ირაკლი კობახიძე კავკასიის მუსლიმთა საბჭოს თავმჯდომარეს, შეიხ-ულ-ისლამ ალლაჰშუქურ ფაშაზადეს შეხვდა
მთავარი

ირაკლი კობახიძე კავკასიის მუსლიმთა საბჭოს თავმჯდომარეს, შეიხ-ულ-ისლამ ალლაჰშუქურ ფაშაზადეს შეხვდა

ირაკლი კობახიძე კავკასიის მუსლიმთა საბჭოს თავმჯდომარეს, შეიხ-ულ-ისლამ ალლაჰშუქურ ფაშაზადეს შეხვდა
for.ge

2017-04-21 19:03:11

პარლამენტის თავმჯდომარემ, ირაკლი კობახიძემ საქართველოში ვიზიტით მყოფი კავკასიის მუსლიმთა საბჭოს თავმჯდომარე შეიხ-ულ-ისლამ ალლაჰშუქურ ფაშაზადე მიიღო.

შეხვედრაზე ხაზი გაესვა ხალხებს შორის კავშირებს, ორ ქვეყანას შორის სტრატეგიულ პარტნიორობას და პარლამენტების წვლილს ხალხებს შორის მეგობრობაში.

სტუმარმა ხაზი გაუსვა სულიერი კავშირების ზრდას ორ ხალხს შორის და იმ განსაკუთრებულ წვლილს, რაც სრულიად საქართველოს კათოლიკოს-პატრიარქმა შეიტანა ქართველებს და აზერბაიჯანელებს შორის  თანამშრომლობის გაღრმავებაში და განსაკუთრებულ ურთიერთობებში.

„აზერბაიჯანელებს ძალიან უყვართ საქართველო და უსურვებენ ყველაფერს საუკეთესოს“, - განაცხადა კავკასიის მუსლიმთა საბჭოს თავმჯდომარემ. შეიხ-ულ-ისლამ ალლაჰშუქურ ფაშაზადემ აღნიშნა, რომ საქართველოში ოჯახთან ერთად იმყოფება და ოჯახთან ერთად მხოლოდ იმ ქვეყნებში ჩადის, რომლებსაც მეგობრულ ქვეყნებად თვლის. სტუმარმა საქართველოს პარლამენტის თავმჯდომარეს აზერბაიჯანის პრეზიდენტის, ილჰამ ალიევის მოკითხვა გადასცა.

ირაკლი კობახიძემ აღნიშნა, რომ ქართული მხარე აფასებს ილჰამ ალიევის ძალისხმევას საქართველოსთან ურთიერთობების გაღრმავებაში და კავკასიის მუსლიმთა საბჭოს თავმჯდომარეს აზერბაიჯანის პრეზიდენტთან მოკითხვა დააბარა.

პარლამენტის თავმჯდომარემ განაცხადა, რომ რეგიონში მშვიდობისა და სტაბილურობისთვის სასიცოცხლო მნიშვნელობა აქვს საქართველოსა და აზერბაიჯანს შორის ურთიერთობების გაღრმავებას. ირაკლი კობახიძემ კავკასიის მუსლიმთა საბჭოს თავმჯდომარეს მადლობა გადაუხადა პირადი წვლილისთვის მშვიდობის ხელშეწყობაში.

შეიხ-ულ-ისლამ ალლაჰშუქურ ფაშაზადემ აღნიშნა, რომ კონფლიქტები  საერთაშორისო სამართლის ნორმების მიხედვით უნდა მოგვარდეს. მისივე თქმით, ახლო საზღვარგარეთში ბევრი გამოწვევაა და ისლამოფობიის გამო რეგიონში ხშირად დაპირისპირების საფრთხე იზრდება, ამიტომ საჭიროა მეტი ყურადღება მიექცეს რადიკალიზმისა და ტერორიზმის საკითხებზე მსჯელობას. 

პარლამენტის თავმჯდომარემ, ირაკლი კობახიძემ და  კავკასიის მუსლიმთა საბჭოს თავმჯდომარემ, შეიხ-ულ-ისლამ ალლაჰშუქურ ფაშაზადემ ერთმანეთს წარმატებები უსურვეს  მომავალ საქმიანობაში.


 

 
საქართველოს პარლამენტმა უეფას 19-წლამდე ევროპის ჩემპიონატის თასს უმასპინძლა

საქართველოს პარლამენტმა უეფას 19-წლამდე ევროპის ჩემპიონატის თასს უმასპინძლა

პროპორციული სისტემის შემოღების 2024 წლამდე გადავადებით დამწუხრებული და იმედგაცრუებული ვარ

პროპორციული სისტემის შემოღების 2024 წლამდე გადავადებით დამწუხრებული და იმედგაცრუებული ვარ

მამუკა მდინარაძე: დარწმუნებული ვარ, რომ იმედგაცრუების ხარისხი გაცილებით დიდი იქნებოდა

მამუკა მდინარაძე: დარწმუნებული ვარ, რომ იმედგაცრუების ხარისხი გაცილებით დიდი იქნებოდა

დიდად ვწუხვართ, რომ უკვე ოთხ თვეზე მეტია საეკლესიო თემებით ხდება სპეკულირება, რაც მიზანმიმართული ქმედების შთაბეჭდილებას ტოვებს

დიდად ვწუხვართ, რომ უკვე ოთხ თვეზე მეტია საეკლესიო თემებით ხდება სპეკულირება, რაც მიზანმიმართული ქმედების შთაბეჭდილებას ტოვებს

არჩილ თალაკვაძე:  ოპოზიციური პარტიები ცდილობენ და ახერხებენ კიდეც პრეზიდენტის გამოყენებას

არჩილ თალაკვაძე: ოპოზიციური პარტიები ცდილობენ და ახერხებენ კიდეც პრეზიდენტის გამოყენებას

აკაკი ზოიძე: "1 ივლისიდან უფასო წამლების პროგრამა იწყება"

აკაკი ზოიძე: "1 ივლისიდან უფასო წამლების პროგრამა იწყება"

მერობის კანდიდატს საკრებულოს წევრად კენჭისყრის შესაძლებლობაც ექნება

მერობის კანდიდატს საკრებულოს წევრად კენჭისყრის შესაძლებლობაც ექნება

მარტო ”ქართულ ოცნებას” შეუძლია თავი მოიწონოს იმით, რომ ორი კვირის წინ რაღაც პოლიტიკური სისულელე გააკეთა, ახლა ასწორებს და ამბობს: რა მაგრები ვართო

მარტო ”ქართულ ოცნებას” შეუძლია თავი მოიწონოს იმით, რომ ორი კვირის წინ რაღაც პოლიტიკური სისულელე გააკეთა, ახლა ასწორებს და ამბობს: რა მაგრები ვართო

სარეკლამო ბანერი
1000 X 80