლმე ამ ხელისუფლებას. რუსეთის და ნაციონალების პოლიტიკური სტილი და მოქმედება ხომ ხშირად თანხვედრაშია ერთმანეთთან. ვიმეორებ, ეს ფსიქოლოგიური ომის სტილია. ქართულ ფილმშიც არის – „რუსი მოდის, რუსი მოდისო“, ამით აშინებს მეტოქეს მებრძოლი.

თუკი ძლიერ სამხედრო მუსიკას შეუძლია იმ შთაბეჭდილების შექმნა, რომ ძლიერი მეტოქე მოდის და ამითი შიშის გამოწვევა მოსახლეობაში, ძლიერი მეტოქის სურათის შექმნა რუსეთის მხრიდან შენივე ტერიტორაზე ხომ იმ შედეგს მოგცემს, რომ შენი მოქალაქე არ იქნება შენდამი რწმენით განწყობილი, რომ შენ რაიმე შეგიძლია და ნებისმიერ შეძახილს იგივე რუსეთის მხრიდან აჰყვება. თან, შენმა მოქალაქემ უნდა დაინახოს შენი ძალა, ისე არ გამოგყვება ბრძოლაში. ჯერჯერობით, გარდა ჩივილისა სხვა საპასუხო არაფერი ჩანს. აი, ეს მიმაჩნია დაუშვებლად.

ვისურვებდი, რომ შექმნილიყო ახალი დოკუმენტი აფხაზეთისა და ცხინვალის რეგიონის ტერიტორაზე შემსვლელების შემოშვების აკრძალვის გარდა, აიკრძალოს ყველა იმ ადამიანის მიერ დაფინანსებული ღონისძიება, რომელსაც რაიმე კავშირი აქვს საქართველოს ტერიტორული მთლიანობის რღვევასთან. ასეთი პირი უპირველესად არის ვლადიმერ პუტინი და შესაბამისად, მისი ფონდის მიერ დაფინანსებული ღონისძიება დაუშვებელი უნდა იყოს ქართულ სინამდვილეში.

მით უფრო მედიისთვის და მე როგორც ჟურნალისტი არასოდეს არ მივიღებ ასეთ ღონისძიებაში მონაწილეობას...

– აღმაშენებელს დიდგორის ომში ჯარი რომ მიჰყავდა, უკნიდან ზურგი ჩაუხერგა ამ ჯარს - გაიქცევიანო. წარმოიდგინეთ რა კარგი აზრის იყო ქართველებზე. აღმაშენებელს იმისთვის ეცადა აბა ქართველები როდის გახდებიან უფრო შეგნებული და ომისთვის როდის იქნებიან გამოსადეგი, ალბათ, ამას ვერც ვერასოდეს ეღირსებოდა. მან მიიღო ძალისმიერი გადაწყვეტილება საიმისოდ, რომ უზრუნველეყო ბრძოლის მოგება. აი, ასეთი ბრძოლის მოგების უზრუნველყოფისთვის საჭიროა ძალისმიერი გადაწყვეტილება, რომ საქართველოს ტერიტორიაზე აიკრძალოს იმ ადამიანთა და იმ ბიზნესის მოქმედება, რომლებიც წარსულში დაკავშირებული იყვნენ საქართველოს ტერიტორიული მთლიანობის ხელყოფასთან, რად უნდა ამას დიდი ფილოსოფია?!

 

ნანახია - 3933

antoni

2018-09-07 09:52:37

"მტერი ძლიერია" ღალატის ერთ-ერთი და არაძირითადი მიზეზი იყო; მთავარი იყო ბოღმა და შური, მერე - "30 ვერცხლი", და კიდევ "ქართველებს მეზარბაზნეები არა ყავთ"

კატრინაა

2018-09-07 10:30:38

საინტერესო არუს ის,რომ სახელმწიფომ ვერ შეიმუშავა საგარეო სტრატეგია!იპოვეს ერთი კლავიში და მუდმივად ამ კლავიშზე კაკუნის მეტი არაფერი ისმის!გავიგეთ,რომ რუსეთი ოკუპანტია,განსაკუთრებით იმ ნაწილმა,რომელმაც იცის1801 წლიდან მოყოლებული,რა „ერბოში“გვაცხოვრა რუსეთმა!მაგრამ!მე მინდა ვიცოდე,რას აპირებს ხელისუფლება და ქვეყანა ამ დაძაბულ სამყაროში რუსეთთან მიმართებაში,რა სტრატეგია აქვს მთავრობას,როგორ ცდილობს საზოგადოებრივი აზრის ფორმირებას!ვერსად ვერ მივაგენი ვერაფერს,გარდა იმისა,რომ ლოზუნგი„რუსეთი ოკუპანტია“მავანს მიაჩნია ყველაზე აქტუალურად და გაგონილა ამის იმედად ყოფნა?!

arichopra 2

2018-09-07 11:14:37

გუშინ ფეხბურთს - ყაზახეთი-საქართველო უყურეთ?! ძალიან მესიამოვნა ყაზახი და ქართველი ფეხბურთელების კორექტული, ურთიერთპატივისცემით გამსჭვალული დამოკიდებულება! იგრძნობოდა რომ ეს ბიჭები ერთმანეთის მტრები კი არ არიან, არამედ სპორტული მეტოქეები!

arichopra 2

2018-09-07 11:28:21

სტრატეგიას თუ ჩეიმუშავებს სახელმწიფო და იმას გაყვება მიუხედავად იმისა ირგვლივ რა ხდეაბ ან რა შედეგებს იძლევა ეს სტრატეგია, სწორედ ეს იქნება ერთ კლავიშზე კაკუნი! ისე როგორც მე მეჩვენება სწორდაც რომ არცეული აქვს საქართველოს სტრატეგია - რუსეთთან სამუდამო და უკომპრომისო დაპირისპირება! ეს არის ძალიან ბრიყვული პოლიტიკა! კიდევ ჩამოგვაქიშტავენ ტერიტორიებს, მცოცავი ოკუპაციით იქნება თუ პირდაპირი ძალის გამოყენებით!
აგერ კიდევ ჩამგვაქიშტეს ჭერო და ინწუხი! http://www.mtisambebi.ge/news/people/item/792-rodis-da-rogor-moeqza-tushetshi-chero-da-inxuxi-rusetis-kontrolqvesh. ეს გუშინ წავიკითხე. ჭერო და ინწუხი ქართლში არ არის, თუშეთისა და ხევსურეთის რეგიონია! ახლა რა ვქნათ როგორ გავყაროთ იქედან რუსი მესაზღვრეები, ევროპაში წავიდეთ საჩივრით თუ აშშ-ს შევჩივლოთ? იქნებ ჩვენი "მოძმე" თურქეთი დაგვეხმარება?!
ასე გაგრძელება აღარ შეიძლება!

natali

2018-09-07 14:03:29

ტელეკომპანია იბერია საფრთხეშია - ამ სკანდალური განცხადებით გახსნა, საგანგებო ეთერი არხის საინფორმაციო სამსახურის უფროსმა. არხის მენეჯმენტი ხელისუფლების მხრიდან მომდინარე საფრთხეებზე საუბრობს.

არხის მენეჯმენტი აცხადებს, რომ ხელისუფლებამ მათ შეუწყვიტა დაფინანსების წყაროები და გააჩერა „ომეგა“ ჯგუფში შემავალი საწარმოები, საიდანაც ტელევიზია ფინანსდებოდა.
--------
რა შუაშია ტელვიზია საწარმოების დახურვასთან? ის გაგვაგებინეთ, რატიმ ხურავენ იმ საწარმიებს? ეგებ დასახური იყო? ე.ი. ბიზნესი თუ გაქვს, პარალელურად ტელევიზია უნდა გქონდეს და მერე რაც გინდა აკეთე, თითს ვერ დაგადებენ? ვერაფერი გავიგე.

natali

2018-09-07 14:12:00

დამოუკიდებელი ტელევიზიაო... თუ ვიღაც ერთი ბიზნესმენი გაფინანსებს, ე.ი მასზე ხარ დამოკიდებული და რანაირი თავუსუფალი ხარ, ვერ გავიგე:))) თავისუფალი ვარ მეეე:)))))

serapina

2018-09-07 16:56:10

მოკლედ,ბოლო ოცი წლის განმავლობაში ტერმინოლოგია და ზოგადად სიტ/ყვების მნიშვნელობა ისე დაამახინჯეს(თავად რომ თავი პოლიტიკოსები ჰგონიათ), რაღაც ახალი ლექსიკონია შესაქმნელი,სადაც ყველა,უკვე არსებული სიტ/ყვა და გამოთქმა, ხელახლა უნდა იქნას განმარტებული...
თორემ,ნათქვამი და მნიშვნელობა,ძალიან ასცდა ერთმანეთს.

კატრინაა,
ისე მოისაკლისე საგარეო სტრატეგია,თითქო საშინაო იყოს მოწესრიგებული!
...პარალელური პ/როცესებია წესით მაგრამ... ჩვენ,ვერც ერთს მოვაბით თავი და ვერც მეორეს...
-არ ვესაუბროთ რუსეთს, იმიტომ რომ შევდივართ ნატოში!
სულ ეს არის,ჩვენი საშინაო და საგარეო პოლიტიკაც!

ფხიზელი

2018-09-07 17:02:04

რამაზ საყვარელიძე:
"ამ ტიპის საყვედურს ანალოგიური მედიასაშუალებები და პოლიტიკოსებიც პასუხობენ იმით, რომ რუსეთი ოკუპანტია, მაგრამ მასთან თუ დიალოგი არ გვექნა, ეს ცუდია და ა.შ. რა თქმა უნდა, ეს არის დემაგოგია"
-------------------
მადლობა ღმერთს, რომ ჩვენი ხელისუფლება არ არის შემჩნეული ასეთ დემაგოგიაში!..
მაგრამ რა ეშველებათ ამ მერკელს, ტრამპს, შინზო აბეს და მსოფლიოს სხვა ქვეყნების ლიდერებს, ეგ მადარდებს.
ორიდან ერთია: ან არ იციან, რომ რუსეთი ოკუპანტია (მაგალითად, იაპონიამ!), ან სიტყვა "დემაგოგიაზე" აქვთ ბ-ნი საყვარელიძისაგან განსხვავებული წარმოდგენა.
*
"ყველაზე მეტად ამ ტრაგედიაში პუტინის ხელი ურევია და მის მიმართ არ უნდა იყოს სანქციები? ...მთლიანად კონტროლის ქვეშ უნდა იყოს ის ხალხი და უპირველესად რუსეთის პრეზიდენტი, რომელსაც საკმაოდ სერიოზული პასუხისმგებლობა ეკისრება საქართველოში მომხდარ ტრაგედიასთან დაკავშირებით. აი, ამას რატომ ვერ ახერხებს ქვეყანა, ეს არის გაუგებარი."
------------------
აბა!.. მაგაზე ვგიჟდები მეც: რატომ ვერ ახერხებს საქართველო, რომ მუდმივი კონტროლის ქვეშ ჰყავდეს პუტინი?!
რა გახდა ამ ერთი კაცის გაკონტროლება, რა პრობლემაა, ვერ გავიგე!
*
როგორც მახსოვს, "ქართველი პოლიტოლოგი და ფსიქოლოგი" რამაზ საყვარელიძე ედუარდ შევარდნაძის საინფორმაციო პოლიტიკის ბიუროს ხელმძღვანელი იყო, როცა ის სახელმწიფო მეთაურად აირჩია თეგიზ-ყრუს, თენგიზ-ცრუს და კანონიერი ქურდის ტრიუმვირატმა.

მეგრელი

2018-09-07 18:13:46

ქართველები ძირითადად იმ მოტივით ღალატობდნენ სამშობლოს, რომ მტერი ძლიერია და რატომ უნდა შევაკლათ თავიო
-----------------------
მოტივი იყო ფული და ეს დღეს კარგად იციან სპონსორებმა.

ეს ერთი.

მეორე:
აღმაშენებელს დიდგორის ომში ჯარი რომ მიჰყავდა, უკნიდან ზურგი ჩაუხერგა ამ ჯარს - გაიქცევიანო. წარმოიდგინეთ რა კარგი აზრის იყო ქართველებზე.
---------------------------------------------------------------
ეს კარგად შეამჩნია ლერმონტოვმა. -бежали робкие грузины

მესამე. ამით იყო განპიროვნებული სურვილი ყოველთვის პირველ ქვეყანასთან მეგობრობა და წინის ღალატი. ჯერ ასეთი ქვეყანა იყო სპარსეთი მერე რუსეთი . ხელი მოეწერა გიორგიევსკის ტრაქტატს. მერე ერეკლემ იფიქრა ასეთი თურქეთი არისო და ტრაქტატის მე 4 მუხლი დაარღვია. თურქეთმა კი რუსეთთან ომი წააგო.მერე იფიქრა ელიტამ და მოიფიქრა ვინაიდან სსრკ დაშალაო რუსეთსაც დაშლისო აშშ .წესით დღეს რუსეთი დაშლილი უნდა იყოს -ასე პროპაგანდისტობდნენ ექსპეტები და გასაგებია ვისთან უნდა გვიმეგობრა რომ ხეირი გვენახა.ევროპელობაც დავიბრალეთ ამისთვის , ბუნებრივი მენტალიტეტის მოშორების პროპაგანდაა ყოველდღე. რუსეთი კი ჯიუტად დაშლას არ აპირებს და არც აშშ გამოდგა მისი დამშლელი ყოჩი.ანუ გამარჯვებულის ბანაკში საზეიმო ქეიფი და ყველა პრობლემის მოგვარება ილიზორული ხდება. ამ დროს რუსეთი ფეხზე დგება რაც მოულოდნელი არ უნდა ყოფილიყო და ანგარიშს უფრო სწორეს პასუხს ითხოვს იმაზე თუ რატომ შემოგყავს ჩემი მტერი ჩემ საზღვრებთან. ნამდვილად რთული სიტუაციაა ბატონო ექსპერტო. ნამდვილად . მაქვს მოლოდინი რომ ასე იქით- აქით სირბილი ცუდად არ დამთავრდეს და ამაში თქვენი პააატარა აგურიც დევს .

კატრინაა

2018-09-07 21:13:30

ჩვენი პრემიერი ისეთ ვიდზეა(ბოდიში მომითხოვია),კოჭებში ეტყობა თავის გარემოცვაზე უფრო ზრუნავს,ვიდრე პუტინის აგრესიაზე!არაა ეგ ის კაცი,პუტინს დაუჯდეს სალაპარაკოდ და რა ვქნა?!ისე,მერკელს ისე მისდევდა,ჯეირანა რომ მისდევდა მამამისს სპექტაკლში„იეთიმ გურჯი“! რა ვქნა,ბაღნობიდან არ მიყვარდა გადაპრიალებულ-გადავარცხნილი ბიჭები და ეს ჩვენი ბახტაძე სწორედ ასეთი ფრუქტი მგონია!შეიძლება ვცდები კიდეც

arichopra 2

2018-09-07 22:01:37

მეგრელი, ასე საყოველთაო სიბრმავე და სიყრუე რისი ბრალია?!

მეგრელი

2018-09-07 22:56:46

arichopra 2
--------------

იმის შემდეგ რაც საზიზღარმა ფინიკიელებმა ფული მოიგონეს ეს სიბრმავე და სიყრუე მოსალოდნელი იყო.

1952 წელს სტალინი თავის ,, სოციალიზმის ეკონომიკური პრობლემები სსრკ-ში" წერს (თუ არ ვცდები) ,რომ თუ ადრე ელიტა იდგა ეროვნულ ინტერესზე და იცავდა ქვეყანას მოხთურისგან კაპიტალიზმის პირობებში ელიტას (ბურჟუაზია) ეს ფუნქცია დაავიწყდა და ფულის შოვნაზეა გადასულიო.ფული კი არ ყარს, ეს უფრო ადრე ითქვა. ანუ ეს მარტო ჩვენი პრობლემა არარის. როტშილდს , რომელმაც კარლ მარქსის ,, კაპიტალი" დააფინანსა ვერ მოსთხოვ ინგლისი ერის ინტერესების გატარებას.არ აინტერესებს. წყალს წაუღია ინგლისის. ინგლისი და მისი პოლიტიკა მისთვის მხოლოდ ფულის შოვნის ინსტრუმენტია.

ფული არის ჩემი პასუხი.

მეგრელი

2018-09-07 23:34:33

arichopra 2
---------
დამატება.

გამონაკლისი იყო გერმანული ელიტა , რომელმაც 1871 წ.მოვლენებში ინგლისის ელიტასთან შეკრეს თავი ხოლო გერმანიის გაერთიანების შემდეგ ინგლისის ელიტა გადააგდეს .

arichopra 2

2018-09-07 23:50:58

ეს ბოლო ვერ გავიგე?

მეგრელი

2018-09-08 00:06:25

პრუსია -საფრანგეთის ომის წინ გერმანელმა მასონებმა მოილაპარაკეს ინგლისელ მასონებთან უფრო სწორედ გაერთიადნენ . ამით გერმანიის გაერთიანების მტერი ქვეყანა საფრანგეთი უკვე განწირული იყო . 1871 წლის შემდეგ კი გერმანელმა მასონებმა ისევ ეროვნულ ანუ გერმანული პოზიცია დაიკავეს.

arichopra 2

2018-09-08 11:23:54

მეგრელი, მადლობის ნიშნად ერთი ფილმის მისამართს გიგზავნი - https://www.youtube.com/watch?v=4Gao1_ACeEM

arichopra 2

2018-09-08 19:07:29

მეგრელი, ნამდვილად იცი რომ ფულის პირველ შემქმნელებად ფინიკიელები ითვლებიან?! რაღაც ვერ მივაგენი ასეთ წყაროებს. შვილ მეუბნება ფული მიმოქცევაში პირველად სპარსელებმა გაუშვესო! რაღაც ვერ გავიგე. ძალიან დიდი დრო გავიდა იმის მერე და დამავიწყდა, როგორ იყო ეს ამბავი?!

macro

2018-09-08 23:29:36

ერთ-ერთი ყველაზე შესანიშნავი გამონათქვამი მტრის შესახებ ეკუთვნის ცნობილი ლიტერატურული ნაწარმოების გმირს დონ კორლეონეს. ის ამბობს: არასოდეს გძულდეთ თქვენი მტრები, რადგან სიძულვილი გიშლით ხელს იფიქროთ ემოციების გარეშეო.
არ შეიძლება მტრის დემონიზაცია. ეს ნიშნავს წინასწარ განწირო საკუთარი თავი დამარცხებისთვის. ისიც შენსავით ადამიანია, მხოლოდ მას უნდა შენ წაგართვას მიწა, ქონება, ცოლი, თავისუფლება, სიცოცხლე. შენ ეს არ უნდა დაუშვა და ამისათვის ემოციები ყველაზე ნაკლებ გამოსადეგია.
ამ მხრივ ქართველები ძალიან ცოდავდნენ ისტორიულად. და ეს არა მარტო ჭკუათხელი ევროატლანტიკოსები, რომლებიმაც პაროლად თუ დევიზად გაიხადეს "რუსეთი მტერია". ამ შეძახილებით და რუსების გინებით ძალიან ხარობენ, როგორც ყველა სულელი საკუთარი სისულელით.
რა აზრი აქვს ენის ტრიალს, წყევლა-კრულვას და ა.შ. შენი ამოცანაა დაისახო მიზანი და მიაღწიო.
რუსების გინებაა შენი მიზანი?
საერთოდ არაა აუცილებელი ხმამაღლა გამოაცხადო ვინმე შენს მტრად. თუ მაინც ეს გინდა,უკეთესია ეს უთხრა მას იმ ქვეყნად გასტუმრების წინ.

მეგრელი

2018-09-09 03:22:27

С тех пор как финикийцы придумали деньги, человечество просто помешалось на разноцветных бумажках, в обмен на которые можно получить всё, кроме истинной любви и здоровья.დარია დონცოვას ციტატაა. რუსი მწერალია.
იყო რუსეთში ცნობილი ვექილი გვარად პლევაკო (თევდორე ნიკოფორეს ძე) . მას ეკუთვნის ასევე კარგი ციტატა-,,იმის შემდეგ რაც საზიზღარმა ფინიკიელებმა მოიგონეს ფული ყველა საჩუქარს ფასი დაეკარგაო". ძალიან მომწონს და დაახლოებით ეს ციტატა ვიხმარე. ისე მიჩნეულია , რომ ფული ჩინეთში გამოიგონეს თუმცა ხმელთა შუა ზღვის ცივილიზაციებში სადაც ვაჭრობა კი არ იყო არამედ იყო უბრალო ბარტერი პირველად ფინიკიელებმა მოიგონეს უნიკალური ლიკვიდური საქონელი -ფული რომელიც როგორც საქონელი გაცვისთვის გამოიყენებოდა. ტალანტი ერქვა რომელიც რამოდენიმე ასეული კილოს იწონიდა პირველად. ტალანტზე ბილბიაშიც წერია ოღონდ როგორც ეგვიპტურ ფულზე (გამოსცლა - 38:25,25:39 , 38:24 .27, ) . პირველი ბანკირებიც ფინიკიელები იყვნენ.

ასე , რომ მე ეს ვერსია მომწონს.



arichopra 2

2018-09-09 07:31:08

საინტერესოა როცა ევროპამ აღმოაჩინა ამერიკა, აცტეკები და ინკები ფულს თუ ხმარობდნენ?

macro

2018-09-09 10:15:04

რაღაც საქონელს უხსოვარი დროიდან გამოიყენებდნენ, როგორც უნივერსალურ გაცვლით ექვივალენტს.
ოქროს მონეტები ამ მიზნისთვის პირველად გამოიყენეს ლიდიაში დაახლოებით 2700 წლის წინათ. არსებობს გამოთქმა: მდიდარია, როგორც კრეზუსი. კრეზუსი იყო ლიდიელთა მეფე.
ქაღალდის ფული მოიგონეს ჩინეთში დაახლოებით 1000 წლის წინათ.

arichopra 2

2018-09-09 17:48:56

ცინეთის და ქაღალდის პირველი ბანკნოტის ამბავი ვიცი. რომ ვეღარ ზიდეს სპილენძის მონეტები ერთი ტომარა სპილენძის ნაცვლად ქაღალდის ბანკნოტი დაბეჭდეს სპეციალურ ქაღალდზე! საინტერესოა ამერიკის "აღმოჩენამდე" რა ხდებოდა ამერიკის კონტინენტზე. იქაურმა პარალელურმა ცივილიზაციამ მოითხოვა და შემნა ფული - მონეტა?! სასაქონლო გაცვლაზე არ ვსაუბრობ!

natali

2018-09-10 21:00:28

https://ka.m.wikipedia.org/wiki/ფულის_ისტორია

DDDD

2018-09-11 10:40:21

მეგრელი

"ამით იყო განპიროვნებული სურვილი ყოველთვის პირველ ქვეყანასთან მეგობრობა და წინის ღალატი. ჯერ ასეთი ქვეყანა იყო სპარსეთი მერე რუსეთი. ხელი მოეწერა გიორგიევსკის ტრაქტატს. მერე ერეკლემ იფიქრა ასეთი თურქეთი არისო და ტრაქტატის მე 4 მუხლი დაარღვია. თურქეთმა კი რუსეთთან ომი წააგო."
----------------------------------------------------------------
ეს სერიოზული ბრალდებაა, რომლის პირველწყაროს ვერსად ვერ მივაკვლიე.
გთხოვ, დააკონკრეტო ან წყარო მიუთითო იმის შესახებ, რომ "ერეკლემ იფიქრა ასეთი თურქეთი არისო და ტრაქტატის მე 4 მუხლი დაარღვია".

როდის, სად და როგორ?

მეგრელი

2018-09-11 13:36:19

DDDD
------
მეოთხე მუხლის თანახმად ქართლ-კახეთის მეფეს უცხო სახელმწიფოებთან დამოუკიდებელ დიპლომატიურ ურთიერთობას არ უნდა ეწარმეობინა. ყოველ ასეთ შემთხვევაში იგი მოვალე იყო რუსეთის საიმპერატორო კარის რეზიდენტს ან კიდევ კავკასიის ხაზის უფროსს შეთანხმებოდა. ეს მუხლი დაარღვია ერეკლემ როცა 1786 წელს თურქეთთან ხელი მოაწერა ფაქტიურად ანტირუსულ ხელშეკრულებას რუსეთ-თირქეთის ომის წინ. ერთი წელი ეხვეწებოდა ეკატერიენე უკან წაეღო ერეკლეს ეს ხელშკურლება. თურქებმა ხელშეკრურლებას 1787 წელს რატიფიკაცია გაუკეთეს. განაწყენებულმა რუსებმა ჯარი გაიყვანეს , რომელიც იმყოფებოდა ქართლ-კახეთში ( ეგერთა ორი ბატალიონი 4 ქვემეხით პოლკოვნის ბურნაშევის მეთაურობით).
ამის გარდა კიდევ ერთი საკითხი. მერვე მუხლი საქართველოს ეკლესიის საკითხს შეეხებოდა . ამ მუხლით საქართველოს კათოლიკოსი ან შემდგომში არქიეპისკოპოსი ჩაყენებულია რუსეთის საეკლესიო იერარქიის რიგში, იგი მერვე ადგილზეა ტობოლსკის ეპისკოპოსის შემდეგ დაყენებული და სამუდამოდ მინიჭებული აქვს უწმინდესი სინოდის წევრის ტიტული. ეს იმას ნიშნავს რომ გიორგიევსკის ტრაქტატის ამ მუხლით საქართველოს ავტოკეფალური ეკლესია სამომავლოდ უქმნდებოდა. კიდევ ერთხელ ეს ხელშეკურლებით იყო გათვალისწინებული. საუბარია საქართველოს ავტოკეფალურ ეკლესიაზე (იურისდიქცია ქართლ-კახეთი).

DDDD

2018-09-11 18:41:18

მეგრელი

გმადლობთ!
საკმაოდ დამაჯერებელია, თუმცა არასასიამოვნო.

რეგისტრაცია

დახურვა
სახელი:

პაროლი:

გაიმეორეთ პაროლი:



სარეკლამო ბანერი
1000 X 80