მთავარი

სკოლის დირექტორების სერტიფიცირების პროცესი იწყება

სკოლის დირექტორების სერტიფიცირების პროცესი იწყება
ipn

2013-07-24 13:19:55

განათლების სამინისტრო საჯარო სკოლის დირექტორების სერტიფიცირების პროცესს იწყებს, - ამის შესახებ განათლების მინისტრმა თამარ სანიკიძემ განაცხადა. 

მისივე თქმით, სერტიფიცირების მსურველთა რეგისტრაცია 25 ივლისს დაიწყება და 7 აგვისტოს დასრულდება. რეგისტრაცია განათლების სამინისტროს ვებ-გვერზე ელექტრონულად განხორციელდება.

მინისტრმა აღნიშნა, რომ სერტიფიცირების პროცესი საჯარო სკოლის დირექტორების შესარჩევი კონკურსის პირველ ეტაპს წარმოადგენს. სერტიფიცირების მიზანია ტესტირებისა და გასაუბრების გზით საჯარო სკოლის დირექტორების თანმდებობაზე მაღალკვალიფიციური და ღირსეული კადრების შერჩევა.

თამარ სანიკიძემ ასევე აღნიშნა, რომ გამოცდები 22 აგვისტოს ჩატარდება. სამინისტროს ოფიციალურ ვებ-გვერზე განთავსდება სასერთიფიკაციო გამოცდების ჩატარების განრიგი, ინფორმაცია ტესტების შესახებ, მოსამზადებელი საჭირო ნუსხა და სხვა.

გამოცდა კონკურსანტის კომპეტენციას და უნარებს შეამოწმებს და მასალის დაზეპირებაზე ორიენტირებაზე არ იქნება. გამოცდის დაწყებამდე საგამოცდო ცენტრის კოორდინატორები კონკურსანტებს სრულ ინსტრუქციას გააცნობენ.

როგორც სამინისტროში აცხადებენ, წარმატებით ჩატარებულად ჩაითვლება, თუ კონკურსანტი ტექსტის მაქსიმალური ქულიდან 60%-ს დააგროვებს, რაც მას საშუალებას მისცემს გადავიდეს გასაუბრების ეტაპზე.

სერტიფიცირების ორივე ეტაპის წარმატების გავლის შემთხვევაში, დირექტორობის მსურველს, დირექტორობის უფლების დამადასტურებელი სერთიფიკატი გადაეცემა, რომელიც მას საშუალებას მისცემს მონაწილეობა მიიღოს დირექტორების შესარჩევ კონკურსში.

ამასთან, იმ პირებს, რომელთაც 2012 წელს სერტიფიცირების ტესტირების ეტაპი წარმატებით აქვს გადალახული, საშუალება მიეცემათ პროცესი გასაუბრების ეტაპიდან გააგრძელონ.
თამარ სანიკიძემ აღნიშნა, რომ სერტიფიცირების პროცესი 600-მდე სკოლის დირექტორს შეეხება. სავარაუდოდ, მომავალი წლიდან სკოლებს ახალი სერტიფიცირებული დირექტორები ეყოლებათ. დირექტორის უფლების დამადასტურებელ სერტიფიკატს 6-წლიანი მოქმედების ვადა აქვს.

 
„თავისუფალი დემოკრატები“ რეგიონებში მოსახლეობასთან შეხვედრებს განაგრძობენ.

„თავისუფალი დემოკრატები“ რეგიონებში მოსახლეობასთან შეხვედრებს განაგრძობენ.

პრეზიდენტი პარლამენტში წლიური მოხსენებით, სავარაუდოდ, თებერვლის მესამე კვირას გამოვა

პრეზიდენტი პარლამენტში წლიური მოხსენებით, სავარაუდოდ, თებერვლის მესამე კვირას გამოვა

საპროტესტო აქციის მონაწილეები ბიძინა ივანიშვილის რეზიდენციასთან მივიდნენ

საპროტესტო აქციის მონაწილეები ბიძინა ივანიშვილის რეზიდენციასთან მივიდნენ

 უზენაესი სასამართლოს თავმჯდომარის პოსტზე უმრავლესობა პრეზიდენტს კანდიდატურას არ შესთავაზებს

უზენაესი სასამართლოს თავმჯდომარის პოსტზე უმრავლესობა პრეზიდენტს კანდიდატურას არ შესთავაზებს

რუსთაველის მეტროსთან საპროტესტო აქცია მიმდინარეობს

რუსთაველის მეტროსთან საპროტესტო აქცია მიმდინარეობს

"უნდა დავეხმაროთ ისეთ ქვეყნებს, რომლებიც რეალურად, ებრძვიან ტოტალიტარიმზს"

"უნდა დავეხმაროთ ისეთ ქვეყნებს, რომლებიც რეალურად, ებრძვიან ტოტალიტარიმზს"

"ვისჯებით ჩვენი სუვერენული, ევროპული და ევროატლანტიკური არჩევანისთვის"

"ვისჯებით ჩვენი სუვერენული, ევროპული და ევროატლანტიკური არჩევანისთვის"

"ბოევიკები" ქალაქ უგლეგორსკში დამატებითი ძალების მობილიზებას ახდენენ

"ბოევიკები" ქალაქ უგლეგორსკში დამატებითი ძალების მობილიზებას ახდენენ