დედაქალაქის მერიის მხარდაჭერით თბილისის ხელოვნების ბაზრობა გაიხსნა

გაუფრთხილდი თავს

ნარკოტიკი კლავს!

გაუფრთხილდი სხვას

მთავარი

დედაქალაქის მერიის მხარდაჭერით თბილისის ხელოვნების ბაზრობა გაიხსნა

დედაქალაქის მერიის მხარდაჭერით თბილისის ხელოვნების ბაზრობა გაიხსნა
for.ge

2018-05-17 17:12:35

დედაქალაქის მერიის მხარდაჭერით, საგამოფენო ცენტრ „ექსპო ჯორჯიაში“ თბილისის ხელოვნების ბაზრობა - Tbilisi Art Fair გაიხსნა. 

გამოფენის გახსნას თბილისის მერის მოადგილე სოფიო ხუნწარია დაესწრო. ოთხდღიან გამოფენა-გაყიდვაში მსოფლიოს სხვადასხვა ქვეყნის ოცდაათი გალერეა და ორმოცი დამოუკიდებელი ხელოვანი მონაწილეობს. მათ შერჩევაზე მოწვეულ ექსპერტთა ჯგუფმა იმუშავა. თბილისის ხელოვნების ბაზრობის საბჭოს წევრებს შორის არიან რიტა იანსენი, ბოზარის (Bozar) მრჩეველი კულტურის სფეროს საერთაშორისო თანამშრომლობის დარგში და ნიკოლას ვ. ილინი, გუგენჰაიმის სამუზეუმო პროექტების ავტორი ბერლინში, ბილბაოსა და ლას ვეგასში.

„მოხარული ვარ, რომ ქალაქ თბილისის მერია თბილისის პირველი არტ ბაზრობის მხარდამჭერია, რომელმაც პირველივე წელს ძალიან დიდი მასშტაბი მიიღო. 30 გალერეა და 40-მდე დამოუკიდებელი არტისტი მონაწილეობს ამ პროექტში. ეს ის რიცხვია, რაც უნდა მივულოცოთ ორგანიზატორებს. ვიმედოვნებ, რომ არტ ბაზრობა მომავალ წელს უფრო მასშტაბური გახდება და თბილისი რეგიონში თანამედროვე ხელოვნების ერთგვარი ჰაბი იქნება“, - განაცხადა სოფიო ხუნწარიამ.  

თანამედროვე ხელოვნების ბაზრობაზე წარმოდგენილია შემეცნებითი პროგრამები, ლექციები, მასტერკლასები და ღია ფორუმები. გარდა ამისა, გაიმართება პარალელური ღონისძიებები: Tbilisi Photo Festival - ქართული ფოტოგრაფიის რეტროსპექტივა - „აქ და იქ - რეალობაში და მის მიღმა“. გამოფენა 20 ავტორის ნამუშევარს აერთიანებს და ფოტოგრაფიის განვითარებას სამსაუკუნოვან ისტორიას აჩვენებს. ქართული ფოტოგრაფიის ასეთი გამორჩეული გამოფენა პირველად იქნება წარმოდგენილი ფართო აუდიტორიისთვის.

ემიგრაციის თემას ეძღვნება უცხოეთში მოღვაწე ქართველი ქალი მხატვრების ნამუშევრების გამოფენა - „დაიკარგა თორმეტი ქალი“, რომელიც თბილისის ერთ-ერთ გამორჩეულ სივრცეში - აბრეშუმის მუზეუმში გაიხსნება. 

„ომი დროებით შეჩერებულია“ - ამ სახელწოდებით გაიმართება ახალგაზრდა ხელოვანთა ჯგუფური გამოფენა, რომელიც 20-მდე ხელოვანის ფოტო-ვიდეო ინსტალაციას, პერფორმანსს და ფერწერულ ნამუშევარს აერთიანებს.

თბილისის ხელოვნების ბაზრობის მიზანია ხელი შეუწყოს საქართველოში და ზოგადად, სამხრეთ კავკასიაში თანამედროვე ხელოვნების ბაზრობის სტანდარტების შექმნას და განვითარებას.

Tbiisi Art Fair 2018-ის მხარდამჭერები და პარტნიორები არიან: საქართველოს ეკონომიკისა და მდგრადი განვითარების სამინისტროს პროექტი Check in Georgia, თბილისის მერია, ამერიკის შეერთებული შტატების საელჩო საქართველოში, კუნსტ ჰალლე თბილისი, გოეთეს ინსტიტუტი, თბილისის ფოტო ფესტივალი, თიბისი სტატუსი და სხვა ოცდასამი ქართული კერძო კომპანია. ღონისძიების ორგანიზატორია გამოფენების ცენტრი "ექსპო ჯორჯია". 
თბილისის მერმა ქვეყნის მოსახლეობას დამოუკიდებლობის დღე მიულოცა

თბილისის მერმა ქვეყნის მოსახლეობას დამოუკიდებლობის დღე მიულოცა

საქართველოს ფარგლებს გარეთ დაგეგმილი აქტივობები

საქართველოს ფარგლებს გარეთ დაგეგმილი აქტივობები

პირველი დემოკრატიული რესპუბლიკის დაარსებიდან 100 წელი საქართველოსა და მსოფლიოს სხვადასხვა ქვეყანაში მასშტაბურად აღინიშნება

პირველი დემოკრატიული რესპუბლიკის დაარსებიდან 100 წელი საქართველოსა და მსოფლიოს სხვადასხვა ქვეყანაში მასშტაბურად აღინიშნება

კისკა: „ყოველთვის აღფრთოვანებული ვიყავით თქვენს მიერ განხორციელებული რეფორმების სიმრავლით“

კისკა: „ყოველთვის აღფრთოვანებული ვიყავით თქვენს მიერ განხორციელებული რეფორმების სიმრავლით“

ჩემთვის დიდი პატივია ჩემს ძმებთან ერთად დიდი გამარჯვების 100 წლისთავის ზეიმი

ჩემთვის დიდი პატივია ჩემს ძმებთან ერთად დიდი გამარჯვების 100 წლისთავის ზეიმი

ჩვენ ძალიან მოხარულნი ვართ, რომ ვართ თქვენთან და თქვენთვის, ნატოსა და ევროკავშირში ინტეგრაციის გზაზე

ჩვენ ძალიან მოხარულნი ვართ, რომ ვართ თქვენთან და თქვენთვის, ნატოსა და ევროკავშირში ინტეგრაციის გზაზე

გამარჯობა, საქართველო! ჩემთვის ძალიან მნიშვნელოვანია თქვენს გვერდით ყოფნა მაშინ, როდესაც დამოუკიდებლობის 100 წელს ზეიმობთ

გამარჯობა, საქართველო! ჩემთვის ძალიან მნიშვნელოვანია თქვენს გვერდით ყოფნა მაშინ, როდესაც დამოუკიდებლობის 100 წელს ზეიმობთ

ერთ-ერთმა ტელეკომპანიამ, მკრეხელური გადაცემა გააკეთა, მკრეხელობას მიმართა, რაც არის შეურაცხმყოფელი ჩვენი ერისთვის

ერთ-ერთმა ტელეკომპანიამ, მკრეხელური გადაცემა გააკეთა, მკრეხელობას მიმართა, რაც არის შეურაცხმყოფელი ჩვენი ერისთვის

სარეკლამო ბანერი
1000 X 80