კახა კალაძე ე.წ. ვარკეთილის ხიდების აღდგენა-რეკონსტრუქციის სამუშაოებს გაეცნო
მთავარი

კახა კალაძე ე.წ. ვარკეთილის ხიდების აღდგენა-რეკონსტრუქციის სამუშაოებს გაეცნო

კახა კალაძე ე.წ. ვარკეთილის ხიდების აღდგენა-რეკონსტრუქციის სამუშაოებს გაეცნო
ipn

2018-06-14 16:06:00

დედაქალაქის მერი კახა კალაძე კახეთის გზატკეცილისა და ჯავახეთის ქუჩის გადაკვეთაზე საავტომობილო ხიდი-გზაგამტარის (ე.წ. ვარკეთილის ხიდები) აღდგენა-რეკონსტრუქციის სამუშაოებს გაეცნო. 

სამგორის რაიონში მიმდინარე სამუშაოებს თბილისის მერიის ინფრასტრუქტურის განვითარების საქალაქო სამსახური ახორციელებს. პროექტის ღირებულება 1 581 600 ლარს შეადგენს.

თბილისის მერის განცხადებით, ხიდის კონსტრუქცია თავიდან ბოლომდე შეიცვლება და მოწესრიგდება. 

„პირველ რიგში, დავუკვეთეთ კვლევა, რომ ხიდის არსებული მდგომარეობა გაგვეგო. მივიღეთ ძალიან მძიმე შედეგი, რადგან ხიდი ავარიულ მდგომარეობაშია. მაშინვე დავუკვეთეთ პროექტი და სარეაბილიტაციო სამუშაოები უკვე მიმდინარეობს. ორივე ზოლი წლის ბოლომდე დასრულდება. იმ კონკრეტულ მონაკვეთს, რომელზეც ახლა მიმდინარეობს სამუშაოები, სამი თვე დასჭირდება. ხიდის კონსტრუქცია და საყრდენები თავიდან ბოლომდე იცვლება და ახალი, განახლებული და ყველანაირად მოწესრიგებული ხიდი გვექნება“, - აღნიშნა კახა კალაძემ.

მისივე განცხადებით, მომავალ წელს კახეთის გზატკეცილის სრული რეაბილიტაცია იგეგმება.

„გარდა ამისა, ჩვენ კახეთის გზატკეცილზე დაწყებული გვაქვს სათადარიგო საგზაო ინფრასტრუქტურის მოწესრიგება. წელს დავიწყეთ მარცხენა მხარე და რამდენიმე კვირაში უკვე მარჯვენა მიმართულებასაც დავიწყებთ. მომავალ წელს, განათებებითა და გამწვანებით კახეთის გზატკეცილის, ცენტრალური მაგისტრალის სრულ რეაბილიტაციას ვგეგმავთ და ამ მიმართულებით, ყველანაირი სამუშაო ჩატარდება. არსებობს გარკვეული მონაკვეთები, რომელიც სერიოზულ პრობლემას წარმოადგენს. სამწუხაროა ის ვითარება, რომელიც გვაქვს. შესაბამისად, ეს გადაწყვეტილება მიღებული გვაქვს და მომავალ წელს, მთლიანი გზატკეცილის რეაბილიტაცია მოხდება“, - განაცხადა კახა კალაძემ.

ე.წ. ვარკეთილის ხიდების აღდგენა-რეკონსტრუქციის პროექტის პირველ ეტაპზე, სამი თვით, აეროპორტის მიმართულებით საავტომობილო მიმოსვლა შეიზღუდა; აღნიშნულ პერიოდში, საავტომობილო მიმოსვლა საპირისპირო მიმართულებაზე გადაერთო და მოძრაობა ორმხრივი გახდა; სამუშაოების წარმოების მეორე ეტაპზე, შეზღუდვა აეროპორტიდან მომავალ მიმართულებაზე იმოქმედებს და საპირისპირო მიმართულება ორმხრივი გახდება. 

პროექტის განხორციელების პროცესში, თბილისის მერია საპატრულო პოლიციასთან ერთად, საგზაო მოძრაობასთან დაკავშირებული დისკომფორტის თავიდან ასაცილებლად, კოორდინირებულად მუშაობს.

კახა კალაძესთან ერთად, ე.წ. ვარკეთილის ხიდების აღდგენა-რეკონსტრუქციის სამუშაოებს თბილისის მერის მოადგილე ირაკლი ბენდელიანი, ინფრასტრუქტურის განვითარების საქალაქო სამსახურის უფროსი გაგი ბუაძე, სამგორის რაიონის გამგებელი კახა გულედანი, საკრებულოს და პარლამენტის მაჟორიტარი დეპუტატები გიორგი დოხტურიშვილი და შოთა ხაბარელი გაეცნენ.   
რობერტ სტურუა: ბრბო ივიწყებს, ამ ჭაღარა ქართველს კი ალბათ ახსოვს

რობერტ სტურუა: ბრბო ივიწყებს, ამ ჭაღარა ქართველს კი ალბათ ახსოვს

გვარამია: "სუს-ი ამზადებს ჩემი და სააკაშვილის საუბრის ჩანაწერს გამოსაგდებად…"

გვარამია: "სუს-ი ამზადებს ჩემი და სააკაშვილის საუბრის ჩანაწერს გამოსაგდებად…"

ყველგან ბავშვების გვამებია... აღებდნენ კაბინეტებს და კლავდნენ

ყველგან ბავშვების გვამებია... აღებდნენ კაბინეტებს და კლავდნენ

ცენტრალური, საოლქო და საუბნო საარჩევნო კომისიების წევრებმა ეთიკის კოდექსს მოაწერეს ხელი

ცენტრალური, საოლქო და საუბნო საარჩევნო კომისიების წევრებმა ეთიკის კოდექსს მოაწერეს ხელი

გიორგი კახიანი: მოქმედი კანონმდებლობის მიხედვით, პრეზიდენტს აქვს მთავრობის სხდომაზე ცალკეულ საკითხთა განხილვის მოთხოვნის უფლება

გიორგი კახიანი: მოქმედი კანონმდებლობის მიხედვით, პრეზიდენტს აქვს მთავრობის სხდომაზე ცალკეულ საკითხთა განხილვის მოთხოვნის უფლება

ეკა ბესელია:  ასე იოლად ნუ შევეგუებით, რომ ქვეყანა ფარული ჩანაწერებით ცხოვრობდეს

ეკა ბესელია: ასე იოლად ნუ შევეგუებით, რომ ქვეყანა ფარული ჩანაწერებით ცხოვრობდეს

სალომე ზურაბიშვილის შეხვედრა ქალ ელჩებთან

სალომე ზურაბიშვილის შეხვედრა ქალ ელჩებთან

დეპუტატის თქმით, იგი აუცილებლად დაინტერესდება რა სტატუსით და ვისი ნებართვით  შევიდა  ცუხიშვილი ვიქტორ ჯაფარიძესთან ერთად  მირზა სუბელიანთან

დეპუტატის თქმით, იგი აუცილებლად დაინტერესდება რა სტატუსით და ვისი ნებართვით შევიდა ცუხიშვილი ვიქტორ ჯაფარიძესთან ერთად მირზა სუბელიანთან


სარეკლამო ბანერი
1000 X 80