საქართველოს მთავრობა აზიის განვითარების ბანკთან თანამშრომლობის განვითარების პოზიტიურ დინამიკას მიესალმება
მთავარი

საქართველოს მთავრობა აზიის განვითარების ბანკთან თანამშრომლობის განვითარების პოზიტიურ დინამიკას მიესალმება

საქართველოს მთავრობა აზიის განვითარების ბანკთან თანამშრომლობის განვითარების პოზიტიურ დინამიკას მიესალმება
1tv.ge

2018-03-13 16:20:31

საქართველოს მთავრობა მიესალმება აზიის განვითარების ბანკთან (ADB) თანამშრომლობის განვითარების პოზიტიურ დინამიკას და აფასებს მის მნიშვნელოვან მხარდაჭერას რეფორმების პროცესში, – ამის შესახებ საქართველოს პრემიერ-მინისტრმა გიორგი კვირიკაშვილმა აზიის განვითარების ბანკის მუდმივ წარმომადგენელთან, იეშიმ ელჰან-კაიალართან შეხვედრისას განაცხადა.

პრემიერ-მინისტრის პრესსამსახურის ინფორმაციით, შეხვედრაზე საუბარი შეეხო რეფორმების განხორციელებისა და ეკონომიკის განვითარების მიმართულებით საქართველოს მიერ მიღწეულ პროგრესს. აღინიშნა ის მზარდი მონაცემები, რომელიც ქვეყანას ეკონომიკური ზრდის, სავაჭრო ბრუნვის, ექსპორტისა და ტურიზმის მიმართულებით აქვს. განსაკუთრებული ყურადღება გამახვილდა მოგების გადასახადის რეფორმის წარმატებაზე, რის შედეგადაც, ქვეყანაში რეინვესტირების მაჩვენებელი პრაქტიკულად გაორმაგდა.

მხარეებმა  ADB-ის პარტნიორობის სტრატეგიის ძირითად, პრიორიტეტულ მიმართულებებზე ისაუბრეს. აღინიშნა, რომ ბანკის 2018-2020 წლების საოპერაციო ბიზნესგეგმა საქართველოსთვის, ასახავს მთავრობის მთავარ პრიორიტეტებს განვითარების მიმართულებით და ოთხპუნქტიან გეგმაში გაწერილ სტრატეგიას მხარს უჭერს.

პრემიერმა აზიის განვითარების ბანკს მთავრობის რეფორმების ოთხპუნქტიანი გეგმის ერთ-ერთი უმნიშვნელოვანესი მიმართულების – სივრცითი მოწყობის ფარგლებში დაგეგმილი ინფრასტრუქტურული პროექტების ფინანსური მხარდაჭერისთვის მადლობა გადაუხადა. ასევე, ხაზი გაუსვა აზიის განვითარების ბანკის როლს საპენსიო და კაპიტალის ბაზრისა და საჯარო-კერძო პარტნიორობის რეფორმების განხორციელების პროცესში.

ამასთან, მხარეებმა ისაუბრეს ბანკის მომავალ პროგრამებზე საქართველოში და წარმატებული თანამშრომლობის გაგრძელების იმედი გამოთქვეს.

აზიის განვითარების ბანკი საქართველოს ერთ-ერთი უმსხვილესი პარტნიორია, რომლის მხარდაჭერით სახელმწიფო და კერძო სექტორში განხორციელებულია 2.5 მილიარდ აშშ დოლარამდე ღირებულების პროექტები.

შეხვედრას საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი, ფინანსთა მინისტრი მამუკა ბახტაძე და რეგიონული განვითარებისა და ინფრასტრუქტურის მინისტრი ზურაბ ალავიძე დაესწრნენ.
ნამდვილად გამოვდივართ იმ პერიოდიდან, როცა უმრავლესობა ისაკუთრებდა ხელისუფლების ყველა შტოს

ნამდვილად გამოვდივართ იმ პერიოდიდან, როცა უმრავლესობა ისაკუთრებდა ხელისუფლების ყველა შტოს

ზოგიერთი ჩვენი ოპონენტისგან განსხვავებით, ის არასდროს იქნება საქართველოს ოპონენტი

ზოგიერთი ჩვენი ოპონენტისგან განსხვავებით, ის არასდროს იქნება საქართველოს ოპონენტი

2018 წლის 28 ოქტომბრის არჩევნებისთვის პრეზიდენტობის 25 კანდიდატია რეგისტრირებული

2018 წლის 28 ოქტომბრის არჩევნებისთვის პრეზიდენტობის 25 კანდიდატია რეგისტრირებული

დედაქალაქის მერი თბილისი-ნაფეტვრების გზის რეაბილიტაციის სამუშაოებს გაეცნო

დედაქალაქის მერი თბილისი-ნაფეტვრების გზის რეაბილიტაციის სამუშაოებს გაეცნო

"წესიერ ხალხთან ერთად ვმუშაობდი" - კვირიკაშვილი მარიხუანას კანონპროექტზე

"წესიერ ხალხთან ერთად ვმუშაობდი" - კვირიკაშვილი მარიხუანას კანონპროექტზე

პრემიერი ნიუ იორკში ქართველ სტუდენტებს განათლების სისტემის რეფორმის ხედვაზე ესაუბრა

პრემიერი ნიუ იორკში ქართველ სტუდენტებს განათლების სისტემის რეფორმის ხედვაზე ესაუბრა

კანაფის კულტივაციაზე მთავრობის ინიციატივას ფორსირებას არ გავუკეთებთ, ეს ჩვენი ხელწერა არ არის

კანაფის კულტივაციაზე მთავრობის ინიციატივას ფორსირებას არ გავუკეთებთ, ეს ჩვენი ხელწერა არ არის

როდესაც სხვადასხვა ოპოზიციური ძალა გაყალბებას იყენებს მექანიზმად, ეს შეუმჩნეველი არ რჩება საერთაშორისო საზოგადოების მიერ

როდესაც სხვადასხვა ოპოზიციური ძალა გაყალბებას იყენებს მექანიზმად, ეს შეუმჩნეველი არ რჩება საერთაშორისო საზოგადოების მიერ


სარეკლამო ბანერი
1000 X 80