ანა დოლიძე - ”ქართულმა ოცნებამ” ვერ დაარწმუნა ვენეციის კომისია, ევროკავშირი და ვერც NDI, რომ კოალიციაში შემავალი 5 პარტია დამოუკიდებელი სუბიექტები არიან

გაუფრთხილდი თავს

ნარკოტიკი კლავს!

გაუფრთხილდი სხვას

მთავარი

ანა დოლიძე - ”ქართულმა ოცნებამ” ვერ დაარწმუნა ვენეციის კომისია, ევროკავშირი და ვერც NDI, რომ კოალიციაში შემავალი 5 პარტია დამოუკიდებელი სუბიექტები არიან

ანა დოლიძე - ”ქართულმა ოცნებამ” ვერ დაარწმუნა ვენეციის კომისია, ევროკავშირი და ვერც NDI, რომ კოალიციაში შემავალი 5 პარტია დამოუკიდებელი სუბიექტები არიან
ipn

2017-10-13 14:04:04

პრეზიდენტის საპარლამენტო მდივანი ანა დოლიძე მიიჩნევს, რომ ”ქართულმა ოცნებამ” ვერ შეძლო დაერწმუნებინა ვერც ვენეციის კომისია, ვერც ევროკავშირი და ვერც NDI, რომ კოალიციაში შემავალი 5 პარტია დამოუკიდებელი სუბიექტები არიან.

ანა დოლიძემ განცხადება პარლამენტში გააკეთა, სადაც ის დეპუტატებს საკონსტიტუციო ცვლილებების პროექტზე პრეზიდენტის მოტივირებულ შენიშვნებს აცნობს.

მისივე თქმით, რომელიმე პარტიის დამცირების გარეშე უნდა ითქვას, რომ 5-ს ჯობია 20 და კონსენსუსის დროს ეს არის მთავარი.

”მხოლოდ ჩვენი შენიშვნა არ არის, რომ ეს არის ერთპარტიული დოკუმენტი. რატომღაც თქვენ ვერ შეძელით დაგერწმუნებინათ ვერც ვენეციის კომისია, ვერც ევროკავშირი, ვერც NDI, რომ ის ხუთი პარტია, რომელიც არის თქვენთან გაერთიანებული და რომლის წარმომადგენლებიც იყვნენ თქვენს პარტიულ სიაში არჩევნებზე, დამოუკიდებელი სუბიექტები არიან. ამასთან დაკავშირებით, სამწუხაროდ, თქვენ დაგჭირდებათ არა მხოლოდ ჩვენი, არამედ უამრავი საერთაშორისო ორგანიზაციის დარწმუნება, რომ ეს არ არის ერთპარტიული კუთვნილების დოკუმენტი. იქიდან გამომდინარე, რომ საქართველოში აღარ დარჩა სასუნთქი ჰაერი, ტროტუარები, აღარ არის პარკები, სადაც დედები გაიყვანენ შვილებს ჰაერზე, უზარმაზარი კამპანიაა ატეხილი, რომ ხალხი იხრჩობა, მე პირველი ვიქნებოდი, ვინც მხარს დაუჭერდა იმას, რომ ”მწვანეთა პარტია” ყოფილიყო ნამდვილი პარტია, მაგრამ სამწუხაროდ ეს ასე არ არის”, - განაცხადა ანა დოლიძემ.

პრეზიდენტის საპარლამენტო მდივნის თქმით, არავის მატებს ღირსებას სხვა პარტიის დამცირება, მისი წევრების რაოდენობის გამო.

”მე არ ვფიქრობ, რომ თქვენს მანდატს ღირსებას მატებს რომელიმე პოლიტიკური პარტიის დამცირება, ეყოლება მას ერთი თუ 100 წევრი. დიახაც, ჩვენ არ ვიტყვით, რომ 5 კარგია, ან 20 კარგია, ჩვენ ვუერთდებით ვენეციის კომისიის განცხადებას, რომელიც გამოთქვამს მწუხარებას მოლაპარაკების ჩაშლის შედეგის შესახებ და ხაზს უსვამს წინა პოზიციას, რომ ძირითადი კონსტიტუციური რეფორმა უნდა გატარდეს რაც შეიძლება ფართო კონსენსუსით. იმის გარეშე, რომ არ დავამციროთ რომელიმე ოპოზიციური პარტია, რომელსაც შეიძლება ჰქონდეს უდიდესი საუკუნოვანი პოლიტიკური ისტორია, მე მაინც ვიტყოდი, 5-ს ჯობია 20. უნდა შექმნილიყო საშუალება დიალოგის, არ გავჩერებულიყავით ხუთზე და ამ პროცესში უნდა ჩართულიყო რაც შეიძლება მეტი პარტია. მით უმეტეს, რომ ის ხუთი, რომელიც არის წარმოდგენილი, გაერთიანებულია ერთი პოლიტიკური პლატფორმის ქვეშ”, - აღნიშნა ანა დოლიძემ.


 
დავიწყებ კონსულტაციებს, როცა მათი გადაწყვეტილება მიღებული იქნება

დავიწყებ კონსულტაციებს, როცა მათი გადაწყვეტილება მიღებული იქნება

დაკარგულია პანამის დროშის ქვეშ მცურავი გემი, რომელზეც 17 ქართველი მეზღვაური იმყოფება

დაკარგულია პანამის დროშის ქვეშ მცურავი გემი, რომელზეც 17 ქართველი მეზღვაური იმყოფება

„იტალიიდან იმისთვის წამოვედი, რომ დავმდგარიყავი იქ, სადაც ჩემს ქვეყანას სჭირდებოდა"

„იტალიიდან იმისთვის წამოვედი, რომ დავმდგარიყავი იქ, სადაც ჩემს ქვეყანას სჭირდებოდა"

გოგოლაშვილი ირანის საპროტესტო ნოტაზე: არ მგონია ამას ურთიერთობის დაძაბვა მოჰყვეს

გოგოლაშვილი ირანის საპროტესტო ნოტაზე: არ მგონია ამას ურთიერთობის დაძაბვა მოჰყვეს

გერმანიის მთავრობის პრესსამსახური ანგელა მერკელის საქართველოში ვიზიტზე ინფორმაციას ავრცელებს

გერმანიის მთავრობის პრესსამსახური ანგელა მერკელის საქართველოში ვიზიტზე ინფორმაციას ავრცელებს

საქართველოში წვიმა და ელჭექია მოსალოდნელი

საქართველოში წვიმა და ელჭექია მოსალოდნელი

ირანის მხარეს უკვე ეცნობა, რომ აეროპორტში ქართველი სამართალდამცველების მხრიდან მართლსაწინააღმდეგო და რელიგიური გრძნობების შემლახავი ქმედება არ გამოვლენილა

ირანის მხარეს უკვე ეცნობა, რომ აეროპორტში ქართველი სამართალდამცველების მხრიდან მართლსაწინააღმდეგო და რელიგიური გრძნობების შემლახავი ქმედება არ გამოვლენილა

ხუხაშვილი ირანელი მგზავრებისათვის ჩადრის მოხსნაზე: ჩვენს სპეცსამსახურს ამის საშუალება უნდა მიეცეს

ხუხაშვილი ირანელი მგზავრებისათვის ჩადრის მოხსნაზე: ჩვენს სპეცსამსახურს ამის საშუალება უნდა მიეცეს


სარეკლამო ბანერი
1000 X 80